35 min manatını ala bilməyən sahibkar polisə üz tutdu
Binəqədi rayonunda sahibkarla müştəri arasındakı mübahisə polisdə həll olunacaq.
“Ölkə.Az”ın xəbərinə görə, Telman Bəkirov adlı şəxs Binəqədi RPİ-nə aldanması ilə bağlı müraciət edib. Belə ki, şikayətçi ərizəsində göstərib ki, ötən ilin yay aylarından bəri Anar Qasımov adlı şəxs ondan satmaq məqsədi ilə 35 min manatlıq tütün məmulatı götürüb. Ancaq A.Qasımov hər dəfə siqaretin pulunu verəcəyini söz versə də, sözü elə söz olaraq qalıb.
Faktla bağlı rayon polis idarəsində istintaq araşdırmalarına başlanılıb. Əgər A. Qasımovun əməli sübut olunarsa ona qarşı cinayət məcəlləsinin 178 (dələduzluq) maddəsi ilə cinayət işi başlanacaq.