Avropa Qəzetçilər Dərnəyinin Azərbaycan nümayəndəliyi Şəhidlər Xiyabanında

Ölkə.Az-ın məlumatına görə, Avropa Qəzetçilər Dərnəyinin Azərbaycan nümayəndəliyinin sədr müavini jrunalistlərə açıqlamasında bildirib ki, 20 Yanvar faciəsi Azərbaycan xalqının yaşadığı ən dəhşətli hadisələrdəndir:

"Bizim nümayəndəliyimiz 20 Yanvar faciəsinin ölkədən kənarda xatırlanması üçün, Türkiyə mediası ilə müştərək şəkildə, maarifləndirmə işləri aparacaqdır. Məqsədimiz daha çox insanlara Azərbaycan xalqının yaşadığı faciələrini xatırlatmaq və maariflənmə yönündə işlər görməkdir. Nümayəndə heyətimizin sədri Afaq Fərzəliyeva bununla bağlı, artıq Türkiyədəki tərəfdaşları ilə qarşılıqlı danışıqlar aparır.  Başqanımız Adnan Fişeng, şəhidlərimizə Allahdan rəhmət diləyib. Eyni zamanda, Adnan bəy fikirlərinə Ümummilli liderimiz Heydər Əliyevin dəyərli kəlamını əlavə edərək: "Biz bir millət, iki dövlətik. Azərbaycan bizim qardaş ölkəmizdir. Hər zaman qardaşlarımızın yanında olmağa hazırıq. Allah bütün şəhidlərə rəhmət eləsin. Dərin hüznlə başsağlığımı bildirirəm" söyləyib".

İntiqam VALEHOĞLU
Ölkə.Az