74 yaşlı anasını döyərək öldürən oğulun şikayəti təmin edilmədi — MƏHKƏMƏ

74 yaşlı anasını döyərək öldürən oğulun şikayəti təmin edilmədi
11:50
15.05.2019
424
Hadisə
A
Bakı Apellyasiya Məhkəməsində anasını döyə-döyə öldürməkdə təqsirləndirilən Cəmil İslamovun barəsində olan hökmdən verilən apellyasiya şikayəti üzrə məhkəmə iclası başa çatıb.

"Ölkə.Az" xəbər verir ki, hakim Əmir Bayramovun sədrliyi ilə keçirilən prosesdə qərar elan olunub.

Qərara əsasən, C.İslamovun apellyasiya şikayəti təmin edilməyib.

Qeyd edək ki, hadisə ötən il fevralın 25-də Qaradağ rayonunun Ələt qəsəbəsində baş verib. 

Əzməmmədov küçəsi, ev 12-də yaşayan 1944-cü il təvəllüdlü Zərnişan Allahverən qızı İslamova oğlu tərəfindən müxtəlif bədən xəsarətlərinə məruz qalıb. Yaşlı qadın təcili tibbi yardım maşını ilə Kliniki Tibbi Mərkəzə çatdırılıb. Ancaq 74 yaşlı qadın xəsarətləri ağır olduğundan xəstəxanada dünyasını dəyişib. 
Qaradağ RPİ-si 11-ci Polis Bölməsinin əməkdaşları tərəfindən keçirilən əməliyyat-axtarış tədbirləri nəticəsində hadisəni törətməkdə şübhəli bilinən 1984-cü il təvəllüdlü İslamov Cəmil Ağasəlim oğlu saxlanılaraq rayon prokurorluğuna təhvil verilib. İlkin dindirmələr zamanı 34 yaşlı oğul anasını yumruqla vurduğunu etiraf edib. 

Qeyd edək ki, Bakı Ağır Cinayətlər Məhkəməsinin hökmü ilə o, 17 il müddətinə azadlıqdan məhrum edilib. 

Natiq Allahverdiyev
Ölkə.Az

ŞƏRH YAZ
0

Tovuzda gənc qadın qonşusu tərəfindən döyülüb

Tovuzda gənc qadın qonşusu tərəfindən döyülüb
00:50
Bu gün
195
Hadisə
A
Tovuz rayonunda gənc qadın qonşusu tərəfindən döyülüb.

"Ölkə.Az"report-a istinadən bildirir ki, hadisə rayonun Cəlilli kəndində qeydə alınıb.

Belə ki, 19 yaşlı qadın mübahisə zəminində qonşu qadın tərəfindən döyülüb. O, döyülmə zamanı başından xəsarət alıb. Yaralı xəstəxanaya yerləşdirilib.

Qadının vəziyyətinin kafi olduğu bildirilir.

Faktla bağlı araşdırma aparılır.

Ölkə.Az

ŞƏRH YAZ
0

Bakı bulvarında qadın özünü dənizə atdı — VİDEO

Bakı bulvarında qadın özünü dənizə atdı
22:34
23.05.2019
685
Hadisə
A
Dənizkənarı Bulvarda qadın intihara cəhd edib.

"Ölkə.A"ın məlumatına görə, 32 yaşlı Babayeva Nuranə Məhəmməd qızı Bulvar ərazisində özünü dənizə atıb.

Hadisə yerinə FHN-nin Sularda Xilasetmə Dövlət Xidmətinin əməkdaşları cəlb olunub. Onu sudan çıxarmaq mümkün olub.

N.Babayeva dərhal 1 saylı Kliniki Tibbi Mərkəzə çatdırılıb. Vəziyyətinin kafi olduğu bildirilir.

Qadının hansı səbəbdən intihara cəhd etməsi araşdırılır.

Ölkə.Az
ŞƏRH YAZ
0
BAĞLA