4 piyada yol qəzasının qurbanı oldu

4 piyada yol qəzasının qurbanı oldu
19:32
13.05.2019
800
Hadisə
A
Mayın 12-də saat 19 radələrində Nərimanov rayonunun Z.Bunyadov prospektində müəyyən edilməyən avtomobillə yolu keçən Naxçıvan şəhər sakini Nazim Əhmədov vurulub və nəticədə piyada aldığı xəsarətlərdən hadisə yerində ölüb.

DİN-dən "Ölkə.Az"a verilən məlumata görə, Nərimanov RPİ əməkdaşlarının keçirdikləri əməliyyat-axtarış tədbirləri nəticəsində yol-nəqliyyat hadisəsini törədərək hadisə yerindən yayınan “NAZ-Lifan” markalı avtomobilin sürücüsü, Bakı şəhər sakini R.Əliyev saxlanılıb. 

Mayın 12-də saat 12 radələrində Cəlilabad rayonunun Alar kəndi ərazisində Təzəkənd kənd sakini Mədətxan Məmmədov idarə etdiyi “VAZ-2105” markalı avtomobillə yolu keçən kənd sakini, azyaşlı Adəm Əmirovu vurub. Nəticədə uşaq xəstəxanaya aparılarkən yolda ölüb. Həmin gün saat 3 radələrində Nərimanov rayonunun Z.Bünyadov prospektində Gəncə şəhər sakini T.Niyazov idarə etdiyi “Mercedes” markalı avtomobillə yolu keçən Bakı şəhər sakini Rafael Nəbizadəni vurub və nəticədə piyada aldığı xəsarətlərdən hadisə yerində ölüb. 

Eyni zamanda Xətai rayonunun X.Rüstəmov küçəsində Bakı şəhər sakini H.Muxtarov idarə etdiyi “Toyota” markalı avtomobillə yolu keçən paytaxt sakini Həsən Əliyevi vurub və nəticədə piyada aldığı xəsarətlərdən hadisə yerində ölüb. Hər dörd faktla bağlı araşdırma aparılır. 

Ölkə.Az

ŞƏRH YAZ
0

Bakıda intihara cəhd — Özünü binadan atmaq istədi

Bakıda intihara cəhd
10:08
Bu gün
411
Hadisə
A
Fövqəladə Hallar Nazirliyinin "112" qaynar telefon xəttinə daxil olan məlumata əsasən, Bakı şəhərinin Nizami rayonunda 1 nəfər çoxmərtəbəli yaşayış binasının damına çıxaraq intihar etmək istəyini nümayiş etdirib.

"Ölkə.Az" FHN-ə istinadən xəbər verir ki, Xüsusi Riskli Xilasetmə Xidmətinin müvafiq xilasetmə qüvvələri dərhal hadisə yerinə cəlb olunub.

Vətəndaşla aparılan psixoloji söhbətlər nəticəsində o, özünə qəsd etmək fikrindən daşınıb.

ŞƏRH YAZ
0

Əcnəbi Bakıda qadına qarşı 6 min manatlıq dələduzluq etdi

Əcnəbi Bakıda qadına qarşı 6 min manatlıq dələduzluq etdi
05:33
Bu gün
986
Hadisə
A
Bakıda Türkiyə vətəndaşı dələduzluq edib.

“Ölkə.Az” trend-ə istinadən xəbər verir ki, hadisə paytaxtın Nizami rayonunda baş verib.

Bakı şəhər sakini, 1984-cü il təvəllüdlü Məsimova Kəmalə Fərman qızı polisə müraciət edərək bildirib ki, iyul ayında Türkiyə vətəndaşı Dəmir Əbdürrəhman Tur oğlu Nizami rayonu, S.Mirzəyev küçəsi 71 saylı ünvanın qarşısında ondan 6000 manat alıb. Ə.Dəmir qadının etibarından sui-istifadə edərək pulu dələduzluqla ələ keçirərək mənimsəyib.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA