6 ayda 8 min sərxoş sürücü cərimələnib

6 ayda 8 min sərxoş sürücü cərimələnib
16:42
12.08.2017
165
Ölkə
A
Bakı Şəhər Baş Polis İdarəsi (BŞBPİ) Dövlət Yol Polisi İdarəsinin (DYPİ) əməkdaşlarının həyata keçirdiyi reyd zamanı kobud qayda pozuntusuna yol verən 60-dan artıq sürücü cərimələnib.

Daxili İşlər Nazirliyindən "Ölkə.Az"a verilən məlumata görə, Bakı şəhərində yol hərəkətinin təhlükəsizliyinin təmin edilməsi, həmçinin yol-nəqliyyat hadisələrinin qarşısının alınması, əsasən gecə saatlarında ictimai qaydanın tam təmin edilməsi məqsədi ilə profilaktiki tədbirlər davam etdirilir. Bu istiqamətdə Bakı Şəhər Baş Polis İdarəsi (BŞBPİ) Dövlət Yol Polisi İdarəsinin (DYPİ) əməkdaşları tərəfindən qayda pozuntularına yol verən sürücülərə qarşı mübarizəni daha da gücləndirmək məqsədi ilə xüsusi əməliyyat qrupu yaradılıb və mütəmadi reydlər keçirilir.

Paytaxt ərazisində keçirilən sonuncu belə reyd əsasən avtomobili sərxoş vəziyyətdə idarə edən, nəqliyyat vasitəsinə əlavə səsgücləndirici vasitələr əlavə edən, polisin qanuni "saxla" əmrinə tabe olmayan və digər ciddi qayda pozuntuları törədən sürücülərə qarşı yönəlib.

Reyd zamanı avtomobili sərxoş vəziyyətdə idarə edən sürücülərə də rast gəlindi. Paytaxtın Nizami rayonu ərazisində saxlanılan "Land Rover" markalı avtomobilin sürücüsünün yoxlama zamanı sükan arxasına sərxoş vəziyyətdə əyləşdiyi məlum olub.

Avtomobili sərxoş vəziyyətdə idarə edən daha bir sürücü Binəqədi rayonunda saxlanıldı. "Mersedes GL" markalı avtomobilin sürücüsü Loğman Hacıyev əvvəlcə avtomobili içkili halda idarə etmədiyini bildirsə də, həkim müayinəsi zamanı sürücünün sərxoş vəziyyətdə olduğu sübuta yetirildi.

Qeyd edək ki, avtomobili sərxoş vəziyyətdə idarə edən sürücülər yol polisləri tərəfindən aşkar olunduğu təqdirdə əksər hallarda öz aqressiv davranışları ilə seçilirlər. Belə sürücülərdən birinə də Səbail rayonu Badamdar qəsəbəsində yol polisi tərəfindən saxlama işarəsi verildi. Amma sürücü tabe olmayaq idarə etdiyi "Mersedes" markalı avtomobili yaşadığı ünvana qədər idarə etdi. Avtomobili saxlayandan sonra sürücü yol polislərinə fiziki müqavimət göstərməkdən belə çəkinmədi. Sürücünün şəxsiyyəti dəqiqləşdirilən zaman onun Səbail rayon sakini Xamis Seyranov olduğu müəyyənləşdirildi. Onunla aparılan profilaktik söhbətdən sonra sürücü avtomobili sərxoş vəziyyətdə idarə etdiyini etiraf etdi. Reyd zamanı saxlanılan nəqliyyat vasitələri DYPİ-nin müvəqqəti mühafizə olunan dayanacağına yerləşdirildi.

BŞBPİ DYPİ-nin bölmə rəisi polis polkovniki V.Əsədovun sözlərinə görə, 2017-ci ilin ilk 6 ayı ərzində paytaxt ərazisində avtomobili sərxoş vəziyyətdə idarə edən 8000 sürücü barəsində qanunvericiliyin tələbinə uyğun olaraq müvafiq qaydada qanuni tədbir görülüb.

Bakı Şəhər DYPİ əməkdaşları tərəfindən paytaxt ərazisində kobud qayda pozuntularına yol verən sürücülərə qarşı reydlər mütəmadi olaraq bundan sonra da davam etdiriləcək.

 

ŞƏRH YAZ
0

Goranboyda top mərmisi aşkarlanıb

Goranboyda top mərmisi aşkarlanıb
01:18
Bu gün
390
Ölkə
A
Daxili İşlər Nazirliyinin "102" Xidməti-Zəng mərkəzi sistemindən Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Goranboy rayonu, Dəyirmanlılar kəndində mərminin tapılması barədə məlumat daxil olub.

ANAMA-dan "Ölkə.Az"a verilən məlumata görə, məlumata əsasən agentliyin xüsusi mobil çevik əməliyyat qrupu və Goranboy Rayon Polis Şöbəsinin əməkdaşları həmin əraziyə göndərilib.

Agentliyin mütəxəssisləri və Daxili İşlər Nazirliyinin Goranboy Rayon Polis Şöbəsinin əməkdaşları tərəfindən birlikdə ərazidə yol kənarına baxış keçirilib. Aparılan təcili təxirəsalınmaz operativ əməliyyat-axtarış tədbirləri nəticəsində agentliyin mütəxəssisləri tərəfindən 1 ədəd 125 mm-lik top mərmisi (3BM26) aşkar olunub, zərərsizləşdirilməsi üçün götürülərək agentliyin mərkəzi məhvetmə ərazisinə daşınıb.

Top mərmisinin tapıldığı yerin ətrafında 100 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb.

Ölkə.Az

ŞƏRH YAZ
0

Anar Məmmədxanovun ad gününü məzarı başında qeyd etdilər — FOTO

Anar Məmmədxanovun ad gününü məzarı başında qeyd etdilər
23:59
20.07.2018
853
Ölkə
A
Bu gün “Bakılı oğlanlar” komandasının mərhum kapitanı Anar Məmmədxanovun ad günüdür.

"Ölkə.Az" Baku.ws-yə istinadən xəbər verir ki, ailə üzvləri və dostları Məmmədxanovun məzarını ziyarət ediblər. 

Qeyd edək ki, Anar Məmmədxanov yaşasaydı 48 yaşı tamam olacaqdı.

Ölkə.Az

ŞƏRH YAZ
0
BAĞLA