Vyanada dəhşətli terrorun qarşısı alındı
Avstriyanın paytaxtı Vyanada dəhşətli terror aktı törədiləcəkdi.
Ölkə.Az xəbər verir ki, Avstriya polisi bu planın həyata keçirilməsinin qarşısını vaxtında alıb. Təhlükəsizliyin təmin edilməsi məqsədilə keçirilən əməliyyat zamanı terror aktı törətməyə hazırlaşan şəxs saxlanılıb. Şübhəli şəxs Vyanada kirayə götürdüyü evdə saxlanılıb.
Onun gizləndiyi evdən partlayıcı maddələr, gecəgörmə cihazı, müşahidə kameraları, uzaqdan idarə etmək üçün istifadə edilən pult, odlu silah və digər sursatlar tapılıb.
Ehtimal olunur ki, həmin şəxs bu gün Vyanaya gəlib və terror aktını gecə planlaşdırırmış. Onun bu qədər silah və sursatla sərhəddi necə keçdiyi araşdırılır. İlkin ehtimala görə, həmin şəxs xarici kəşviyyatın köməyindən istifadə edilib.
Faktla bağlı cinayət işi başlanıb, araşdırma aparılır.
Ziya Səccad
Ölkə.az
