65 yaşlı Qusar sakini dənizdə batdı

65 yaşlı Qusar sakini dənizdə batdı
22:17
13.08.2017
55
Hadisə
A
Bu gün Xəzər dənizinin Xaçmaz rayonu sahillərində 65 yaşlı kişi dənizdə batıb.

Ölkə.Az-ın APA-ya istinadən verdiyi məlumata görə, Qusar rayon sakini, 1952-ci il təvəllüdlü Arif Əsgərov Nabranda dənizdə çimərkən boğulub. Onun meyiti tibbi ekspertizadan keçirilməsi üçün Xaçmaz Mərkəzi Rayon Xəstəxanasının Morquna gətirilib.
 
Faktla bağlı araşdırma aparılır.

ŞƏRH YAZ
0

Bakıda “Yapon” ləqəbli narkobaron həbs edildi

Bakıda “Yapon” ləqəbli narkobaron həbs edildi
14:58
Bu gün
237
Hadisə
A
Sabunçu Rayon Polis İdarəsi (RPİ) əməkdaşları tərəfindən narkotiklərin qanunsuz dövriyyəsinin qarşısının alınması, həmin əməlləri törədən şəxslərin aşkar edilərək məsuliyyətə cəlb olunmaları istiqamətində növbəti əməliyyat tədbiri həyata keçirilib.

"Ölkə.Az"-ın əldə etdiyi məlumata əsasən, narkotik vasitələrin satışı ilə məşğul olmaqda şübhəli bilinən Maştağa qəsəbəsinin sakini, əvvəllər məhkum olunmuş Vüqar Quliyev polislər tərəfindən saxlanılıb. Polis İdarəsində onun üzərinə baxış zamanı narkotik maddə hesab edilən heroin aşkar olunaraq götürülüb.

Əməliyyat tədbirlərinin davamı olaraq onun yaşadığı evə baxış zamanı əlavə olaraq Vüqar tərəfindən ayrı-ayrı yerlərdə qablaşdırılaraq gizlətdilən narkotik vasitə heroin və qurudulmuş marixuana aşkar edilib.

Ekspertiza təqdim olunan həmin narkotik vasitələrin ümumi çəkisinin 150 qram heroin və 7 qram qurudulmuş marixuana olması barədə rəy verib. 

Faktla bağlı Sabunçu RPİ-nin İstintaq Şöbəsində Cinayət Məcəlləsinin müvafiq maddələri ilə cinayət işi başlanılıb, zəruri istintaq hərəkətləri və əməliyyat-axtarış tədbirləri davam etdirilir.

Qeyd edək ki, Vüqar Quliyev narkotik istifadəçiləri arasında “Yapon” ləqəbli narkobaron kimi tanınır. Belə ki, Vüqar Quliyev dəfələrlə analoji əməlləri törətdiyinə görə məhkumluq həyatı yaşayıb.

Ölkə.Az

ŞƏRH YAZ
0

Bankomatlardan yarım milyon pul oğurladı — Sensasion hadisə

Bankomatlardan yarım milyon pul oğurladı
12:31
Bu gün
3424
Hadisə
A
Bir neçə gün əvvəl Bakıda bankomatdan külli miqdarda pul oğurlayan şəxsin digər cinayətləri üzə çıxıb.

"Ölkə.Az” Lent.az-a istinadən xəbər verir ki, Xətai rayonu Axundov küçəsində quraşdırılmış bankomatı qaynaq aparatı ilə kəsib içindən 40 min manat oğurlayan İmişli rayon sakini, 31 yaşlı Orxan Əhmədovun bir neçə banka məxsus bankomatlardan yüz min manatlarla pulu ələ keçirdiyi üzə çıxıb.

Araşdırmalar zamanı məlum olub ki, Orxan Əhmədov başqa-başqa vaxtlarda özünün əvvəlcədən seçdiyi və pulla dolu olan bankomatları hədəf seçib. O, pensiya və müavinətlərin verildiyi vaxtı əvvəlcədən müəyyən edirmiş və kəndlərdə, insanların az olduğu yerlərdə özünə məxsus aparatlarla bankomatları gizli formada kəsərək pulları ələ keçirirmiş.
 
Məlum olub ki, Orxan Əhmədov keçən ilin iyulunda Biləsuvarda məcburi köçkünlər üçün salınmış 3 saylı qəsəbədə Cəbrayıl rayon Telekommunikasiya Qovşağının həyətində yerləşən bankomatı gecə saatlarında qaynaq aparatı ilə kəsib. O, bankomatdakı 147 min manat pulu oğurlayıb. Hadisənin sabahı günü yerli sakinlər pensiya və müavinətləri almaq üçün yaxınlaşdıqda, bankomatda pulun olmadığını görüblər.
 
Bundan başqa Orxan Əhmədov keçən ilin avqustunda Şirvan şəhəri Hacıqəhrəmanlı qəsəbəsi Rəsulzadə küçəsindəki bankomatı da gecə saatlarında eyni üsulla doğrayıb. O, bankomata yerləşdirilmiş 43270 manatı götürərək aradan çıxıb.
 
Onun növbəti hədəfi isə Salyan rayonu Sarvan kəndindəki bankomat olub. Keçən ilin sentyabrında gecə saatlarında qeyri-qanuni yolla kənddəki poçt şöbəsinə daxil olan Orxan banklardan birinin bankomata yerləşdirdiyi 155 min 556 manatı xüsusi yollarla çıxardıb. O, gizli şəkildə kəndi tərk edib.
 
İz itirmək üçün oğurluq etdiyi rayona bir də qayıtmayan Orxan növbəti dəfə Ucara gedib. O, keçən ilin dekabrında Ucarın Qazıqumlaq kəndində icra nümayəndəliyinin həyətində quraşdırılmış bankomatı da qaynaq aparatı ilə doğrayıb və oradan 10591 manat götürərək aradan çıxıb.
 
Araşdırmalar zamanı o da məlum olub ki, Orxan Əhmədovun uğursuz oğurluq cəhdi də olub. O, Biləcəridəki dəmiryolu xəstəxanasının həyətindəki bankomatı doğramaq istəyərkən, kiminsə yaxınlaşdığını görüb və oradan qaçıb. Son olaraq Bakının Xətai rayonunda bankomatı kəsərək 40 min manat çıxaran şəxs kamera görüntüləri və digər vasitələr vasitəsi ilə müəyyənləşdirilərək yaxalanıb.
 
O da məlum olub ki, Orxan Əhmədov əvvəllər məhkumluq həyat yaşayıb və oğurluq hadisələrini törədərkən iz qoymurmuş. Onun son vaxtlar varlanması, özünə yaxşı həyat şəraiti qurması bir çox insanlarda şübhə yaradıbmış.
 
Araşdırmalar davam etdirilir. 

ŞƏRH YAZ
0
BAĞLA