KORONAVİRUSA YOLUXANLARIN SAYI - CANLI STATİSTİKA

8 xəstəliyi olan məktəb direktorundan — MARAQLI AÇIQLAMA

8 xəstəliyi olan məktəb direktorundan
11:20
23.05.2019
3056
Ölkə
A
Lerik rayonun M.Qafarov adına Siyov kənd tam orta məktəbinin direktoru İlham Əmirov eyni vaxtda səkkiz xəstəlikdən əziyyət çəkirmiş.

Sözügedən məktəbdə işləyən Zeynalov Əliman Əlimusa oğlu "Ölkə.Az"ın redaksiyasına göndərdiyi məktubda bildirir ki, kollektiv bundan aprel ayınnı 22-də xəbər tutub:

"Biz bir ay öncə bilmişik ki, direktorumuz II qrup əlil kimi pensiya alır. Onun haçansa xəstələnməsi haqqında heç kimin xəbəri yoxdur. Əgər o xəstələnsəydi, xəstəxana büllüten verərdi və həmin  bülleten məktəbin yerli həmkarlar təşkilatının iclaslarında müzakirə olunmalı idi. Bunların heç biri olmayıb. "Pulunu ver, şəklini çəkdir" prinsipi ilə təqaüdə çıxmış direktorumuz Əmirov İlham Əvəz oğlu müəllimlikdən başqa çox şeylər bilirmiş. Direktoru olduğu məktəbdə törətdiyi saxtakarliqlar azmış, saxta yolla pensiya almaqla da dövlətimizin büdcəsini talamaq və çoxlu pul qazanmaq istəyir. Xahiş edirəm bu işlə əlaqadar araşdırma aparasınız və ictimailəşdirəsiniz".

Əməkdaşımız sözügedən məsələ ilə bağlı İlham Əmirovla əlaqə saxlayıb. Direktor bildirib ki, səsləndirdiyi ittihamlara görə Əliman Zeynalovu məhkəməyə verib:

"O adam mənimlə qərəzlidir. Uzun müddətdir ki, haqqımda böhtan xarakterli məktublar yazır. O ki qaldı xəstəliyə, bəli, mən xəstəyəm. Əgər xəstəlik sənədi səhvdirsə, istənilən vaxt ləğv edilsin, etirazım yoxdur.  Əlimanın yazdıqlarına gəlincə, onu 20 min təzminat tələbi ilə məhkəməyə vermişəm". 

Əməkdaşımızn "səkkiz xəstəliyi olan şəxs direktor ola bilərmi" sualını İ.Əmirov belə cavablandırıb:

"Xəstəliyi mən təyin etməmişəm. Elə başa düşürəm ki, ikinci qrup əlil direktor işləyə bilər. O kağızı da mənə tibbi ekspert komissiyası verib".

Qeyd edək ki, şikayətçinin redaksiyamıza göndərdiyi sənəddə direktor İlham Əmirovun bir neçə xəstəlikdən (Böyük Betta-talassemiya, davamlı anemiya ilə müşayiət olunan xroniki anemiya, qaraciyərin böyüməsi, hiposplenizm, əməliyyatdan sonrakı aspleniya. dalağın götürülməsi, xroniki qan damar çatışmazlığı III dərəcə) əziyyət çəkdiyi qeyd edilir. 

İntiqam VALEHOĞLU
Ölkə.Az

ŞƏRH YAZ
0

"COVID-19 analizinin cavabı mənfi olan bəzi xəstələrdə "buzlu şüşə" aşkarlanır"

21:03
Bu gün
1938
Ölkə
A
“Bəzən ilk müayinədə koronavirus xəstələrinin nəticəsi neqativ çıxsa da, sonradan bu pozitivə çevrilə bilir. Ona görə də bir çox ölkələrdə analiz cavabından asılı olmadan kompüter tamoqrafiyası (KT) çəkilir”.

Bunu Yeni Klinika Tibb Müəssisəsinin direktoru Pərviz Abbasov Real TV-yə müsahibəsində deyib.

O bildirib ki, bu xəstəlik tam və ya qismən irəlilədikdən sonra meydana çıxır: “Dəfələrlə bir çox xəstələrdə KT müayinəsi nəticəsində COVID-19-un əlaməti olan “buzlu şüşə” aşkarlanıb. Ancaq belə xəstələri koronaviruslu xəstə kimi qəbul edib həmin gün müalicəyə başlamaq lazımdır. Belə xəstələr bizdə çoxdur. Hətta sona kimi də onların cavabı neqativ çıxıb”.

ŞƏRH YAZ
0

Bakıda hərbi qulluqçuya rişxənd edən şəxs saxlanıldı, haqqında araşdırma başlandı — FOTO + VİDEO

Bakıda hərbi qulluqçuya rişxənd edən şəxs saxlanıldı, haqqında araşdırma başlandı
20:17
Bu gün
2281
Ölkə
A
Qaradağ rayonu Lökbatan qəsəbəsində xidmət aparan hərbi qulluqçunun qanuni tələblərinə rişxəndlə yanaşaraq, hörmətsizlik nümayiş etdirən və bu hərəkətlərini mobil telefon vasitəsilə qeydə alaraq sosial şəbəkələrdə yayan şəxs müəyyən olunaraq saxlanılıb.

"Ölkə.Az" bildirir ki, Bakı şəhər BPİ Mətbuat Xidmətindən oxu.az-a verilən məlumata görə, Qaradağ rayon sakini, 1986-cı il təvəllüdlü Orucəli Zərbəliyev Qaradağ RPİ 10-cu Polis Bölməsinə dəvət olunaraq, onun barəsində araşdırmalara başlanılıb.

Araşdırmanın nəticəsindən asılı olaraq, onun əməlinə hüquqi qiymət veriləcək.

 

ŞƏRH YAZ
0
BAĞLA