4 ton narkotiklə Atlantik okeanında tutulan azərbaycanlı kimdir? — RƏSMİ CAVABLAR

4 ton narkotiklə Atlantik okeanında tutulan azərbaycanlı kimdir?
21:23
09.10.2017
360
Hadisə
A
Xəbər verdiyimiz kimi, İspaniya polisi 4 tona yaxın Kolumbiya kokaini aparan “Thoran” adlı gəmini saxlayıb. İspaniya Gömrüyü, Dövlət Polisi və İspaniya Mülki Qvardiyası tərəfindən Atlantik okeanında birgə həyata keçirilən əməliyyat nəticəsində Komor adaları bayrağı altında üzən gəminin mətbəxinin altında 165 bağlama kokain aşkarlanıb.

Maraqlıdır ki, 7 nəfərlik gəmi heyətinin 6 üzvü Türkiyə, 1 üzvü isə Azərbaycan vətəndaşıdır və onların hamısı həbs olunub.

Bazar dəyəri 250 milyon funt-sterlinq təşkil edən narkotiklə tutulan Azərbaycanlı kimdir?

Azərbaycanın müvafiq strukturları tərəfindən onun şəxsiyyətinin müəyyənləşdirilməsi üçün hər hansı addım atırlımı?

Ölkə.Az xəbər verir ki, Dövlət Dəniz Administrasiyasının mətbuat xidmətindən “Yeni Müsavat”a bildirildiyinə görə, Azərbaycan Dövlət Dəniz Akademiyasını bitirən dənizçilərə gəmi heyət üzvü qismində işləməsi üçün sertifikat verilir və onlar bu sertifikatla dünyanın hər yerində işləmə hüququ qazanırlar. Bu sertifikatı alan şəxslərin ölkədən kənarda başqa ölkələrin bayrağı altında üzən gəmilərdə fəaliyyətinin isə Administrasiyaya aidiyyəti yoxdur.

Azərbaycan Xarici İşlər Nazirliyindən vətəndaşımızla bağlı hər hansı araşdırmanın aparılıb-aparılmadığını öyrənmək mümkün olmadı.

Qeyd edək ki, İspaniya polisi avqust ayında 18 ton Kolumbiyaya narkotiki daşıyan və Komor adaları bayrağı altında üzən daha bir gəmini saxlamışdı. Gəminin 13 heyət üzvündən 11 nəfəri Ukrayna vətəndaşı idi.

ŞƏRH YAZ
0

Evə girən oğrular ana və qızının ağzını bağladılar

Evə girən oğrular ana və qızının ağzını bağladılar
10:18
Bu gün
247
Hadisə
A
Bakı Ağır Cinayətlər Məhkəməsində maska taxaraq evə girən quldurların məhkəməsi başlayır.

“Ölkə.Az”ın məlumatına görə, cinayət məcəlləsinin 181.2.5-ci maddəsi ilə təqsirləndirilən Ağayev Ramin Akif oğlu və Adıgözəlov Ceyhun Mirzəağa oğlunun məhkəmə prosesinin hazırlıq iclası iyul ayının 18-də hakim Samir Əliyevin sədrliyi ilə keçiriləcək. Cinayət işində ana-bala olan iki qadın zərərçəkmiş qismində tanınıb.

İttiham aktına görə, martın 15-də Sabunçu rayonunun 2-ci Zabrat qəsəbəsi ərazisində yaşayan Afət Məhəmməd qızı Əzizovanın evinə girmiş 2 maskalı şəxs onun və qızı Firuzə Firuz qızı Ələkbərovanın qol və ağızını yapışqanlı lentlə bağlayıb bıçaqla hədələyərək oradan 1700 manat pul aparıb.
Sabunçu RPİ  15-ci PB əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Bakı şəhər sakinləri, əvvəllər məhkum olunmuş Ramin Ağayev və Ceyhun Adıgözəlov saxlanılıb.

ŞƏRH YAZ
0

Bakıda gənc tanımadığı quldur tərəfindən bıçaqlandı

Bakıda  gənc tanımadığı quldur tərəfindən bıçaqlandı
09:14
Bu gün
733
Hadisə
A
Yasamal rayonunda gənc oğlan tanımadığı şəxs tərəfindən ağır xəsarət alıb.

"Ölkə.Az" Report-a istinadən xəbər verir ki, hadisə Şamaxinka kimi tanınan ərazidə baş verib.

Belə ki, 22 yaşlı Orucov Sadiq Namiq oğlu sözügedən ərazidən piyada keçərkən naməlum şəxs ona yaxınlaşaraq pul tələb edib. S.Orucov pulunun olmadığını bildirib. Naməlum şəxs ona əvvəlcə bıçaqla hədə qorxu gəlib. Bu vaxt tərəflər arasında əlbəyaxa dava düşüb. Nəticədə S.Orucov bıçaqlanıb. Hadisəni törədən şəxs isə ərazidən qaçaraq uzaqlaşıb.

Yaralı 1 saylı Kliniki Tibbi Mərkəzə yerləşdirilib. Növbətçi cərrah  bildirib ki, S.Orucov döş qəfəsinin sağ tərəfindən kəsilmiş-deşilmiş xəsarətlərlə xəstəxanaya qəbul edilib. O cərrahi əməliyyat olunub. Müəyyən edilib ki, bıçaq daxilə 10 santimetr dərinliyində daxilə nüfuz edib. Qaraciyər və mədnin ön divarı zədələnib. Yaralı əməliyyat olunaraq reanimasiya şöbəsinə yerləşdirilib.

Faktla əlaqədar Yasamal Rayon Polis İdarəsinə məlumat daxil olub.

Hazırda hadisəni törədən şəxsin kimliyi müəyyənləşdirilir.

Faktla əlaqədar Cinayət Məcəlləsinin 126.1 (qəsdən sağlamlığa ağır zərərvurma) maddəsi ilə cinayət işi başlanıb.

ŞƏRH YAZ
0
BAĞLA