4 nəfərin qatili pələngin cənazəsində yüzlərlə hindli iştirak etdi
Hindistanda 4 nəfəri öldürən pələngi elektrik cərəyanı vurub.
"Ölkə.Az" xəbər verir ki, pələngin cəsədi vəhşi təbiət mütəxəssisləri tərəfindən hind rituallarına uyğun olaraq yandırılıb.
Qeyri-qanuni elektrik tellərinə toxunaraq ölən heyvan üçün ənənəvi cənazə tədbiri təşkil edilib. Yüzlərlə insan Naqpur bölgəsindəki tədbiri izləmək üçün əraziyə axın edib. Heyvanın cəsədi çiçəklərlə bəzədilib.
Vasif Cəmşid bildirib ki, pələng 4 nəfəri öldürüb və bu səbəbdən tutulması üçün qərar qəbul edilib. Amma heyvan tutulmadan elektrik cərəyanına toxunaraq ölüb. Pələngi dəfn etmək vəzifəsi də Cəmşidə həvalə edilib.
Hikmət Həsənov
Ölkə.Az
