23 diplomatın qovulması məsələsinə Rusiyadan reaksiya — Cavab olacaq

23 diplomatın qovulması məsələsinə Rusiyadan reaksiya
21:47
14.03.2018
2400
Dünya
A
Rusiya Xarici İşlər Nazirliyi Böyük Britaniyanın baş naziri Tereza Meyin sabiq rus casus Sergey Skripal və qızı Yuliyanın Salisböridə zəhərlənməsi səbəbindən gördüyü tədbirlərə cavab verib.

"Ölkə.Az" xəbər verir ki, nazirliyin rəsmi saytından verilən açıqlamada Meyin Skripal və qızının zəhərlənməsi hadisəsini Rusiya ilə əlaqələndirməsi və bu səbəbdən real olmayan bəhanələrlə Moskvanı “cəzalandırma” tədbirləri görülməmiş təxribat adlandırılır. Nazirlik bu addımın iki ölkə arasındakı dialoqun özülünü məhv etdiyini bildirib.

“İngiltərə hökumətinin siyasi maraqlarına görə 23 rus diplomatı ölkədən çıxarması da daxil olmaqla münasibətlərə ciddi zərər vermə qərarı qəbul edilə bilməz və dəyərsizdir. Rəsmi London istintaqı tamamlamaq və Kimyəvi Silahların Qadağan Edilməsi Təşkilatındakılar da daxil olmaqla beynəlxalq formatları tətbiq etmək əvəzinə Rusiya ilə mübarizə aparmağı seçdi. İngilis hökuməti bu hadisənin istintaqında birtərəfli və şəffaf olmayan addımlar ataraq Rusiyaya qarşı yeni bir kampaniya başlatdı. Təbii ki, cavab tədbirləri özünü çox gözlətməyəcək”, - deyə açıqlmada qeyd edilir.

Ölkə.Az

 

ŞƏRH YAZ
1

Trampın işçisini restorandan qovdular

Trampın işçisini restorandan qovdular
00:45
Bu gün
360
Dünya
A
ABŞ restoranlarından birində prezident Donald Trampın mətbuat xidmətinin rəhbəri Sara Sandersə xidmət etməkdən imtina ediblər.

"Ölkə.Az" xarici KİV-ə istinadən xəbər verir ki, insident Vircinya ştatının Leksinqton şəhərindəki Red Hen restoranında baş verib. Belə ki, restoranda Sara Sandersin əyləşdiyi masaya 2 dəqiqə müddətində xidmət edilib. Daha sonra sahibkar onun və ailəsinin restoranı tərk etməsini istəyib.

Sara Sanders tvitter hesabında baş verənləri təsdiqləyib və sahibkarın qadın olduğunu vurğulayıb.

Ölkə.Az

ŞƏRH YAZ
0

Ərdoğanı təhqir edən 6 nəfər həbs edildi

Ərdoğanı təhqir edən 6 nəfər həbs edildi
00:07
Bu gün
448
Dünya
A
İzmirdə CHP-nin prezidentliyə namizədi Məhərrəm İncənin keçirdiyi mitinqdən öncə prezident Rəcəb Tayyib Ərdoğana həqarət etdikləri iddiası ilə saxlanılan 6 nəfər barəsində həbs qərarı verilib.

“Ölkə.Az” Türkiyə mediasına istinadən xəbər verir ki, İzmir Cümhuriyyət Baş Prokurorluğu söyüş söyənlərin videosunun sosial mediada yayılmasından sonra araşdırma başladıb. 

Polisin apardığı araşdırma zamanı məlum olub ki, hadisə Alsancak ərazisində mitinqin təşkil edildiyi yerə yaxı bir əyləncə mərkəzində baş verib. Söyüş söyən 4 şübhəli şəxsin kimliyi kamera görüntülərindən aydınlaşdırılıb.

6 şübhəli şəxs “dövlət rəhbərlərinə həqarət” ittihamı ilə həbs edilib.

Digər şübhəlilərin saxlanılması üçün iş aparılır.

Ölkə.Az

 

ŞƏRH YAZ
0
BAĞLA