Dünyanın ən qəddar və təhlükəli narkobaronu ABŞ-a ekstradisiya edilir

Ölkə.Az xəbər verir ki, "El Chapo" ləqəbli narkobaron Xoakin Quzman ABŞ-a təslim edilib. "El Chapo" tərcümədə cücə mənasını verir.

Quzmanın vəkilləri ABŞ-a ekstradisiya qərarına etiraz etmişdi. Meksika Ədliyyə Nazirliyindən verilən xəbərə görə bu etiraz Meksika federal məhkəməsi tərəfindən təmin edilməyib. Meksikanın Ciuda Juarez şəhərində təyyarəyə mindirilən Quzman Nyu-Yorka yola salınıb.

Quzman dünyanın ən böyük narkotika şəbəkəsi "Sinaloa Cartel"inin lideri olaraq bilinir.

"El Chapo" 2001 və 2015-ci illərdə Meksikada həbsxanadan qaçsa da, 2016-cı ilin yanvar ayında yenidən həbs edilib. Həbsdən əvvəl bir jurnala müsahibə verən Quzman dünyada ən çox narkotik maddə satan şəxs olduğunu, yük maşınları, gəmilər, təyyarələr və sualtı qayıqlardan ibarət donanmaya sahib olduğunu bildirmişdi.

Quzman ABŞ-da altı cinayətə görə məhkəməyə çıxarılacaq. Dünyanın ən qəddar və təhlükəli insanı sayılan narkobaron eyni zamanda İnterpol tərəfindən də axtarılırdı.

Hikmət
Ölkə.Az