Azərbaycanla Avropa İttifaqı arasında yeni danışıqlara başlanılır
“Azərbaycanla Avropa İttifaqı arasında ikitərəfli sazişin imzalanması üzrə danışıqlara yaxın vaxtlarda başlanılacaq”
Ölkə.Az-ın məlumatına görə, bunu Azərbaycanın xarici işlər nazirinin müavini Mahmud Məmmədquliyev jurnalistlərə açıqlamasında bildirib.
Nazir müavini deyib ki, danışıqlar üzrə Azərbaycanın nümayəndə heyətinin formalaşdırılması prosesi davam edir.
M.Məmmədquliyev Azərbaycanın Ümumdünya Ticarət Təşkilatı ilə danışıqlarının da davam etdiyini vurğulayıb:
“Bu ilin birinci yarısında Cenevrədə Azərbaycanın Ümumdünya Ticarət Təşkilatına qoşulması ilə bağlı növbəti görüşün keçirilməsi gözlənilir”.
Zaur Əziz
Ölkə.Az
