43 yaşlı kişini döyüb bıçaqladılar

43 yaşlı kişini döyüb bıçaqladılar
23:58
10.08.2017
69
Hadisə
A
Gəncə sakini bir neçə nəfər tərəfindən döyülərək bıçaqlanıb.

Ölkə.Az APA-ya istinadən xəbər verir ki, hadisə Yeni Gəncə qəsəbəsində qeydə alınıb. Şəhərin Məhsəti qəsəbəsində yaşayan 1974-cü il təvəllüdlü Məmmədov Mətləb Nəsrəddin oğlu müxtəlif bədən xəsarətləri və bıçaq yarası ilə xəstəxanaya yerləşdirilib. Ona tibbi yardım göstərilib. Vəziyyətinin orta ağır olduğu bildirilir. M. Məmmədovun deməsinə görə, bir neçə nəfər tərəfindən döyülüb və bıçaqlanıb.

Faktla bağlı hüquq-mühafizə orqanları tərəfindən araşdırma aparılır.

ŞƏRH YAZ
0

Bayılda 2 evin damı çökdü — FOTOLAR

Bayılda 2 evin damı çökdü
00:58
Bu gün
766
Hadisə
A
İki gündür yağan intensiv yağış Bakıda iki evin damının çökməsinə səbəb olub.

"Ölkə.Az"ın APA-ya istinadən məlumatına görə, hadisə Səbail rayonu, Bayıl qəsəbəsi, Elşən İsmayılov küçəsindəki 102 və 102A ünvanlı fərdi yaşayış evlərində qeydə alınıb.

Həmin mənzillərdə və eləcə də ətraf tikililərdə əsasən Zəngilan rayonundan olan məcburi köçkün ailələri məskunlaşıb. Damı çökən bir-birinə bitişik mənzillərdə  bu rayondan olan iki ailə yerləşib. Burada evlər terras bənzər şəkildə tikildiyindən, yuxarıdakı evlərin həyətində çatlar  yaranıb. Ev sahibi Akif Qurbanovun sözlərinə görə, yağış suları tədricən torpaq qatını yuyub və nəticədə ağırlıq günorta saatlarında bu iki evin damının içəriyə doğru çökməsinə səbəb olub.

Evlərdə yaşayış təhlükəli hesab edildiyindən ətrafda FHN-in əməkdaşları tərəfindən xüsusi lent çəkilib. Ərazidə əvvəllər buna bənzər hal yaşanmasa da, bundan sonra da sürüşmə faktının qeydə alınmayacağı istisna edilməyib. Baş vermiş hadisə Səbail rayon İcra Hakimiyyəti tərəfindən  qeydə alınıb və evləri çökən hər iki ailə nəzarətə götürülüb. 

Ölkə.Az

ŞƏRH YAZ
0

Məşhur restoranda musiqiçilər dalaşdı — Biri kəllə-beyin travması alıb

Məşhur restoranda musiqiçilər dalaşdı
00:25
Bu gün
1145
Hadisə
A
Bakının Nəsimi rayonu ərazisində, "Şərq bazarı" ticarət mərkəzi yaxınlığında yerləşən "Şərq ulduzu" restoranında musiqiçilər arasında dava düşüb.

"Ölkə.Az" “Report”a istinadən xəbər verir ki, 1979-cu il təvəllüdlü sintezator ifaçısı Qasımov Vüqar Mirbala oğlu restoranda keçirilən ziyafətdən sonra öz musiqiçi həmkarı tərəfindən döyülüb.

Nəticədə V.Qasımov kəllə-beyin travması alaraq xəstəxanaya yerləşdirilib.

Hadisənin hansı səbəbdən baş verdiyi bilinmir.

Faktla bağlı Nəsimi Rayon Polis İdarəsində araşdırma aparılır.

Ölkə.Az

ŞƏRH YAZ
0
BAĞLA