33 ton Azərbaycan pomidoru niyə geri qaytarıldı? — SƏBƏB

33 ton Azərbaycan pomidoru niyə geri qaytarıldı?
19:47
21.10.2017
518
İqtisadiyyat
A
Kənd Təsərrüfatı Nazirliyi yanında Dövlət Fitosanitar Nəzarəti Xidməti Azərbaycandan Rusiyaya aparılan 33 ton pomidorun idxalına icazə verilməməsi ilə bağlı yayılan məlumatlara aydınlıq gətirib.

Nazirlik yanında Dövlət Fitosanitar Nəzarəti Xidmətindən "Ölkə.Az"-a verilən məlumatda bildirilir ki, Rusiyanın Baytarlıq və Fitosanitar Nəzarəti üzrə Federal Xidməti Azərbaycanın Dövlət Fitosanitar Nəzarəti Xidmətinə rəsmi məktub ünvanlayaraq, Azərbaycandan Rusiyaya ixrac edilən pomidor məhsulunun qablaşdırma materiallarında və bu məhsulun müşayiətedici sənədi olan fitosanitar sertifikatın əlavə deklarasiya bölməsində məhsul istehsalçısının adının və ünvanının qeyd edilməsi tələbini qoyub. 

Qeyd olunur ki, Rusiyanın Baytarlıq və Fitosanitar Nəzarəti üzrə Federal Xidmətinin bu müraciəti Dövlət Xidmətinə oktyabrın 17-də daxil olub: “Sözügedən pomidor məhsulu isə oktyabrın 16-da ölkədən ixrac edildiyi üçün qarşı tərəfin tələblərinə uyğun olaraq qablaşdırma materialının üzərində məhsul istehsalçısı barədə məlumatın qeyd edilməməsi səbəbindən sərhəddə saxlanılıb. Məsələ Dövlət Xidməti tərəfindən dərhal nəzarətə götürülüb, məhsulun qablaşdırma materialı qarşı tərəfin tələblərinə uyğun qaydada hazırlanıb və oktyabrın 20-də həmin məhsul Rusiyaya ixrac edilib”.

Dövlət Xidməti bildirir ki, gələcəkdə bu kimi halların təkrarlanmaması məqsədilə Rusiyaya ixrac edilən pomidor məhsulunun qablaşdırma materialının qarşı tərəfin tələblərinə uyğun olmasına ciddi nəzarət edilməsi barədə Dövlət Xidməti tərəfindən bitkilərin karantini məntəqələrinə müvafiq göstəriş verilib, ixrac edilən pomidor məhsulunun qablaşdırma materiallarında istehsalçı barədə məlumatların qeyd edilməsinin vacibliyi  istehsalçıların diqqətinə çatdırılıb.

ŞƏRH YAZ
0

Manatla olan əmanətlər 39 faiz artıb

Manatla olan əmanətlər 39 faiz artıb
19:45
18.11.2017
1008
İqtisadiyyat
A
Mərkəzi Bankın məlumatına görə, oktyabrın 1-nə əhalinin banklardakı əmanətlərinin milli valyuta ekvivalentində məbləği 7022,2 milyon manat təşkil edib.

Dövlət Statistika Komitəsindən "Ölkə.Az"a bildiriblər ki, əmanətlərin 71,8 faizi xarici, 28,2 faizi isə milli valyutada qoyulub. Əmanətlərin 5598,0 milyon manatı və ya 79,7 faizi özəl banklarda, 1424,2 milyon manatı (20,3 faizi) isə dövlət banklarında yerləşdirilib.

Milli valyutada olan əmanətlər əvvəlki ilin müvafiq dövrünə nisbətən 39,0 faiz artıb, xarici valyutada əmanətlər isə 21,1 faiz azalıb.

ŞƏRH YAZ
0

Azərbaycanda günəş və külək enerjisi istehsalı azalıb

Azərbaycanda günəş və külək enerjisi istehsalı azalıb
19:31
18.11.2017
590
İqtisadiyyat
A
Bu ilin yanvar-oktyabr aylarında Azərbaycanda günəş enerjisi ilə işləyən stansiyalar 35,9 mln. kVt/saat elektrik enerjisi istehsal edib.

"Ölkə.Az" Dövlət Statistika Komitəsinə istinadən xəbər verir ki, bu, illik müqayisədə 32% azdır.

Son 1 ildə küləklə işləyən stansiyalarda istehsal 20,5% azalaraq 10,5 mln. kVt/saata enib.

Əvəzində istilik elektrik stansiyalarında istehsalın həcmi 1,5% artaraq 16 384,3 mln. kVt/saata yüksəlib, su elektrik stansiyalarında isə 8,5% azalaraq 1 526,3 mln. kVt/saat təşkil edib.

Bu ilin yanvar-oktyabr ayları ərzində ölkədə cəmi elektrik enerjisi istehsalı 18 751,4 mln. kVt/saat olub ki, bu da ötən ilin eyni dövrü ilə müqayisədə 0,2% çoxdur. Bunun da 17 957,0 mln. kVt/saatı əmtəəlik olub və bu, illik müqayisədə 0,5% çoxdur.

ŞƏRH YAZ
0
BAĞLA