3868 nəfər itkin düşüb — Dağlıq Qarabağ münaqişəsinin statistikası

3868 nəfər itkin düşüb
12:33
19.10.2017
173
Ölkə
A
AMEA Hüquq və İnsan Haqları İnstitutunda "Ermənistan - Azərbaycan, Dağlıq Qarabağ münaqişəsi zamanı əsir və girov götürülmüş, itkin düşmüş şəxslərin hüquqlarının müdafiəsi beynəlxalq humanitar hüquq kontekstində" mövzusunda beynəlxalq konfrans keçirilib.

"Ölkə.Az"ın APA-ya istinadən xəbərinə görə, konfransın təşkilatçıları Prezident yanında Qeyri-Hökumət Təşkilatlarına Dövlət Dəstəyi Şurası və "Həsrət yolu" əsir və girovlara kömək ictimai birliyidir.

İctimai birliyin sədri Esmira Orucova bildirib ki, Dağlıq Qarabağ münaqişəsi nəticəsində 3868 nəfər Azərbaycan vətəndaşı itkin düşüb: "İtkin düşmüş şəxslərin 3123 nəfəri hərbçi, 745 nəfəri mülki şəxs, 62 nəfəri uşaq, 262 nəfəri qadın, 302 nəfəri isə qocadır. Sübutlara, hətta azad edilmiş ailə üzvlərinin və yaxınlarının şahidlik etmələrinə baxmayaraq, 873 nəfər hüququ pozulmuş şəkildə bu gün də qarşı tərəfdə saxlanılır".

E. Orucova qeyd edib ki, 1437 nəfər əsir və girovluqdan azad edilib.

Konfransda 2014-cü ildə öz doğma torpaqları Kəlbəcərə ziyarətə getmiş Dilqəm Əsgərov və Şahbaz Quliyevin girov götürülməsi diqqətə çatdırılıb. Bildirilib ki, onlar heç bir hüquqi əsas olmadan, tanınmamış qondarma rejim tərəfindən "mühakimə" ediliblər.

Konfransda diplomatik korpusun nümayəndələri, millət vəkilləri iştirak ediblər.

Tədbir çıxışlarla davam etdirilib.

ŞƏRH YAZ
0

“Formula-1” ilə bağlı icazə sənədi üçün müraciətin müddəti bu gün başa çatdı

“Formula-1” ilə bağlı icazə sənədi üçün müraciətin müddəti bu gün başa çatdı
09:58
Bu gün
455
Ölkə
A
“2018 Formula-1” Azərbaycan Qran-prisi ərəfəsində nəqliyyatın hərəkətinin qadağan olunduğu ərazilərdə yaşayan sakinlərə, kirayənişinlərə və işgüzar fəaliyyətlə məşğul olanlara bütün zonalara girişlə bağlı icazə sənədi üçün müraciət bu gün başa çatıb.

“Ölkə.Az”ın məlumatına görə, icazə sənədi yalnız “2018 Formula-1” Azərbaycan Qran-prisi ərəfəsində yol məhdudiyyəti təqdim edilən müddət (23 aprel – 1 may) üçün etibarlıdır.

Qeyd edək ki, “2018 Formula-1” Azərbaycan Qran-prisi ərəfəsində nəqliyyatın hərəkətinin qadağan olunduğu ərazilər 3 zonaya ayrılıb. Birinci zonaya trekin əhatə etdiyi İçərişəhər, ikinci zonaya Azadlıq meydanı və onun yaxınlığında yerləşən digər ərazilər, üçüncü zona isə BMT-nin 50 illiyi küçəsini əhatə edir.

Xatırladaq ki, bu ərazilərdə yaşayan sakinlər, kirayənişinlər və işgüzar fəaliyyətlə məşğul olanlar bütün zonalara giriş üçün icazə sənədini aprelin 12-dən 23-dək

- İçərişəhər Dövlət Tarix-Memarlıq Qoruğu İdarəsi, Böyük Qala küçəsi 42/19, Zəncirli ev 2 mərtəbədən,

- 4 saylı Mənzil Kommunal İstismar Sahəsi, Xəqani küçəsi 26/32, 5-ci blok 2-ci mərtəbədən,

- 58 saylı Mənzil Kommunal İstismar Sahəsi, İstiqlaliyyət küçəsi 5 ünvanlarından əldə etməli idi.

Qeyd edək ki, 1 və 2-ci zonalarda nəqliyyatın hərəkətinə gecə vaxtı 00:00-dan 06:00-dək icazə veriləcək.

1-ci zonaya giriş Azneft dairəsi, 2-ci zonaya Rəşid Behbudov küçəsi, 3-cü zonaya isə giriş Lermontov küçəsi (Şəlalələr parkı) tərəfdən olacaq.

3-cü zonada isə nəqliyyatın hərəkətinə gün ərzində giriş imkanı olacaq və icazə  sənədi olan avtomobillər günün istənilən saatı bu zonaya daxil ola biləcəklər.

Qeyd edək ki, Bakıda üçüncü dəfə təşkil olunacaq “2018 Formula-1” Azərbaycan Qran-prisi aprelin 27-29-da baş tutacaq.

ŞƏRH YAZ
0

Bakıda vəzifəli şəxsin evi yarıldı

Bakıda vəzifəli şəxsin evi yarıldı
09:53
Bu gün
717
Ölkə
A
Hadisə Xətai rayonu, Həzi Aslanov qəsəbəsində qeydə alınıb.

Bakıda vəzifəli şəxsin evi yarıldı

“Ölkə.Az”a hüquq-mühafizə orqanlarından verilən məlumata görə, qəsəbə sakini Abil Qədirovun evindən içində 100 min manat dəyərində qızıl-zinət əşyaları, 30 min dollar da pul olan seyf oğurlanıb. 

Faktla bağlı hadisə yerinə 37-ci polis bölməsinin əməkdaşları gəlib, ilkin müayinələr aparıblar. Baş vermiş cinayət işi ilə bağlı Xətai RPİ-nin İstintaq Şöbəsində cinayət məcəlləsinin oğurluq maddəsi ilə cinayət işi başlanıb. 

Qeyd edək ki, Abil Qədirov Nazirlər Kabineti Aparatının qaçqınların, məcburi köçkünlərin problemləri və miqrasiya şöbəsinin məsləhətçisi vəzifəsində çalışıb. Sonra isə həmin şöbənin Abşeron rayon üzrə baş məsləhətçisi vəzifəsinə təyin edilib.

Faktla bağlı zərəçəkən Abil Qədirovun mövqeyinidə öyrəndik. O, hadisənin axşam saatlarında evdə olmadıqları vaxt baş verdiyni bildirdi:
“Evdən təxminən 3-4 saat olardı çıxmışdıq, gəldik gördük ki, seyfi aparıblar. Oğrular evə qapını açmaq yolu ilə daxil olublar. Nəticəsi barədə cinayətin üstü açılanda məlumat verə bilərəm”.

ŞƏRH YAZ
0
BAĞLA