2018-ci ilin dövlət büdcəsinin üç variantı hazırlanıb

2018-ci ilin dövlət büdcəsinin üç variantı hazırlanıb
14:47
13.11.2017
864
İqtisadiyyat
A
"2018-ci ilin dövlət büdcəsində proqnozlar müxtəlif variantlarda hazırlanıb və təhlil edilib".

"Ölkə.Az" APA-ya istinadən xəbər verir ki, bunu bu gün Milli Məclisin Hüquq siyasəti və dövlət quruculuğu, İnsan hüquqları, Gənclər və idman, Regional məsələlər və Mədəniyyət komitələrinin birgə iclasında büdcə zərfinə daxil olan qanun layihələrinin müzakirəsi zamanı millət vəkillərinin təklif və iradlarına münasibət bildirərkən iqtisadiyyat nazirinin müavini Sevinc Həsənova deyib.

Onun sözlərinə görə, neftin bir barelinin qiyməti ilə bağlı pessimist, optimist və baza variantı hazırlanıb: "Neftin qiyməti ilə bağlı ən aşağı variant 30 dollar səviyyəsində götürülüb. Optimist variant kimi 1 barelinin 50 dollar ilə təhlillər və proqnozları aparılıb.  Makroiqtisadi çərçivənin hazırlanması üçün Nazirlər Kabineti tərəfindən bütün iqtisadi qurumların iştirakı ilə yaradılmış komissiyada bu variantları müzakirə etmişik və Azərbaycan üçün ən optimal variantı təqdim etmişik".

ŞƏRH YAZ
0

Azərbaycan nefti ucuzlaşdı

Azərbaycan nefti ucuzlaşdı
10:01
Bu gün
71
İqtisadiyyat
A
Azərbaycanın dünya bazarına çıxararaq satdığı "Azeri LT CIF" markalı xam neftin 1 barelinin qiyməti 0,84 dollar və yaxud 1,03% azalıb.

"Ölkə.Az" xəbər verir ki, "Azeri LT CIF" markalı neftin qiyməti 80,85 dollar/barelə bərabər olub.

Xatırladaq ki, "Azeri LT CIF" neftinin minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb.

ŞƏRH YAZ
0

Azərbaycan nefti ucuzlaşmaqda davam edir

Azərbaycan nefti ucuzlaşmaqda davam edir
00:38
Bu gün
159
İqtisadiyyat
A
CIF bazisi üzrə İtaliyanın Auqusta limanı şərtləri ilə Azərbaycanın yüngül neftinin qiyməti oktyabrın 16-da 81,69 dollar/barel təşkil edib ki, bu da bazar ertəsi gününə olan göstəricidən 0,12 dollar/barel azdır.

"Ölkə.Az" məlumat verir ki, bu barədə trend-ə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti oktyabrın 16-da 80,90 dollar/barel təşkil edib ki, bu da əvvəlki qiymətdən 0,12 dollar/barel azdır.

Novorossiysk limanından yüklənən URALS neftinin qiyməti oktyabrın 16-da 77,89 dollar/barel təşkil edib ki, bu da, əvvəlki qiymətdən 0,14 dollar/barel azdır.

Şimal dənizindən hasil edilən "Brent Dated" etalon növlü neftin qiyməti isə oktyabrın 16-da 81 dollar/barel təşkil edib. Bu, əvvəlki qiymətdən 0,04 dollar/barel azdır.

Ölkə.Az

ŞƏRH YAZ
0
BAĞLA