468 məscidə təbii qaz üçün limit ayrılıb

468 məscidə təbii qaz üçün limit ayrılıb
18:35
12.01.2018
1933
Ölkə
A
Azərbaycanda təbii qazla təmin olunan abonentlərin sayı 2,1 milyona çatır.

SOCAR-ın “Azəriqaz” İstehsalat Birliyindən "Ölkə.Az"a bildirilib ki, 2017-ci ilin yanvar-dekabr ayları ərzində birlikdə əhali sektoru üzrə 93 min 350 yeni abonent qeydiyyata alınıb ki, bunun da 48 min 877-si Bakı, Abşeron və Sumqayıt, 44 min 473-ü isə regionlar üzrədir.

Bununla da ölkə üzrə təbii qazla təmin olunan abonentlərin sayı 2 milyon 97 min 293-ə çatıb.

2018-ci il yanvar 1-i tarixə olan məlumata görə, qeyri-əhali sektoru üzrə 468 məscid və dini məbədə təbii qazdan istifadə üçün limit ayrılıb.

ŞƏRH YAZ
0

İlahiyyat İnstitutunda yeni təyinatlar olub

İlahiyyat İnstitutunda yeni təyinatlar olub
11:42
Bu gün
88
Ölkə
A
2018-2019-cu tədris ilində yeni fəaliyyətə başlayan Azərbaycan İlahiyyat İnstitutunda (Aİİ) dekan və kafedra müdirləri ilə bağlı təyinatlar olub.

İnstitutdan "Ölkə.Az"a verilən məlumata görə, fəlsəfə üzrə fəlsəfə doktoru Mürsəlov Mirniyaz Mürsəl oğlu İlahiyyat fakültəsinin dekanı, ilahiyyat üzrə fəlsəfə doktoru Tağıyev Kövsər Yusif oğlu İlahiyyat fakültəsinin dekan müavini, dosent Əzizova Elnurə Akif qızı Dinşünaslıq kafedrasının müdiri, ilahiyyat üzrə fəlsəfə doktoru Niyazov Əhməd Seyful oğlu İslamşünaslıq kafedrasının müdiri, fəlsəfə üzrə fəlsəfə doktoru Əlimuradov İlkin Ənvər oğlu isə Dillər kafedrasının müdiri vəzifəsinə təyin ediliblər.

Qeyd edək ki, fəlsəfə üzrə fəlsəfə doktoru Mürsəlov Mirniyaz Mürsəl oğlu 31 mart 1978-ci ildə Biləsuvar rayonu İsmətli kəndində anadan olub. Bakı Dövlət Universitetinin (BDU) İlahiyyat fakültəsini bitirən M.Mürsəlov bu təyinata qədər BDU-nun İlahiyyat fakültəsinin dekan müavini vəzifəsində çalışıb, ərəb, rus və türk dillərini bilir.

İlahiyyat üzrə fəlsəfə doktoru Kövsər Tağıyev1985-ci ilin iyun ayının 1-də Laçın rayonunun Alxaslı kəndində anadan olub. BDU-nun İlahiyyat fakültəsini bitirib. K.Tağıyev yeni təyinata qədər İlahiyyat fakültəsinin müəllimi vəzifəsində çalışıb, ingilis, ərəb və türk dillərini bilir.

Dosent Elnurə Əzizova 1977-ci il 26 oktyabr tarixində Neftçala rayonunda anadan olub. 1999-cu ildə BDU-nun İlahiyyat fakültəsini fərqlənmə diplomu ilə bitirib. 2000-ci ildə BDU Tarix fakültəsindən tarixçi ixtisası ilə məzun olan E.Əzizova bu təyinata qədər BDU İlahiyyat fakültəsində müəllim vəzifəsində çalışıb. Türk, ingilis, ərəb və rus dillərini bilir.

İlahiyyat üzrə fəlsəfə doktoru Əhməd Niyazov 1973-cu ilin iyul ayının 23-də Saatlı rayonu Smadakənd kəndində anadan olub. BDU-nun İlahiyyat fakültəsinin məzunu olan Ə.Niyazov yeni təyinata qədər Qaradəniz Texniki Universiteti İlahiyyat Fakültəsində İslam Hüququ ixtisası üzrə fənlərin tədrisi ilə məşğul olub, ərəb, fars və rus dillərini bilir.

Fəlsəfə üzrə fəlsəfə doktoru İlkin Əlimuradov 1979-cu il avqust ayının 23-də Quba rayonunun İspik kəndində anadan olub. İraq Universitetinin Ərəb dili və Quran elmləri fakültəsində ərəb filologiyası ixtisası üzrə məzun olan İ.Əlmuradov bu təyinata qədər BDU-da müəllim, AMEA akad. Z.M. Bünyadov adına Şərqşünaslıq İnstitutunun Din və ictimai fikir tarixi şöbəsində isə aparıcı elmi işçi vəzifəsində çalışıb. Ərəb, rus və fars dillərini bilir.

Xatırladaq ki, Azərbaycan İlahiyyat İnstitutu Azərbaycan Respublikasının Prezidenti İlham Əliyevin 9 fevral 2018-ci il tarixli sərəncamı ilə yaradılıb. İnstitutun yaradılmasının əsas məqsədi Azərbaycan xalqının tarixi ənənələrinə söykənən və dövlət siyasətinin məntiqi nəticəsi olan dini-mənəvi mühitin qorunub saxlanılmasını və inkişaf etdirilməsini, dini fəaliyyətin təşkili sahəsində yüksək ixtisaslı kadrların və mütəxəssislərin hazırlanmasını təmin etməkdən ibarətdir. Yüksək ixtisaslı mütəxəssislərin hazırlanması məqsədi ilə dini elmlərlə yanaşı fəlsəfə, sosiologiya, psixologiya, multikulturalizm, informatika və digər s. sosial, humanitar elmlərin tədris olunacağı institutda müxtəlif ölkələrin aparıcı ali təhsil müəssisələrinin təcrübələrindən faydalanılması nəzərdə tutulub. 

ŞƏRH YAZ
0

“Gül Vüqar” keçmiş işçisi tərəfindən qətlə yetirilib — FOTO

“Gül Vüqar” keçmiş işçisi tərəfindən qətlə yetirilib
11:35
Bu gün
171
Ölkə
A
Bakı Ağır Cinayətlər Məhkəməsində keçmiş müdirini öldürən şəxsin məhkəməsi başlayır.

“Ölkə.Az”ın məlumatına görə, cinayət məcəlləsinin 120.2.2-ci maddəsi ilə təqsirləndirilən Novruzov Vüsal Əliağa oğlunun məhkəmə prosesinə hakim Rasim Sadıxov sədrlik edəcək. 

İttiham aktına görə, bu il may ayının 24-də Sumqayıt şəhər sakini 1979-cu il təvəllüdlü Quliyev Vüqar Ənvər oğlu öz işçisi Vüsal Novruzov tərəfindən bıçaqlanıb. Quliyev Sumqayıt şəhər Təcili Tibbi Yardım Xəstəxanasına çatdırılsa da, onun həyatını xilas etmək mümkün olmayıb.
Bildirilir ki, mərhum Vüqar Quliyev Sumqayıtda gül biznesi ilə məşğul imiş və onun şəhərin bir neçə yerində gül dükanı var. O, Sumqayıtda “Gül Vüqar” kimi tanınıb.

Hadisəyə gəldikdə, V.Quliyevi keçmiş işçisi Vüsal Novruzov tərəfindən qətlə yetirib. 

Novruzov bir müddət əvvəl işdən çıxarılıb, lakin axşam saatlarında mağazaya gələrək Quliyevin kürək nahiyəsindən bıçaqla zərbələr endirib. 
V.Novruzovun psixi problemlərinin olduğu bildirilir.

ŞƏRH YAZ
0
BAĞLA