50 ildir beton yeyən qadın: “Sement qızıldan qiymətlidir”
Türkiyədə Zahidə Yetişin aparıcılıq etdiyi verilişdə iştirak edən qadının etirafı tamaşaçıları şoka salıb.
“Ölkə.Az” xəbər verir ki, qadın 50 ildir ki, beton yediyini etiraf edib.
“8 yaşımdan beton yeyirəm. Atam inşaatçı idi. Bir gün betonun gözəl torpaq qoxusuna, rəng qoxusuna dözə bilmədim. Bir parça qopartdım. Uşaq yaşlarımdan divar yeməə başladım. Hər zaman yesəm də, ailəm bilmədi. Mənə çox şirin gəlir, yeyəndə dişlərim qırılsa da, bədənim tələb edir. Müəyyən yerlərə beton qoyuram, yastığımın altında, cibimdə saxlayıram. Çünki ərim və övladlarım tapıb atırlar”, - deyə qadın bildirib.
Qadın betonu uşaqlara pis nümunə olmamaq üçün gizlin yediyini bildirib:
“Beton tapa bilməyəndə dama çıxıb oradan qoparıram. Hər gün bir kibrit qutusu boyda yeyirəm. Ağzımda betonu un kimi əzirəm. Mənə görə beton qızıldan daha qiymətlidir”.
Hikmət Həsənov
Ölkə.Az
