Obama xalqla vidalaşdı
ABŞ-ın 44-cü prezidenti Barak Obama xalqa açıq məktub yazıb.
Ölkə.Az xəbər verir ki, Ağ Evin rəsmi saytında yerləşdirilən məktub Obamanın xalqa vida sözləri olub.
“Mənim amerikalı dostlarım! Vəzifəyə gəldiyim gündən nə öyrənmişəmsə, hamısı sizin sayənizdə olub. Sizə görə ən yaxşı prezident və ən yaxşı insan oldum. Amerika tək bir insanın deyil, bütün xalqın ölkəsidir. Burada hər birimizin sözü əsasdır. Biz dövlətimizi inkişaf etdirə biləcəyik. Biz gələcəyə birlikdə addımlayacağıq”, - deyə Obama məktubunda qeyd edib.
Xatırladaq ki, ABŞ-ın 44-cü prezidenti Barak Obama sabah vəzifəsini sona çatdırır. 45-ci prezident olacaq Donald Trampın inaqurasiya mərasimi yanvarın 20-də keçiriləcək və o, rəsmi səlahiyyətlərinə başlayacaq.
Ziya Səccad
Ölkə.az
