68 yaşlı kişi toyda öldü
Hadisə Nizami rayonu, "Qara Qarayev" metrosunun yaxınlığında yerləşən “Sevinc” şadlıq sarayında keçirilən toy məclisində qeydə alınıb.
“Ölkə.Az”-ın məlumatına görə, Şəki rayon sakini olan, 1950-ci il təvəllüdlü Şamilov Teymurxan Şövkətziya oğlunun yaxınlarının toy məclisində qəfil ürəyi tutub və elə şadlıq evində də keçinib.
Hadisə şahidlərinin sözlərinə görə, T.Şamilov toya gələn zaman vəziyyəti normal olub, hətta rəqsdə edib. Ancaq birdən birə 68 yaşlı kişinin vəziyyəti pisləşib.
Meyit müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Nizami rayon şöbəsinə aparılıb. İlkin müayinələr zamanı dünyasını dəyişən şəxsə beyinə qan sızma diaqnozu qoyulub.
Faktla bağlı Nizami rayon prokurorluğunda araşdırmalara başlanılıb.
Qeyd edək ki, baş vermiş bədbəxt hadisədən sonra məclis sahibi toyu dayandırıb.
