80 yaşlı qadının həyatına 25 yaşlı qız son qoydu
Hadisə Suraxanı rayonunda qeydə alınıb.
“Ölkə.Az”ın məlumatına görə, 1993-cü il təvəllüdlü Turan Məmmədova idarə etdiyi 90 UT 758 dövlət nişanlı “Hyundai Veloster” markalı avtomobillə yolu keçmək istəyən, 1938-ci il təvəllüdlü Gülnarə Hüseynovanı vurub. Yaşlı qadının xəsarətləri ağır olduğundan elə hadisə yerindəcə keçinib. Hadisə yerinə rayonun hüquq-mühafizə orqanlarının əməkdaşları gəlib və ilkin müayinələr başlayıblar. Meyit müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Suraxanı rayon şöbəsinə aparıb.
Faktla bağlı Suraxanı RPİ-nin İstintaq Şöbəsində 263.2-ci maddə ilə cinayət işi başlanıb və T.Məmmədova şübhəli şəxs qismində istintaqa cəlb olunub. İlkin məlumatlara görə, 25 yaşlı Turan Məmmədova avtomobili yüksək sürətlə idarə edib.
