4 yaşlı uşağın ölümündə təqsirli bilinən qadın məhkəmədən vaxt istədi

4 yaşlı uşağın ölümündə təqsirli bilinən qadın məhkəmədən vaxt istədi
14:50
14.06.2018
1914
Ölkə
A
Qubada 4 yaşlı uşağın ölümündə təqsirli bilinən Lalə İsrafilovanın cinayət işi üzrə məhkəmə prosesi keçirilib.

“Ölkə.Az” xəbər verir ki, bu gün Bakı Ağır Cinayətlər Məhkəməsində hakim Azər Paşayevin sədrliyi ilə baş tutan prosesdə Lalə İsrafilovanın vəkili Əli Hüseynov çıxış edib.

O qeyd edib ki, ki, istintaq orqanı tərəfindən Lalə İsrafilovaya əsassız ittiham irəli sürülüb.

Vəkilin sözlərinə görə, zərərçəkmiş şəxs öz ehtiyatsızlığı səbəbindən yıxılıb:

“Lalə İsrafilova uşağa əl vurmayıb. Həyətdən çıxararkən, uşaq qaçıb və ayağı ilişərək yıxılıb. Nəticədə bu bədbəxt hadisə baş verib. Hesab edirəm ki, Lalə İsrafilovanın əməlində cinayət tərkibi yoxdur”.

Vəkil onu da qeyd edib ki, məhkəmə tibbi ekspertizaının rəyinə əsasən, uşağın ölüm faktı yıxılma və başının yerdəki daşa dəyməsinə uyğundur.

Vəkil çıxışının sonunda azyaşlı uşağın ölümündə hüquqlarını müdafiə etdiyi şəxsin günahsız olduğunu və onun barəsində bəraət hökmünün çıxarılmasını məhkəmədən xahiş edib.

Daha sonra Lalə İsrafilovaya son söz verilib. O, son sözə hazır olmadığını deyib və məhkəmədən vaxt istəyib.

Növbəti proses iyunun 22-də davam edəcək.

Qeyd edək ki, prokuror Lalə İsrafilovanın 10 il müddətinə azadlıqdan məhrum edilməsini istəyib.

İttihama görə, 2017-ci il mayın 9-da Quba rayonunun Bərqov kəndində 2013-cü il təvəllüdlü Fuad Mustafazadə ailəsinin münasibəti olmadığı 1971-ci il təvəllüdlü Lalə İsrafilovanın həyətinə icazəsiz daxil olub.

Azyaşlı həyətdəki gülləri yolub, Lalə İsrafilova bunu görüb və uşağın həyətdən çıxmasını istəyib. Uşaq həyətdən çıxmadığı üçün Lalə İsrafilova onu qovub.

Fuad Mustafazadə qadından qorxaraq həyətdən qaçmağa başlayıb. Həyət darvazasından çıxarkən uşaq küçədə yıxılıb və baş nahiyəsindən aldığı xəsarət nəticəsində dünyasını dəyişib.

Təqsirləndirilən şəxs Cinayət Məcəlləsinin 126.3-cü (qəsdən sağlamlığa ağır xəsarət yetirmə, zərərçəkmişin ölümünə səbəb olduqda) maddəsi ilə ittiham edilir.

ŞƏRH YAZ
0

DYP-dən Aşura günü ilə bağlı sürücülərə — XƏBƏRDARLIQ

DYP-dən Aşura günü ilə bağlı sürücülərə
16:42
Bu gün
61
Ölkə
A
Bakı şəhər Dövlət Yol Polisi (DYP) İdarəsi sentyabrın 20-də baş tutacaq Aşura mərasimi ilə bağlı sürücülərə müraciət edib.

"Ölkə.Az"ın xəbərinə görə,  DYP-nin bölmə rəisi, polkovnik Vaqif Əsədov bildirib ki, Aşuru günü ilə bağlı keçiriləcək dini mərasimlərlə əlaqədər olaraq məscidlərin və ziyarətgahların ətrafında sıxlıq yaranmaması üçün mərasim yerinə gələnlər bəzi qaydalara əməl etməlidirlər: “Yol polisi Aşura günü gücləndirilmiş iş rejimində çalışacaq. İlk növbədə məscidlərin və mərasim keçiriləcək digər yerlərin yaxınlığında avtomobili yolu hərəkət hissəsində, ikinci və üçüncü cərgədə saxlamaq digər sürücülərin hərəkətinə maneə yaratmaqdır. Bununla da onlar öz rahatlığı naminə başqalarını narahat etmiş olurlar. Sürücülərin diqqətinə çatdırırıq ki, mərasim yerlərinin yerləşdiyi küçə və prospektlərdə digər nəqliyyat vasitələrinin rahat hərəkəti üçün avtomobili harada gəldi saxlamasınlar. Hökm deyil ki, məscidə gələn şəxs maşını mütləq məscidin qarşısında saxlamalıdır. Bir qədər kənarda, başqa küçədə, park yerində də saxlamaq olar. Yol hərəkəti qaydalarına riayət etməklə mərasimi başa çatdırmaq daha yaxşı olardı. Ümumiyyətlə, mərasimə qatılmaq istəyənlərə ictimai nəqliyyatdan istifadə etməyi tövsiyə edirik”.

ŞƏRH YAZ
0

Koreyada tarixi imzalar atıldı — 65 illik müharibə başa çatdı

Koreyada tarixi imzalar atıldı
16:28
Bu gün
191
Ölkə
A
Cənubi Koreya prezidenti Mun Çje İn Koreya yarımadasındakı tarixi zirvədən sonra açıqlamalar verib.

“Ölkə.Az” xəbər verir ki, Mun Çje İn açıqlamasında bildirib ki, Kim Çen İn nüvə mühərrik sınaq sahəsi və raket sınaq məntəqəsini sökmək barədə təklifi təsdiqləyib.

Cənubi Koreya lideri qeyd edib ki, ABŞ lazım olan addımları atsa, Şimali Koreya “Nyongbyon” nüvə kompleksini də sökə bilər. Zirvə görüşündən sonra Kim Çen İn və Mun Çje İn bəyannamə imzalayıblar. İki ölkə sərhədindəki bir kənddəki minalar təmizlənəcək. Kim Çen İn yaxın vaxtda Cənubi Koreyaya səfər edəcək.

Hikmət Həsənov
Ölkə.Az

ŞƏRH YAZ
0
BAĞLA