93 yaşlı qadını borca görə evdən çölə atdılar
“Ölkə.Az” xəbər verir ki, bu barədə yerli mətbuat yazıb. Yazılanlara görə, hadisə dekabrın 12-də baş verib.
“The İndependent” qəzetinin yazdığına görə, yaşlı qadın 3 ay ərzində ev kirayəsini ödəmədiyi üçün küçəyə atılıb. Xunita Futejerald adlı qadın evdən çıxmaq istəməyib. Belə olan halda ev sahibi polisə müraciət edib. Polis də yaşlı qadını sürüyərək çölə atıb.
Bu hadisə ətrafdakı insanlar tərəfindən videoya çəkilərək “YouTube” video portalına yerləşdirilib. Videodan da göründüyü kimi qadın polislər tərəfindən güclə evdən çıxarılıb.
Bildirilir ki, 93 yaşlı qadının oğlu var. Lakin yaşlı adam ailəsindən yardım almaq istəmir.
“Mən kirayə haqqını ödəyə bilirəm. Axırıncı dəfə sentyabr ayında ödədim. Lakin ev sahibi məndən pul almır. O, məni çıxartmaq istəyir”, - deyə yaşlı qadın bildirib.
Bu hadisə sosial şəbəkələrdə pislənilib və ona əzab verən polislər qınaq obyektinə tuş gəliblər.
Ziya Səccad
Ölkə.Az