8758 nəfər magistr imtahanı verəcək

8758 nəfər magistr imtahanı verəcək
10:31
23.05.2019
1151
Ölkə
A
Dövlət İmtahan Mərkəzi mayın 26-da 2019/2020-ci tədris ili üçün Azərbaycanın ali təhsil müəssisələrinin və AMEA-nın magistraturalarına qəbul imtahanının ikinci mərhələsini keçirəcək.

Mərkəzdən "Ölkə.Az"a verilən məlumata görə, imtahan Bakı, Naxçıvan və Gəncə şəhərlərində, ümumilikdə 27 binada aparılıcaq. 

Bakalavrlar imtahanda iştirak etmək üçün DİM-in internet saytına daxil olaraq istifadəçi adı və paroldan istifadə etməklə “Bakalavrın imtahana buraxılış vərəqəsi”ni çap etməlidirlər. Burada bakalavrların imtahan verəcəyi şəhər, bina və digər zəruri məlumatlar qeyd olunur. 

İmtahan bütün binalarda eyni vaxtda – saat 11:00-da başlayır və sualların cavablandırılmasına 1 saat 30 dəqiqə vaxt ayrılır. İmtahanın başlanmasına 15 dəqiqə qalmış saat 10.45-də buraxılış rejimi başa çatır. Bundan sonra gələn iştirakçılar imtahan binasına buraxılmır. İmtahan binasına buraxılış vərəqəsində qeyd olunan vaxtda gəlmək lazımdır. 

Bəzi imtahan binalarına giriş zamanı imtahan iştirakçılarının şəxsiyyətini dəqiqləşdirmək məqsədi ilə “Face Recognition” (üzün tanınması) texnologiyasına əsaslanan proqram-texniki vasitələrdən istifadə olunacaq. Bu texnologiyanın tətbiq edilməsində əsas məqsəd bakalavrların imtahan binasına buraxılış rejimini daha surətli həyata keçirmək və qeydiyyatdan keçmiş bakalavrların əvəzinə başqa bir şəxsin imtahan binasına daxil olmasının qarşısını almaqdır. 

Bakalavrlar imtahana gələrkən aşağıda göstərilən sənədləri mütləq özləri ilə gətirməlidirlər: 

• Şəxsiyyəti təsdiq edən sənədin əslini; 

• “Bakalavrın imtahana buraxılış vərəqəsi”ni. 

Göstərilən sənədlər arasında uyğunsuzluq olarsa, yaxud həmin sənədlərdən biri olmazsa, bakalavr imtahana buraxılmayacaq. 

İkinci mərhələdə bakalavrlara seçdikləri proqram üzrə 5-i açıq tipli olmaqla 50 test tapşırığı təqdim olunur (bəzi proqramlar üzrə isə bakalavrlar yazılı, bəziləri üzrə qabiliyyət imtahanı verəcəklər). Hər düzgün cavab bir balla qiymətləndirilir, səhv cavablar düzgün cavabların nəticəsinə təsir göstərmir. 

Qəbul imtahanının birinci mərhələsinin nəticələrinə görə müsabiqə şərtlərini ödəyən bakalavrların proqram seçimi aprelin 26-dan mayın 7-dək aparılıb və 8758 nəfər qəbul proqramını seçərək təsdiqləyib. Onlardan 8012 nəfəri Azərbaycan bölməsi, 746 nəfəri rus bölməsi üzrə imtahan verəcək. Bakalavrların 3803 nəfərini oğlanlar, 4955 nəfərini qızlar təşkil edir. 5575 nəfər ali təhsil müəssisələrinin builki, 3183 nəfər isə əvvəlki illərin məzunlarıdır. 16 bakalavr xarici ölkə vətəndaşıdır. 

İmtahanın idarə olunmasına 27 ümumi imtahan rəhbəri, 86 imtahan rəhbəri, 818 nəzarətçi-müəllim, 64 buraxılış rejimi əməkdaşı ayrılıb. Hazırda imtahan keçiriləcək şəhərlərdə imtahanlarda iştirak edəcək nəzarətçilər, imtahan rəhbərləri, mühafizə əməkdaşları ilə təlim-seminarlar keçirilir. İmtahan mərkəzlərinə təhlükəsizliyin təmin edilməsi məqsədilə imtahandan bir gün əvvəl DİM əməkdaşlarının iştirakı ilə baxış keçiriləcək və bütün imtahan zalları, giriş-çıxış qapıları, binalar möhürlənməklə Daxili İşlər Nazirliyi Baş Mühafizə İdarəsinin əməkdaşlarına mühafizə üçün təhvil veriləcək. 

ŞƏRH YAZ
0

Azərbaycanda biotəhlükəsizlik laboratoriyaları açıldı — FOTO

Azərbaycanda biotəhlükəsizlik laboratoriyaları açıldı
23:54
27.02.2020
177
Ölkə
A
Azərbaycanda Beynəlxalq standartlara cavab verən biotəhlükəsizlik laboratoriyaları tam gücü ilə paytaxtda, eləcə də regionlarda fəaliyyət göstərir.

"Ölkə.Az" report-a istinadən bildirir ki, bu laboratoriyalar bir sıra xüsusi təhlükəli xəstəliklərin molekulyar diaqnostikası üzrə ixtisaslaşıb.

Eyni zamanda Koronavirus (COVİD-19) infeksiyasının yüksək həssaslıqla PZR metodu ilə təyini qısa zaman ərzində həyata keçirilir.

Dövlətin qurduğu bu laboratoriyalar stasionar, səyyar və mobil tiplidir. Bu laboratoriyalarda həyata keçirilən diaqnostik metodlar, həmçinin koronavirusun təyini ÜST tərəfindən yüksək qiymətləndirilib.

ŞƏRH YAZ
0

Koronavirus təlaşı: “Qırmızı körpü”dən keçənlər yoxlanılmır? — VİDEO

Koronavirus təlaşı: “Qırmızı körpü”dən keçənlər yoxlanılmır?
23:36
27.02.2020
393
Ölkə
A
Azərbaycanla Gürcüstan arasındakı “Qırmızı Körpü” keçid məntəqəsi fəaliyyətini davam etdirir. Gün ərzində bu sərhəd-keçid məntəqəsində fasilə yaranmayıb.

Buraxılış məntəqəsindən keçənlərin əksəriyyəti qoruyucu maskalardan istifadə edirlər. Elə sərhəd-keçid məntəqəsinin bütün əməkdaşları da qoruyucu maskalar taxır. Gürcüstandan fərqli olaraq, Azərbaycan tərəfdə vətəndaşlar nədənsə tibbi yoxlamadan keçmirlər. Apardığımız qısa sorğu belə deməyə əsas verir.

 

Vətəndaşların sözlərinə görə, Gürcüstandan Azərbaycana və ya Azərbaycandan Gürcüstana keçdikləri zaman Azərbaycan gömrüyündə onların tibbi müayinəsi aparılmır.

Gürcüstanda koronovirusun yayılması xəbəri qonşu ölkəyə gedənlərin də sayına təsir edib. Adi günlərdən fərqli olaraq, bu günlərdə Gürcüstana getmək istəyən Azərbaycan vətəndaşlarının sayında kifayət qədər azalma var. Elə keçid məntəqəsində müşahidə olunan seyrəklik də buna bariz nümunədir.

Dünən İrandan gələrək, Azərbaycandan tranzit keçməklə Gürcüstana gedən şəxsdə koronavirus aşkarlanıb. Yoxlama zamanı onun hərarətinin norma daxilində olduğu müəyyənləşdirilib, səhhətində şübhə doğuran əlamətlər qeydə alınmayıb.

Həmin vətəndaş  Qərb Ərazi Baş Gömrük İdarəsinin “Qırmızı Körpü” gömrük postu vasitəsilə ölkəni tərk edib. Gürcüstan kütləvi informasiya vasitələrində yayılan məlumatlardan aydın görünür ki, məhz xüsusi laboratoriyada aparılan müayinə və analizlərdən sonra həmin şəxsin virus daşıyıcısı olduğu müəyyən edilib.

ŞƏRH YAZ
0
BAĞLA