23 diplomatın qovulması məsələsinə Rusiyadan reaksiya — Cavab olacaq

23 diplomatın qovulması məsələsinə Rusiyadan reaksiya
21:47
14.03.2018
3036
Dünya
A
Rusiya Xarici İşlər Nazirliyi Böyük Britaniyanın baş naziri Tereza Meyin sabiq rus casus Sergey Skripal və qızı Yuliyanın Salisböridə zəhərlənməsi səbəbindən gördüyü tədbirlərə cavab verib.

"Ölkə.Az" xəbər verir ki, nazirliyin rəsmi saytından verilən açıqlamada Meyin Skripal və qızının zəhərlənməsi hadisəsini Rusiya ilə əlaqələndirməsi və bu səbəbdən real olmayan bəhanələrlə Moskvanı “cəzalandırma” tədbirləri görülməmiş təxribat adlandırılır. Nazirlik bu addımın iki ölkə arasındakı dialoqun özülünü məhv etdiyini bildirib.

“İngiltərə hökumətinin siyasi maraqlarına görə 23 rus diplomatı ölkədən çıxarması da daxil olmaqla münasibətlərə ciddi zərər vermə qərarı qəbul edilə bilməz və dəyərsizdir. Rəsmi London istintaqı tamamlamaq və Kimyəvi Silahların Qadağan Edilməsi Təşkilatındakılar da daxil olmaqla beynəlxalq formatları tətbiq etmək əvəzinə Rusiya ilə mübarizə aparmağı seçdi. İngilis hökuməti bu hadisənin istintaqında birtərəfli və şəffaf olmayan addımlar ataraq Rusiyaya qarşı yeni bir kampaniya başlatdı. Təbii ki, cavab tədbirləri özünü çox gözlətməyəcək”, - deyə açıqlmada qeyd edilir.

Ölkə.Az

 

ŞƏRH YAZ
1

Kaliforniyada Novruz bayramı qeyd olunub

Kaliforniyada Novruz bayramı qeyd olunub
11:05
Bu gün
384
Dünya
A
Kaliforniyanın San Dieqo şəhərində Novruz bayramı təntənə ilə qeyd edilib.

Bu barədə "Ölkə.Az"a Azərbaycanın Los Ancelesdəki Baş Konsulluğundən məlumat verilib. 

Tədbir Azərbaycanın Los Ancelesdəki Baş Konsulluğunun dəstəyi və Kaliforniya Azərbaycan Dostluq Assosiasiyasının (California Azerbaijan Friendship Association - CAFA) təşkilatçılığı ilə San Dieqonun tanınmış "Cafe 21" məkanında keçirilib. Bayram şənliyində Kaliforniyada yaşayan Azərbaycan icmasının üzvləri, həmçinin Kaliforniyanın müxtəlif şəhərlərindən olan amerikalı qonaqlar iştirak ediblər.

CAFA-nın icraçı direktoru Kimiya Məmmədova çıxışında Novruz bayramı, onun tarixi, ənənələri və mahiyyəti haqqında ətraflı danışıb. O, Novruz bayramının Azərbaycanda çox qədim köklərə malik olduğunu, ölkəmizdə bu əziz bayramın çox geniş və təntənəli şəkildə qeyd edildiyini diqqətə çatdırıb. K.Məmmədova həmçinin Azərbaycanın qədim tarixi, zəngin mədəniyyəti və incəsənəti, milli mətbəxi haqqında tədbir iştirakçılarına məlumat verib. Novruz şənliyinin keçirilməsində dəstəyə görə Baş Konsulluğa və "Cafe 21"in sahibləri Lalə və İmran Cavadova və digər icma üzvlərinə təşəkkürünü bildirən K.Məmmədova icraçı direktoru olduğu CAFA təşkilatının gələcəkdə də bu kimi tədbirlərin keçirilməsini davam etdirəcəyini vurğulayıb.

Tədbir tanınmış tarzən Sahib Paşazadənin ifasında Azərbaycan musiqisindən nümunələr və Azərbaycan mətbəxinin ləziz təamlarını əks etdirən ziyafətlə davam edib.

Ölkə.Az

ŞƏRH YAZ
0

Çində biabırçılıq — Qumar borcuna görə qızını internetdə satışa çıxardı

Çində biabırçılıq
00:59
Bu gün
1783
Dünya
A
Çinin şərqindəki Quiyanq şəhərində yaşayan bir şəxs qumar borcunu ödəmək üçün 1 yaşlı qızını internetdə satışa çıxarıb.

“Ölkə.Az” xəbər verir ki, qumarbaz ata qızını uşağı olmayan bir ailəyə satmaq üçün razılaşıb. Sonra isə qızı ilə birlikdə anasına dəyməyə gedəcəyini deyərək arvadını aldadıb.
Vanq adlı ana isə qızını anasının yanında qoyduğunu deyən ərinin cavablarından şübhələnərək mobil telefonunu yoxlayıb. O, ərinin qızını satdığı ailə ilə mesajlarını görüb şoka düşüb. Ərinin qumar borcuna görə övladını satdığını eşidən qadın polisə xəbər verib. Qumarbaz ata isə qızını satdığı ailəyə arvadından ayrı yaşadığı üçün qızına baxmağa adam olmadığını deyərək aldatdığı da üzə çıxıb.

İnsan alveri maddəsi ilə ittiham edilən “ata” məhkəmənin hökmü ilə həbs edilib və həbsxanaya göndərilib.

Hikmət Həsənov
Ölkə.Az

 

ŞƏRH YAZ
0
BAĞLA