8 nəfəri öldürən sürücü: “Az qalıb, 240-la gedəcəm" — FOTO

8 nəfəri öldürən sürücü: “Az qalıb, 240-la gedəcəm
12:51
12.07.2019
5094
Ölkə
A
Qardaş az qalıb, 240-la gedə biləcək mikroavtobusa da sahib olacam.

"Ölkə.Az" unikal.org-a istinadən xəbər verir ki, bu sözləri iyul ayının 9-da Masallıda "Mercedes Benz Vito 115" markalı, 99 LH 458 dövlət qeydiyyat nişanlı mikroavtobusla törətdiyi qəza nəticəsində 8 nəfərin ölümünə səbəb olan Mustafayev Nizami Malik oğlu sosial şəbəkələrdəki səhifəsində bildirib.

"Mercedes Benz Vito 115" markalı" mikroavtobusdan əvvəl "Ford" markalı mikroavtobus idarə edən N.Mustafayev sosial şəbəkədə özünü sürətli mikroavtobus sürücüsü kimi tanıdıb. Dostlarından bəziləri N.Mustafayevi "Ford" markalı mikroavtobusu yavaş idarə etməyi, bəziləri isə sürət həddi yüksəltməyi ona tövsiyə edirlər.

N.Mustafayev sürət həddi yüksək olan başqa bir mikroavtobusa yaxın vaxtlarda sahib olacağını dostlarına anons edir və belə cavab verir: "Az qalıb gedəcək".

Beləliklə, bir müddət sonra N.Mustafayev 8 nəfərin ölümünə səbəb olan "Mercedes Benz Vito 115" markalı, 99 LH 458 dövlət qeydiyyat nişanlı mikroavtobusun görüntülərini sürət sevən dostlarına paylaşır.

Həmin görüntüləri sizlərə təqdim edirik:

ŞƏRH YAZ
0

Duman, çiskin olacaq — Sabahın havası

Duman, çiskin olacaq
12:25
Bu gün
138
Ölkə
A
Oktyabrın 23-də Bakıda və Abşeron yarımadasında hava dəyişkən buludlu olacaq, əsasən yağmursuz keçəcək. Səhər bəzi yerlərdə zəif duman, çiskin olacaq. Şimal-qərb küləyi əsəcək.

Ekologiya və Təbii Sərvətlər Nazirliyinin Milli Hidrometeorologiya Departamentindən "Ölkə.Az"a verilən məlumata görə, havanın temperaturu Abşeron yarımadasında gecə 15-17, gündüz 20-22, Bakıda gecə 14-16, gündüz 20-22 dərəcə isti təşkil edəcək.

Atmosfer təzyiqi normadan yüksək 767 mm civə sütunu, nisbi rütubət gecə 70-80, gündüz 50-55 faiz olacaq.

Oktyabrın 23-də Azərbaycanın rayonlarında hava əsasən yağmursuz keçəcək. Lakin gecə və axşam bəzi şimal və şərq rayonlarda şimşək çaxacağı, qısamüddətli yağış yağacağı ehtimalı var. Gecə və səhər ayrı-ayrı yerlərdə duman olacaq. Şərq küləyi əsəcək.

Havanın temperaturu gecə 9-14, gündüz 20-25, dağlarda gecə 3-8, gündüz 11-16 dərəcə isti təşkil edəcək.

ŞƏRH YAZ
0

“Hədəf”dən 30 000 manatlıq kitab hədiyyəsi

“Hədəf”dən 30 000 manatlıq kitab hədiyyəsi
12:13
Bu gün
211
Ölkə
A
“Hədəf Nəşrləri” oxuculara 30 min manatlıq kitab hədiyyə edəcək.

Bu barədə “Ölkə.Az”-a “Hədəf Nəşrləri”nin direktoru Müşfiq XAN məlumat verib.

“Bu il “Hədəf Nəşrləri”nin yaradılmasının 10 ili tamam olur. Bu münasibətlə nəşriyyat olaraq müxtəlif kampaniya və layihələr həyata keçiririk. Məqsədimiz oxucularımızı və bu illər ərzində bizə dəstək olan insanları sevindirməkdir. Artıq “1000 müəllimə 1000 kitab” kampaniyamız uğrla başa çatıb. Bu kampaniya çərçivəsində Azərbaycanın müxtəlif bölgələrində, eləcə də paytaxtda işləyən 1000 müəllimə kitab hədiyyə etmişik. Ümumiyyətlə, nəşriyyatımız fəaliyyət göstərdiyi 10 il ərzində oxuculara və kitabsevərlərə onminlərlə kitab hədiyyə edib.

Yubileyimiz münasibəti ilə ənəmizə sadiq qalaraq daha çox kitab hədiyyə etməyə qərar verdik. 26 oktyabrda Hədəf Liseyində baş tutacaq tədbirdə qonaqlarımıza təxminən 4000 ədəd kitab və müxtəlif dəftərxana ləvazimatları hədiyyə etməyi düşünürük. Məlumat üçün bildirim ki, hədiyyələrimizin içərisində “Xatirə ədəbiyyatı” seriyasından nəşr olunan 50 kitablıq 50 dəst olacaq. Eyni zamanda, yerli və xarici yazarların nəşriyyatımızda nəşr olunmuş kitablarını da qonaqlarımıza hədiyyə edəcəyik. 10 il ərzində keçdiymiz yolda nəşriyyatın fəaliyyətinə dəstək verən oxucuları, dostları sevindirmək bizi də xoşbəxt edəcək.

Ümumilikdə yubiley ərəfəsində oxucularımıza hədiyyə edəcəyimiz kitabların sayı 5000-i keçir.” Xatırladaq ki, oktyabr ayında “Hədəf Nəşrləri”nin yaradılmasının 10 illiyi tamam olur. Bu münasibətlə Hədəf Liseyində keçiriləcək yubiley tədbirinə ölkə ziyalıları, yazıçılar, oxucular və media nümayəndələri qatılacaq. Tədbirə gələcək hər bir qonağa “Hədəf Nəşrləri” tərəfindən xüsusi hədiyyələr veriləcək.

Ölkə.Az

ŞƏRH YAZ
0
BAĞLA