32 yaşlı qadın itkin düşdü — FOTO

32 yaşlı qadın itkin düşdü
14:00
23.05.2018
2881
Ölkə
A
Oğuz rayonu sakini, 1986-cı il təvəllüdlü Gülnaz Abışova mayın 22-də günorta saatlarında evdən çıxıb və indiyədək geri qayıtmayıb.

Bu barədə  "Ölkə.Az"a  DİN-in Mətbuat Xidmətinin Şəki regional qrupundan məlumat verilib.

İtkin düşən qadının əlamətləri belədir: boyu 155 sm, orta bədən quruluşlu, gözlərinin rəngi qara, uzun qara saçları var. Evdən çıxanda əynində qara rəngli şalvar, ağ rəngli kofta, üstündən göy rəngli cins gödəkçə, ayağında qara rəngli idman ayaqqabısı olub.

Şəkildə gördüyünüz qadını tanıyanlardan və ya barəsində məlumatı olanlardan DİN-in “102 Zəng Mərkəzi” xidmətinə, həmçinin Oğuz Rayon Polis Şöbəsinə 024-215-28-71 şəhər, (055) 218-21-21 mobil nömrələrinə zəng vuraraq məlumat vermələri xahiş olunur.

ŞƏRH YAZ
1

Əlverişsiz hava şəraiti Biləsuvar və Cəlilabadda nəqliyyatın hərəkətini çətinləşdirib — FOTO

Əlverişsiz hava şəraiti Biləsuvar və Cəlilabadda nəqliyyatın hərəkətini çətinləşdirib
00:59
Bu gün
805
Ölkə
A
Biləsuvar və Cəlilabad rayonlarında dumanlı hava şəraiti nəqliyyatın hərəkətini çətinləşdirib.

"Ölkə.Az" report-a istinadən bildirir ki, duman axşam saatlarından etibarən Biləsuvar rayonu ərazisində və yeni Ələt-Astara avtomobil yolunun Cəlilabad rayonundan keçən hissəsində müşahidə edilir. 

Görmə məsafəsi azaldığından nəqliyyat vasitələri aşağı sürətlə hərəkət edir.

Dumanlı hava şəraiti həmçinin Biləsuvar rayonunun kəndlərarası yollarında da nəqliyyatın hərəkətində problem yaradıb.

Qeyd edək ki, dünən səhər saatlarında da oxşar hava şəraiti hökm sürüb.

Ölkə.Az

ŞƏRH YAZ
0

"O aqressiv idi, ailəsindən şikayət edirdi" — MƏHKƏMƏ İŞİ

00:13
Bu gün
1434
Ölkə
A
Bakı Ağır Cinayətlər Məhkəməsində Narkoloji Mərkəzdə baş verən yanğınla bağlı həbs edilənlər - Mərkəzin direktoru Telman Məmmədhəsənov, Mərkəzin təhlükəsizlik üzrə mühəndisi, yanğın təhlükəsizliyinə cavabdeh şəxs Mahir Abdullayev, yanğını törətməkdə təqsirləndirilən Məhəmməd Məmmədov və onun həkimi, şöbə müdiri Afət Məmmədovanın cinayət işi üzrə məhkəmə prosesi davam etdirilib.

"Ölkə.Az" oxu.az-a istinadən bildirir ki, hakim Azər Paşayevin sədrliyi ilə keçirilən prosesdə şahid qismində mərkəzdə tibb bacısı işləyən Leyla Məmmədova ifadə verib.

O deyib ki, təqsirləndirilən şəxslərdən Məhəmmədi tanıyır:

“Məhəmmədin vəziyyəti yaxşı deyildi, çox ağır xəstə idi. Həkimlər onu müayinə edib, evə buraxırdılar, amma Məhəmməd yenə gəlirdi. O biraz aqressiv idi, ailəsindən şikayət edirdi. Axır vaxtlar xəstələrlə də danışmırdı, özünə qapanmışdı”. 

Şahid deyib ki, hadisə günü növbəli rejimdə işlədiyi üçün yanğın barədə ertəsi gün xəbər tutub. 

Proses yanvarın 29-da davam etdiriləcək. 

Ölkə.Az

ŞƏRH YAZ
0
BAĞLA