5-6 nəfəri xilas etdi, özü boğuldu — Azərbaycanda dəhşət

5-6 nəfəri xilas etdi, özü boğuldu
20:06
21.07.2019
11100
Hadisə
A
Qızıl Qum çimərliyində bir nəfər dənizdə boğulub.

“Ölkə.Az” oxu.az-a istinadən xəbər verir ki, hadisə Qızıl Qum Sularda Xilasetmə Məntəqəsindən 700 metr kənarda qeyri-çimərlik ərazisində baş verib.

Ərazidə yerləşən obyektlərin birində ofisiant işləyən Tovuz sakini gənc oğlan dənizdə 5-6 nəfərin boğulduğunu görüb və onları xilas etmək üçün dənizə daxil olub.

Xilasedicilər əraziyə gələn zaman həmin şəxslər xilas olunub, lakin gənc oğlan batıb.

Hazırda Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu ərazidə axtarışlara cəlb olunub.

Ölkə.Az

ŞƏRH YAZ
0

Bakı metrosunda qorxulu anlar — VİDEO

Bakı metrosunda qorxulu anlar
09:55
Bu gün
1718
Hadisə
A
Bu gün axşam saatlarında Bakı metrosunda qorxulu anlar yaşanıb.

"Ölkə.Az"ın məlumatına görə, naməlum şəxs metronun "Neftçilər" stansiyasında qatar yoluna atılıb.

Stansiya yolunda hərəkət edən şəxs yalnız polisin müdaxiləsindən sonra platforamya çıxarılıb.

"Bakı Metropoliteni" QSC-nin Mətbuat Xidmətinin rəhbəri Bəxtiyar Məmmədov "Qafqazinfo"ya açıqlamasında bildirib ki, hadisə 18:26 radələrində qeydə alınıb. Stansiya işçiləri müvafiq təlimat qaydalarına uyğun addım atıb, təmas relsindən gərginlik çıxarılıb. Bundan sonra polis vətəndaşı qatar yolundan çıxarıb".

ŞƏRH YAZ
0

Bakıda yaşayış binasında yanğın — 70 sakin təxliyyə edildi

Bakıda yaşayış binasında yanğın
09:28
Bu gün
1486
Hadisə
A
Bakı şəhərinin Nəsimi rayonunda yanğın olub.

"Ölkə.Az" xəbər verir ki, bununla bağlı Fövqəladə Hallar Nazirliyi məlumat yayıb.

Bildirilib ki, çoxmərtəbəli yaşayış binasının 10-cu mərtəbəsində ümumi sahəsi 95 m² olan ikiotaqlı mənzilin bir otağında ev əşyaları 10 m² sahədə yanıb.

Yanğın zamanı yanğınsöndürənlər və xilasedicilər tərəfindən 70 nəfər bina sakini təhlükəsiz əraziyə təxliyyə olunub.

Mənzil yanğından mühafizə olunub. Yanğın yanğından mühafizə bölmələri tərəfindən söndürülüb.

Ölkə.Az

ŞƏRH YAZ
0
BAĞLA