“70 ildən sonra üçrəngli bayrağımız yenidən dalğalandı” — Millət vəkili

“70 ildən sonra üçrəngli bayrağımız yenidən dalğalandı”
13:36
08.11.2019
1415
Siyasət
A
“XIX əsrin sonlarında Azərbaycan çar Rusiyası tərəfindən işğal edildikdən sonra ziyalılarımızın üzərinə böyük məsuliyyət düşdü.Onlar xalqımızda milli kimliyin formalaşması üçün maarifçilik hərəkatına başladılar. Məhz bunun nəticəsində 1918-ci ildə Azərbaycan Xalq Cümhuriyyəti yarandı və müstəqil dövlətimizin qürur mənbəyi olan üçrəngli bayrağımız qəbul olundu”.

Bunu “Ölkə.Az”a açıqlamasında millət vəkili Musa Qasımlı deyib.

Onun sözlərinə görə,  23 aydan sonra - aprelin 28-də milli bayrağımız sovet bayrağı ilə əvəz edildi.

“Ancaq 70 ildən sonra üçrəngli bayrağımız yenidən ulu öndər Heydər Əliyev tərəfindən Naxçıvanda qəbul olundu. Baxmayaraq ki, o zaman SSRİ tam süqut etməmişdi, amma ümummilli lider Heydər Əliyev sovet siyasi sistemindən imtina edərək üçrəngli bayrağımızı qəbul etdi. 2009-cu ildə Azərbaycan Respublikasının Prezidenti İlham Əliyevin Sərəncamı ilə 9 noyabr Dövlət Bayrağı Günü kimi qəbul olundu”- millət vəkili bildirib.

O, bu gün Azərbaycanın dövlət bayrağının bir çox olimpiadalarda, beynəlxalq tədbirlərdə, ən mötəbər təşkilatların binası qarşısında yüksəyə qaldırıldığını bildirib.

 M.Qasımlı  Azərbaycan gənclərinə xitab edərək, onları bayrağa sahib çıxmağa, dövlətimizin sabitliyi, inkişafı, uğurlu gələcəyi  üçün çalışmağa çağırıb.

Mürtəza

Ölkə.Az

ŞƏRH YAZ
0

Türkiyə parlamenti ABŞ Senatının “erməni soyqırımı” qərarına etiraz edib

Türkiyə parlamenti ABŞ Senatının “erməni soyqırımı” qərarına etiraz edib
23:54
13.12.2019
274
Siyasət
A
Türkiyə Böyük Millət Məclisi ABŞ Senatının 1915-ci il hadisələrini “erməni soyqırımı” kimi tanınması ilə bağlı qəbul etdiyi qanun layihəsinə etiraz edib.

"Ölkə.Az" bildirir ki, Türkiyə parlamentinin dörd partiyası birgə qərar qəbul edərək Senatın qanun layihəsinin əsassız olduğunu bildirib.

Türkiyə Böyük Millət Məclisinin (TBMM) sədri Mustafa Şentopun imzası ilə yayılan qərarda ABŞ Senatına etiraz bildirilib. Qərara AKP ilə yanaşı, Cümhuriyyət Xalq Partiyası (CHP), İyi Partiya və Milliyyətçi Hərəkat Partiyası (MHP) imza atıblar.

Qərarda ABŞ Senatının tarixi həqiqətləri azdırmaq istəyi ilə beynəlxalq hüququn əsas qaydalarını saymaması pislənilib. Qeyd edilir ki, Türkiyə Böyük Millət Məclisi qondarma "erməni soyqırımı" ilə bağlı qərarı təəssüflə qınayır və rədd edir. 

ŞƏRH YAZ
0

Prezident İlham Əliyev Boris Consonu təbrik edib

Prezident İlham Əliyev Boris Consonu təbrik edib
22:24
13.12.2019
311
Siyasət
A
Prezident İlham Əliyev Böyük Britaniya və Şimali İrlandiya Birləşmiş Krallığının Baş Naziri vəzifəsinə yenidən təyin olunmağı münasibətilə Boris Consonu təbrik edib.

"Ölkə.Az" Azərtac-a istinadən bildirir ki, təbrikdə deyilir: 

“Böyük Britaniya və Şimali İrlandiya Birləşmiş Krallığının Baş Naziri vəzifəsinə yenidən təyin olunmağınız münasibətilə Sizi səmimi qəlbdən təbrik edirəm. Biz Azərbaycan ilə Birləşmiş Krallıq arasındakı dostluq və əməkdaşlıq münasibətlərinə böyük əhəmiyyət veririk. Enerji sektorunda səmərəli fəaliyyətimiz xüsusi məmnunluq doğurur.

İnanıram ki, qarşılıqlı faydalı əməkdaşlığımızın inkişaf etdirilməsi və dərinləşdirilməsi istiqamətində Sizinlə birgə səylərimizi bundan sonra da ardıcıl şəkildə davam etdirəcəyik.

Sizə ən xoş arzularımı yetirir, məsul fəaliyyətinizdə uğurlar diləyirəm”.

ŞƏRH YAZ
0
BAĞLA