20 Yanvar şəhidləri Pişəvəri adına Gimnaziyada anıldı — FOTO

20 Yanvar şəhidləri Pişəvəri adına Gimnaziyada anıldı
20:20
19.01.2018
3907
Ölkə
A
Bu gün S.C.Pişəvəri adına Humanitar Fənnlər Gimnaziyasında 20 yanvar faciəsinin 28-ci il dönümü münasibəti ilə öncə şəhidlərə həsr olunan xatirə lövhəsinin acılışı olub, daha sonra isə kövrək və qürurverici anlarla yadda qalan tədbir keçirilib.

“Ölkə.Az” xəbər verir ki, gimnaziyada düzənlənən tədbirdə 20 Yanvar faciəsi daha fərqli, uşaqların gözüylə təqdim olunub. Belə ki, məktəbin 6-cı sinif şagirdi Mədinə Məhərrəmovanın yazdığı ssenari məktəb rəhbərliyi tərəfindən dəstəklənərək, uşaqların bu faciəni özlərinin səhnələşdirməsinə şərait yaradılıb.

Uşaqlar tədbirdə şəhidlik zirvəsinə ucalarkən onlar kimi məktəbdə şagird olan Larisa Məmmədova və İlqar İbrahimov haqqında səhnəciklər təqdim edərək bu faciənin həm də qəhrəmanlıq səlnaməsi olduğunu önə çəkiblər. Tədbir boyu təqdim olunan nömrələrdə məktəblilərin balaca ürəklərində böyük vətən sevgisi daşıdıqları hiss olunub. Tədbir 20 Yanvara həsr olunan ədəbi-bədii kompozisiyalar, düşmən üzərində qalibiyyətimizi əks etdirən müxtəlif nömələr, böyük şairlərimizin şeirləriylə davam edib və "Yaşa Azərbaycan” mahnısı ilə başa çatıb.

Tədbirdə Nərimanov rayon Gənclər və İdman İdarəsinin 20 Yanvara həsr olunan inşa müsabiqəsində qalib olan gimnaziyanın 5-ci sinif şagirdi Məmmədzadə Selcan və 8-ci sinif şagirdi Şərifova Rəna da mükafatlandırılıb. 

Tədbirin sonunda S.C.Pişəvəri adına Humanitar Fənnlər Gimnaziyasının direktoru Xuraman Osmanova çıxış edərək uşaqların bu təşəbbüsünü alqışlayıb və 20 Yanvar faciəsi haqqında öz xatirələrini bölüşüb: 

"20 Yanvara qara yanvar deyilməsinın hər zaman əleyhinə olmuşam. O gecəni çox gözəl xatırlayıram, həqiqətən də milli şüurumuzun oyandığı, qəhrəmanlığımızın, mərdliyimizin əyani nümayişi idi. Mən bu gün bu tədbiri hazırlayan uşaqların valideynləriylə fəxr etdim ki, belə vətənpərvər övladlar yetişdiriblər”.

Ölkə.Az

ŞƏRH YAZ
0

Bankların girovu olan mənzillər satışa çıxarılıb — QİYMƏTLƏR

Bankların girovu olan mənzillər satışa çıxarılıb
00:32
Bu gün
1139
Ölkə
A
Əmanətlərin Sığortalanması Fondu “Bank Standard”, “Qafqaz İnkişaf Bankı” və “Kredobank” ASC-nin kredit təminatı qismində balansa götürülmüş əmlaklarını hərraca çıxarıb.

"Ölkə.Az" oxu.az-a istinadən xəbər verir ki, “Kredobank” ASC-nin balansında olan mənzil hərraca sentyabrın 17-də çıxarılacaq.

Bu daşınmaz əmlakın satış dəyəri 49 min 56 manatdır. 

Ümumi sahəsi 60.3 kv.m olan mənzil Səbail rayonu, Badamdar qəsəbəsi, Əziz Nəzərov küçəsi, ev 5 mənzil 14. ünvanında yerləşir. Ev orta təmirlidir. 

“Bank Standard”ın balansında olan və hərraca çıxarılan əmlakın ilkin satış qiyməti isə 280 100 manatdır. Ev Nəsimi rayonu, Hüseynbala Əliyev küçəsində yerləşir. Ümumi sahəsi 58,8 kv.m olan bu mənzil üzrə hərrac sentyabrın 10-da baş tutacaq. 

Göstərilən tarixdə satışa çıxarılan daha bir mənzil ləğv prosesində olan “Qafqaz İnkişaf Bankı” ASC-nın balansındadır. Sumqayıt şəhəri, Kotec qəsəbəsi, 25-ci məhəllədə yerləşən əmlakın ümumi sahəsi 250,94 kv.m, 7 otaqdır. Evin ikin satış qiyməti 90 490 manatdır. 

Xatırladaq ki, hər üç bank bağlanıb.Bu əmlakların saıtşından əldə edilən gəlirin hansı istiqamətə yönəldiləcəyinə gəlincə,ekspert Əkrəm Həsənov  müflis olmuş bankların ləğvedicisinin Əmanətlərin Sığortalanması Fondu olduğunu deyir.

Onun sözlərinə görə, fondun vəzifəsi bankın bütün əmlakını pula çevirməkdir:

“Pula çevirmək dedikdə bankın verdiyi kreditləri qaytarmalı, eləcə də daşınar və daşınmaz əmlakını satmalıdır. Satışdan əldə edilən vəsaitlər isə növbəlilik qaydasında bölüşdürülür.

İlk növbədə Əmanətlərin Sığortalanması Fondunun xərcləri ödənilir. Çünki fond sığortalanmış əmanətləri kompensasiya edib, bu istiqamətdə xərclədiyi vəsaiti geri qaytarmalıdır. Məsələn,  Əmanətlərin Sığortalanması Fondu “Bank Standard”ın əmanətçilərinə 450 milyon manat ödəyib. 

Bundan başqa, hərraclardan toplanan vəsait həm də fondun ləğvetmə prosesi ilə bağlı xərclərinin qarışlanmasına yönəldilir. Söhbət hərracların təşkili, dəftərxana, poçt, nəqliyyat,  əməkhaqqı və sair xərclərdən gedir. Elə “Bank Standard”la bağlı fond ildə 4 milyon manat xərcləyib”.

Ekspert deyir ki, Əmanətlərin Sığortalanması Fondunun xərcləri ödəndikdən sonra hərraclardan yığılan vəsait bağlanan bankın keçmiş işçilərinin əməkhaqqlarının ödənişinə sərf edilə bilər:

“Pul qaldığı halda bankın dövlət qarşısında borcları, vergi öhdəlikləri icra edilir. Sonda bankın digər borcları qaytarılır. Bura sığortalanmamış əmanətlər, hüquqi şəxslərin bank hesablarındakı vəsaitləri, Mərkəzi Bank da daxil digər maliyyə qurumlarında götürdüyü borclar daxildir”.

Ölkə.Az

ŞƏRH YAZ
0

Nazirlik: Əmək müqaviləsi olmadan işləmək işçini bütün əmək hüquqlarından və gələcək sosial təminatdan məhrum edir

Nazirlik: Əmək müqaviləsi olmadan işləmək işçini bütün əmək hüquqlarından və gələcək sosial təminatdan məhrum edir
21:41
18.08.2018
2862
Ölkə
A
Əmək münasibətləri əmək müqaviləsi əsasında həyata keçirildikdə bu, işçiyə onun həyatının, sağlamlığının, əməyinin mühafizəsini təmin edən əmək şəraitində və qanunvericiliklə müəyyən edilmiş iş vaxtı müddətində çalışmaq hüququ yaradır. İşçiyə minimum əmək haqqından aşağı olmayan əmək haqqı almaq, məcburi dövlət sosial sığortasına cəlb edilərək gələcəkdə sosial təminat hüququ əldə etmək imkanı verir.

"Ölkə.Az" Trend-ə istinadən xəbər verir ki, bu fikirlər Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin 2018-ci il üzrə Tədbirlər Planına uyğun olaraq, İmişli rayonunda İmişli, Sabirabad, Saatlı, Fizuli, Beyləqan rayonlarından olan ayrı-ayrı işəgötürənlərin iştirakı ilə keçirdiyi seminarda vurğulanıb. Seminar “Əmək müqaviləsinin bağlanması, şərtlərinin dəyişdirilməsi və xitam verilməsinin əsasları və qaydaları” və “Nəqliyyat iqtisadi sahəsində qeyri-rəsmi məşğulluğun qarşısının alınması” mövzularına həsr olunub.

Qeyd olunub ki, əmək müqaviləsi olmadan işləmək işçini bütün əmək hüquqlarından və gələcək sosial təminatdan məhrum edir. Belə halda işçi qanunvericiliklə müəyyən edilmiş iş vaxtı müddətində çalışmaq, minimum əmək haqqından aşağı olmayan əmək haqqı almaq, iş vaxtından artıq vaxtda işə cəlb olunduqda əlavə əmək haqqı almaq və ya onun verilməsini tələb etmək, istirahət və məzuniyyət hüquqlarını itirmiş olur. Bağlanan hər bir əmək müqaviləsi isə Əmək Müqaviləsi Bildirişi üzrə Elektron İnformasiya Sistemində müvafiq bildiriş formasında qeydiyyatdan keçirilməklə rəsmiləşdirilir və əks halda hüquqi qüvvəyə minmir.

Seminarda hər iki mövzuda tədbir zamanı iştirakçıların sualları da cavablandırılıb.

Ölkə.Az

ŞƏRH YAZ
0
BAĞLA