26 gün öncə avtomobilin vurduğu qadın öldü
Mingəçevir şəhərində 26 gün öncə avtomobilin vurduğu qadın xəstəxanada dünyasını dəyişib.
"Ölkə.Az" "Report"a istinadən xəbər verir ki, iyulun 15-də şəhərin Bayraq meydanında “Nissan” markalı avtomobil tərəfindən vurulan 4 nəfərdən daha biri - 1954-cü il təvəllüdlü Labidə Fərrux qızı Nəsibova həkimlərin səylərinə baxmayaraq, bu gün xəstəxanada ölüb.
Qeyd edək ki, L.Nəsibovanın qızı və 3 yaşlı nəvəsi hadisənin ertəsi günü keçinib. Ağır xəsarət almış həyat yoldaşı Zülfiqar Nəsibovun müalicəsi isə hazırda xəstəxana şəraitində davam etdirilir.
Ölkə.Az