Türkiyə Böyük Millət Məclisində növbəti dava-dalaş
Ölkə.Az xəbər verir ki, bu gün də kişi millət vəkilləri əlbayaxa olublar. Məclis bu gün millət vəkillərinin davası ilə açılıb.
"CHP" və "MHP" partiyalarının deputatları arasında baş verən söz duelinə hakim partiyanın da vəkilləri qarışıb. "CHP" millət vəkili Hüsnü Bozkurta hücum edən "Ədalət və İnkişaf" partiyasının nümayəndəsi Halis Dalkılıç güclə sakitləşdirilib.
Söz duelinə səbəb "sövdələşmə" iddiası olub. "MHP"-li Zihni Açba "sövdələşən şərəfsizdir, amma edilmədiyi halda bunu deyən də beş qat şərəfsizdir"-deyə qışqırıb. "CHP"-li millət vəkili Özel isə bunun hakim partiya tərəfindən iddia edildiyini bildirib. Bu isə "Ədalət və İnkişaf" partiyası nümayəndələrinin sərt reaksiyasına səbəb olub.
Dalaşanları ayırsalar da, bir neçə dəqiqə millət vəkilləri bir-birlərini təhqir ediblər.
Hikmət
Ölkə.Az
