35 illik qadağadan sonra Səudiyyə Ərəbistanında hansı film nümayiş ediləcək?
Səudiyyə Ərəbistanında 35 illik qadağadan sonra kinoteatrlara qoyulan qadağa ləğv edilib.
"Ölkə.Az" xəbər verir ki, qadağa mart ayında ləğv ediləcək və göstəriləcək ilk filmin adı məlum olub.
Kral Faysalın 14 yaşı olanda İngiltərəyə səfərindən bəhs edən "Born a King" adlı film nümayiş ediləcək.
Səudiyyədə kinoteatrlara qadağa 1970-ci illərdən tətbiq edilir. 2018-ci ilin mart ayından isə kinoteatrlara azadlıq veriləcək.
İlk nümayiş ediləcək "Born a King" filminin ssenari müəllifi Henri Fitzherbert, rejissoru isə Aqusti Villaronqadır. Filmdə Faysalın Lord Kurzon və Uinston Çörçill ilə görüşləri ələ alınıb. Çəkilişləri İngiltərədə davam edən film fevral ayında təhvil veriləcək.
Hikmət Həsənov
Ölkə.Az
