20-ci əsrin ən sirli nasisti Alfred Rode — Kəhrəba Otaq və müəmmalı ölümlər

20-ci əsrin ən sirli nasisti Alfred Rode
10:25
10.10.2017
1304
Maraqlı
A
Nasist alim Alfred Rodenin adı tarixin ən müəmmalı səhifələrindən biri ilə bağlıdır. Rode məşhur Kəhrəba Otağın yoxa çıxmasında iştirak edib.

“Ölkə.Az” bu gün Rode və Kəhrəba otaq haqqında məqaləni oxucuları ilə bölüşür.

Ötən əsrin 30-40-cı illərində Alfred Rode adı Almaniyada kifayət qədər məşhur idi. Alim Keniqsbergin Kral qəsrinin incəsənət kolleksiyasının alimi və mühafizəçisi idi. O, kəhrəbadan hazırlanan bir sıra unikal sənət əsərləri toplamışdı. Bu kolleksiyaya zinət əşyaları, rəsmlər, xaçlar və heykəllər daxil edilmişdi. Məhz Rode müharibə illərində Kəhrəba Otağın SSRİ ərazisindən çıxarılmasında təkid edib.

Sovet ordusu Keniqsberqə girəndə muzeyin bütün zalları və qəsr boş idi. Alfred Rode tərəfindən mühafizə edilən bütün eksponatlar yoxa çıxmışdı. Artıq 70 ildən çoxdur ki, ən böyük kəhrəba kolleksiyasının axtarışları dünya alimləri və tədqiqatçılarının maraq dairəsindədir.

Alfred Rode Keniqsberqin Kral qəsrində uzun illər xidmət göstərib. O, yantar kolleksiyasının mühafizəçisi kimi şöhrətlənib. Onun və kolleksiyanın yoxa çıxması isə Alfredin adını əbədiləşdirib.

Alman alimi və incəsənət xadimi Alfred Rode rəssamlar haqqında kitab yazıb və Kral muzeyinin eksponatlarını təsvir edib. O, eyni zamanda dünya incəsənət muzeyinin də banisidir.

Hitlerin planına əsasən işğal edilmiş ölkələrdə ələ keçirilmiş sənət nümunələri muzeyə eksponat kimi gətirilməli idi. Qiymətli əsərləri saxlamaq üçün əvvəlcə Krakov və Keniqsberq şəhərləri ayrıldı. Alferd Rode isə əsərlərin qəbulu, təsnifatlandırılması işinə rəhbərlik edib. Keniqsberq qəsrinin anbarlarında Rusiya, Belorus və Ukraynadan gətirilən qiymətli eksponatlar yerləşdirilir.

Rode Kəhrəba Otağın məhz onun muzeyinə gətirilməsi üçün bütün nüfuzundan istifadə edir. 1941-ci ilin dekabrında alim arzusuna çatır. Kral qəsrindəki salonlardan birinə Kəhrəba Otağı quraşdırırlar. Amma ayrılan otaq Peterburq sarayındakı otaqdan kiçik olduğu üçün otağı tam quraşdırmadılar. Bir hissəsini isə anbara göndərdilər. Kral qəsri bir neçə dəfə bombardmana məruz qalır. Bu bombaları İngiltərə qırıcıları atırdı. 1944-cü ildə qəsrdə böyük yanğın baş verir. Rode Kəhrəba Otağın bir hissəsinin yanğın nəticəsində xarab olduğunu komandanlığa bildirir. Qiymətli eksponatı təhlükə altına salmamaq üçün Kəhrəba Otaq təcili surətdə sökülür və qutulara yığılır. Qutular isə böyük qəsrin müxtəlif hissələrinə yerləşdirilir. Bir versiyaya görə, qutular “Anna” şaxtasına endirilib və şaxtanın girişini partladaraq bağlayıblar. Bu günə qədər də şaxtanın girişini tapmaq mümkün olmayıb.

Kəhrəbadan hazırlanan eksponatlarla bağlı mistik təsadüf və tapmacalar 1945-ci ilin aprel ayından başladı. Məlum oldu ki, bu qiymətli xəzinənin daşınması barədə sənədlər heç bir arxivdə yoxdur. Bununla belə, Alfred Rodenin çoxsaylı ezamiyyətləri barədə hesabatlar qalmışdı. Amma sənədlərin heç birində şəhərin təslim olması vəziyyətində qiymətli xəzinənin harada axtarılması və harada gizlədilməsi barədə məlumat yoxdur. Çox güman ki, sovet ordusunun şiddətli hücumu səbəbindən kolleksiyanı çıxarmaq mümkün olmayıb. Sovet ordusu şəhərə daxil olduqdan sonra Rode Keniqsberqi tərk edə bilmədi. Alim təcili surətdə ailəsini Almaniyaya göndərdi və özü şəhərdə qaldı. Güman ki, onu Keniqsberqdə nəsə saxlayırdı. Bəlkə Rode gizlədilən xəzinəyə nəzarət edirdi?

Heç kəs Rode ilə maraqlanmadı. Sovet ordusu şəhəri ələ keçirdikdən sonra Kral qəsrini yoxladı. Keniqsberqin almanlar tərəfindən təhvil verilməsinin ilk günlərində şəhər güclü qarətə məruz qaldı. Bu hadisə şahidlərinin məlumatına əsasən, Kral qəsrinin yoxlanılmasında muzey mütəxəssisləri yox, qənimət komandaları iştirak edirdilər. Bu dəstələr tapılan bütün qiymətli əşyaları-əşyalardan tutmuş sənət əsərinə qədər hər şeyi aparırdılar. Onlar üçün heç nəyin fərqi yox idi. Alferd Rode isə gizlədilmiş xəzinənin sirrini qorumağa davam edirdi. Vaxt keçirdi. Keniqsberq sarayından itən sənət əşyaları ilə əlaqəsi olan insanların müəmmalı ölümü başladı.

1945-ci ilin dekabr ayında “Smerş” istintaq bölməsinə daxil olan məlumata əsasən Rode cütlüyü yoxa çıxıb. Qonşu iddia edirdi ki, 3 nəfər şəxs Rodeni çox güman ki, xəstəxanaya aparıblar. Xəstəxanada isə ölüm haqqında arayış və çıxarış hazır idi. Çıxarışda “Luiza” qəbirsanlığında dəfn edildiyi göstərilirdi. Bir neçə saat ərzində onlarla alman hərbi əsiri Rodenin qəbrini dağıdırlar. Amma qəbir boş idi. Beləcə bu yol ilə kimsə Kral qəsrinin kolleksiyasının yerini bilən təhlükəli şahidi aradan götürür.

Keniqsberq faşistlərdən azad edildikdən bir neçə il sonra şəhərdə “Vervolf” təşkilatı fəaliyyət göstərib. Onun əsas tapşırıqlarından biri də Avropanın bir çox ölkəsində oğurlanmış dəyərli əşyaların çıxarılması əməliyyatını davam etdirmək idi. Bir versiyaya əsasən Rode “Vervolf”un döyüşçüləri tərəfindən qətlə yetirilib.  SS Oberşturmbanfüreri Qustav Georq Vist bu əməliyyata rəhbərlik edib. Məhz Qustava sovet ordusunun tutduğu ərazilərdən Kəhrəba Otağı çıxarmaq əmri verilmişdi. Uzun illər sonra bu zabitin Qərbi Almaniyada yaşayan oğlu tapıldı.

Onun sözlərinə əsasən Şərqi Prussiyadakı tapşırığı yerinə yetirdikdən dərhal sonra qəribə şəraitdə dünyasını dəyişdi. Şərqi Prussiyanın hakimi Erix və iqtisadçısı Koxun da müəmmalı ölümü Keniqsberqin yoxa çıxan sərvəti ilə bağlıdır. Onlar 1944-cü ilin sonlarında mülkün ərazisində yeraltı işlərin getdiyini bilirdilər. Güman edilir ki, bu qazıntılar zamanı xəzinəni orada gizlədiblər. Tikintidə iştirak edən hərbi əsirləri güllələdilər. Yeraltı anbara giriş nəticədə tapıldı. Məlum oldu ki, yeraltı yollar Keniqsberqin yeraltı yolları ilə əlaqəlidir.

Mütəxəssislərin sözlərinə əsasən Keniqsberqin altında böyük bir şəhər var. Burada hətta hitlerçilərin aviasiya zavodu var. Şəhərin yeraltı mağaralarından bir neçə dəfə suyu çəkmək istəsələr də, alınmayıb. Tədqiqatlar nəticəsində məlum olub ki, Keniqsberqin yeraltı yolları Baltik dənizi ilə əlaqəlidir. Bir neçə il əvvəl iki nəfər həvəskar-tədqiqatçı sahildə süni mağara tapıblar. Mağaraya giriş minalanıb. Tədqiqatçılar minanı təmizləyən mütəxəssis axtarıblar. Amma çox keçmədən oğlanların ikisi də həlak oldu. Onlardan biri beşinci mərtəbənin balkonundan aşağı düşdü. Digəri isə itkin düşdü.

Kəhrəba Otağın axtarışları ilə bağlı müəmmalı ölümlər zənciri davam edirdi. 1988-ci ilin noyabr ayında Kəhrəba Otağın yoxa çıxmasını araşdıran alman alim Georq Ştayn Kəhrəba Otağın izinə düşdüyü barədə dostuna məktub yazıb. Tezliklə alimin bıçaqlanmış meyiti Hamburq yaxınlığında, qədim qəsrin xarabalıqlarında tapılır. Kəhrəba Otağın sirri açılmamış qalır, amma alimin arxivi saxlanılıb. Bu arxivdə “Olqa” poliqonu və “Erix Koxun qiymətli əşyaları”nın adı keçir. Çox güman ki, bunların arasında Kəhrəba Otaq da var. Sənədlərdə bütün bu xəzinənin Şərqi Prussiyadan 1945-ci ilin yanvar ayında “Emden” hərbi gəmisi ilə çıxarıldığı barədə məlumat var.

Georq Ştayn xəzinənin izini Veymara qədər aparıb. Georq Ştaynda olan sənədlər isə şəhərin sovet ordusu tərəfindən ələ keçirilməsindən sonra İsveçrənin Qırmızı Xaç cəmiyyətinə məxsus yük maşınlarının Veymar –“Olqa” poliqonu arasında çoxsaylı səfərlərini təsdiq edir. Yük maşınlarının iri qutularla yükləndiyini görən şahidlər də var idi. Bu əməliyyatda təkcə “Vervolf”un əməkdaşları yox, eyni zamanda Qərb müttəfiqləri, həm də İsveçrə prezidentinin qardaşı Benua Muzi də iştirak edib. Əməliyyatdan sonra Benua Muzi naməlum şəraitdə dünyasını dəyişir.

Başqa bir müəmmalı məqam “Olqa” poliqonu ilə əlaqəlidir. 1945-ci ilin aprel ayında “Olqa” poliqonu Eyzenhauer tərəfindən yoxlanılır. Eyzenhauer hərbi əsir düşərgəsinə və orada yerləşən sənət əsəri anbarına baş çəkir. Həmən vaxt anbarda dəyərli əşyaların olub-olmadığı bilinmir. Amerikalılar “Olqa” poliqonunu tərk edəndə orada heç bir sənəd saxlamayıblar. Vaxtilə sovet hökuməti Amerika hölumətinə müraciət edərək poliqonu faşistlərdən təmizləyən diviziyanın sənədlərini açıqlamasını istəyir. Amma ABŞ hökuməti bu müraciətə cavab vermir.

İtən xəzinə və Kəhrəba Otağın sirri bu günə qədər də ciddi surətdə qorunur. Bu tapmacanı çözməyə yaxınlaşan insanlar isə qısa müddət ərzində qəribə və anlaşılmaz şəraitdə həlak olublar. Almanlar tərəfindən Avropa ölkələrindən çıxarın xəzinə və Kəhrəba Otağın axtarışlarında yaranan problemlər, çoxsaylı ölümlər mistik xarakter alıb.

Ortaya belə bir mənzərə çıxır ki, bu sirri ciddi şəkildə qoruyan hansısa güclü qüvvə var. Çünki bu xəzinənin dəyəri ölçülməzdir. Bəlkə də nə vaxtsa bu xəzinə xarici auksionlarda üzə çıxacaq...

Hikmət Həsənov
Ölkə.Az

ŞƏRH YAZ
0

Kiçik, amma cansıxıcı işlər az olmayacaq

Kiçik, amma cansıxıcı işlər az olmayacaq
01:03
Bu gün
5118
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - ədalət və haqların təminatı ilə bağlı problemlər ön plana keçəcək. İddialarınızla bağlı məqamları həll edin. Qohumlar, dostlar arasında mübahisələr olacaq.

Yaxın ətrafınızdakı insanlarla münasibətləri korlamayın.

Günün ikinci yarısında müzakirə zamanı hədsiz emosionallıq əlaqələrin kəsilməsinə səbəb olmamalıdır. Aqressiv, kobud olmayın.

Önəmli saydığınız məqamı danışıqlar yolu ilə çözə bilmirsinizsə, müzakirələri dayandırın. Məşğul olduğunuz işin təfərrüatlarına fikir verin, detalları nəzərdən qaçırmayın.

Buğa - böyük həcmli işlərə hazır olun. Günün ilk yarısından etibarən, çox yəqin ki, bir məsələnin həlli ilə məşğul olmaq gərəkdir. İkinci dərəcəli işləri təxirə salın. Yollarda xüsusilə diqqətli olun. 

Günün ikinci yarısında qəza vəziyyəti yaratmayın. Çalışdığınız sahədə qərarları təcili, təxirəsalınmaz şəkildə verin.

Ailə üzvlərindən birinin problemi var. Həmin problemin çözülməsi çox vaxt apara bilər. Laqeyd olmayın.

Əkizlər - günün ilk yarısında hər şey yaxşıdır. Narahatlıq və nigaranlıq üçün heç bir səbəb yoxdur. Nəzərdə tutduğunuz layihəni reallaşdırmaq gözlədiyinizdən də asandır. Dostlar sizə yardım edəcəklər. Onlar problemlərin həllinin yeni variantını təklif edəcəklər. Ən yaxşı məziyyətlərinizi nümayiş etdirin.

Günün ikinci yarısı yeni tanışlıqlar üçün əlverişlidir.

Təxəyyülə qapılmayın, illüziyalara aldanmayın. Yaşanan olayları bədbin çalarlarda görməyin. Nikbin olun. Problemlərin həllində yaradıcı olun.

Axşam saatlarını əyləncəyə həsr edə bilərsiniz.

Xərçəng - mürəkkəb, qarışıq gündür. İntellektual yük fiziki işlərlə müşayiət olunacaq. Ciddi emosional sarsıntı istisna deyil. Diskomfort vəziyyətdə ruhdan düşməyin.

Günün ikinci yarısında maliyyə vəsaitinizin qədrini bilin. Biznes, karyera ilə bağlı önəmli qərarları verəndə tələsməyin. Alış-verişdə bədxərclik etməyin.

Məişət zəminində qarşıdurmaya, münaqişəyə ehtiyac yoxdur. Təmkinli davranın.

Şir - günün ilk yarısında çətinliklər az olmayacaq. Qarşınıza qoyduğunuz məqsəddən imtina etməyin. Hədəfə sürətlə çatmağı ağlınızdan da keçirməyin.

Qətiyyətli və iradəli olun, əzmkar davranın. İşin müqabilində əldə edəcəyiniz mükafat pis olmayacaq. Yaşlı qohumlarla ünsiyyətdə fayda var.

Kömək üçün müraciət edən insana yardım edin. Təcrübənizi bölüşməkdən çəkinməyin.

Günün ikinci yarısında maliyyə məsələlərini həll etməyə başlayın. İşgüzar intuisiyanız sizi yanıltmayacaq. Səfər və ya səyahət pis alınmayacaq. Evdən uzaqda yeni təəssüratlar istisna deyil.

Qız - yaxın gələcəkdəki perspektik işlərin bünövrəsini bu gün qoymaq gərəkdir. Keçdiyiniz yola nəzər salın, səhvlərin təkrarlanmaması üçün zəruri addımlar atın. Ənənəvi məşğuliyyəti yeniləmək, fərqli sahələrdə sınaq keçirmək olar.

Günün ikinci yarısında maraqlandığınız insan barədə az da olsa, məlumatlar əldə etməyə can atın. Belə kiçik eksperiment belə, dəyişikliklərə hazırlıq səviyyəsinizi aşkarlayacaq.

Yaxınlarınız sizə dəstək verəcəklər. Depressiyaya qapılmayın, ruhdan düşməyin.

Tərəzi - resurslarınızı olduğundan artıq qiymətləndirməyin. Can atdığınız məqsədə maksimal sürətlə irəliləmək üçün gərəkli variantlardan praqmatikcəsinə yararlanın. Əsas diqqəti aktual işlərin görülməsinə yönəldin. Bu işlərin nəticəsi prosesə təsir edir.

Günün ikinci yarısında eyni vaxtda bir neçə iş görməyin. Belədə diqqətsizlik və ehtiyatsızlıq ucbatından yanıla bilərsiniz.

Axşam saatlarını ailə üzvlərinə ayırın. Səmimi, qayğıkeş olun.

Əqrəb - yaxşı, rəvan, asudə gündür. İşdə həmkarlar və rəhbərliklə fikir ayrılıqları ola bilər. Cari işlərin, rutin proseslərin ciddi müdaxiləyə ehtiyacı yoxdur.

Günün ikinci yarısında təşəbbüslərinizi yaxın ətrafınızdakı insanlar sizi anlamayacaqlar. Əməyiniz yetərincə dəyərləndirilməyəcək. Dəyər verdiyiniz insanla əlaqələri sərinlətməyin.

Kiçik anlaşılmazlıqlar böyük mübahisələrə səbəb olmamalıdır.

Oxatan - səhər saatlarından etibatən tərəfdaşınızla problemlər yaratmayın. Həmkarlarla, şəriklərlə rəvan, normal münasibətlər qurun. Mübahisələri və fikir ayrılıqlarını qarşılıqlı anlaşma yolu ilə həll etməyə çalışın.

Günün ikinci yarısında əvvəlki anlaşmalar və müqavilələrin pozulması istisna deyil. Nə isə deməzdən əvvəl yaxşı fikirləşin. Düşünüb-daşınmadan qəti qərar verməyin. Bəzi məsələlərin həllini ertələyin.

Axşam saatlarında diqqətli olun.

Oğlaq - çalışdığınız sahədə problemlər yaradacaq. Dəyər verdiyiniz insanlardan biri ilə fikir ayrılığı, mübahisə istisna deyil. Təmkinli, soyuqqanlı olun.

Emosiyaların köləsinə çevrilməyin. 

Günün ikinci yarısında, onsuz da, çətin vəziyyəti daha da ağırlaşdırmayın. Stress və gərginlikdən qurtulmaq üçün diqqətinizi işə yönəldin. Müzakirə olunan məsələlərdə ortaq məxrəcin əldə olunması üçün müəyyən güzəştlərə ehtiyac var.

Axşam saatlarında evdəki vəziyyət normallaşacaq.

Dolça - kiçik, amma cansıxıcı işlər az olmayacaq. Məişət qayğılarının sayı çoxdur. Qüvvə və potensialınızı yanlış dəyənləndirməyin ki, sonradan səhvlərin nəticələrini aradan qaldırmaq zərurəti ilə üzləşməyəsiniz.

Günün ikinci yarısında resurs qıtlığı, yorğunluq yeni işə başlamağa mane ola bilər. Yaxın ətrafınızdakı insanlardan biri sizə maneələr yaratmağa çalışır.

Beləsinin cəhdlərini dezavuasiya edin.

Təcrübəsiz, amma lovğa və təkkəbbürlü insanların "məsləhət"lərinə inanmayın. Yaltaqlardan uzaq durun.

Balıqlar - günün ilk yarısından etibarən proseslər gərgin və qarışıq olacaq. Çətinlikləri ənənəvi, adət etdiyiniz vasitələrlə həll etmək asan deyil. Bəzi mühüm məsələləri təxirə salmadan, dərhal çözmək gərəkdir. Maneələri dəf etmək üçün çox vaxt yoxdur.

Günün ikinci yarısında avadanlıq və texnikada problemlər yarana bilər. Yaxın ətrafınızdakı insanların sərt iradlarına, tənqidlərinə aqressiv reaksiya verməyin. Axşam saatlarında normal istirahət etməyə çalışın.

Ölkə.Az

ŞƏRH YAZ
0

“Ağdamlı Faiq” avtoxuliqanlığı təbliğ edir — VİDEO

“Ağdamlı Faiq” avtoxuliqanlığı təbliğ edir
23:42
21.07.2018
4161
Maraqlı
A
Özünü "Ağdamlı Faiq" kimi təqdim edən şəxs saxta profil vasitəsi ilə "facebook"un canlı yayımında avtoxuliqanlıq edir.

"Ölkə.Az" Xezerxeber.az-a istinadən məlumatına görə, o, canlı yayım zamanı avtomobillərin intensiv hərəkət etdiyi yola çıxaraq təhlükəli manevrlər etməyə başlayır. Üstəlik, saatda 160 kilometrdən artıq sürətlə gedərkən, özünün də dediyi kimi ''bir əlində telefon, bir əlində sükan'' olur.

O, bu hərəkətləri edə-edə izləyicilərinin suallarını da cavablandırır və özünə haqq qazandırmağa çalışır.

"Ağdamlı Faiq" bu hərəkətləri mütəmadi şəkildə etdiyini deyir. Açıq şəkildə avtoxuliqanlığın təbliği ilə məşğul olan şəxsin əsas izləyiciləri isə azyaşlılar və gənclərdir. Gənclərin suallarını cavablayan Faiq öz "məharətindən" ağız dolusu danışır. Hətta bir dəfə canlı yayımda qəza etdiyini də deyir.

Qeyd edək ki, bu görüntülər Ağdamda qeydə alınıb. Ümumiyyətlə isə, son dövrlər bu cür hallara tez-tez rast gəlinir. Özlərini avtoxuliqan zənn edənlər sosial şəbəkələrdə bu hərəkətlərini izləyiciləri ilə paylaşırlar və qanunsuz hərəkətlərini təbliğ edirlər.

Baş Dövlət Yol Polisi İdarəsindən bildirilib ki, bu görüntülər araşdırılacaq, rayon üzrə təhlükəsizlik kameralarına baxış keçiriləcək və qanun çərçivəvində bütün tədbirlər görüləcək.

Mövzu ilə bağlı daha ətraflı videomaterialı təqdim edirik:

ŞƏRH YAZ
1
BAĞLA