Yaponiyanın baş naziri Rusiyaya səfər edəcək
Yaponiyanın baş naziri Sindzo Abe qısa müddət ərzində Rusiyaya səfər edəcəyini bildirib
Ölkə.Az xəbər verir ki, Sindzo Abe sülh müqaviləsi məsələsini müzakirə etmək üçün Rusiyaya səfər edəcəyini bəyan edib.
Abe deyib: "Uyğun vəziyyətdən isifadə etmək üçün bu il ən qısa müddət ərzində Rusiyaya səfər edəcəm".
Onun sözlərinə görə 70 illik ərazi probleminin həlli o qədər də asan deyil. Eyni zamanda, Rusiya və Yaponiya arasında münasibətlərin yaxşılaşması Şimali-Şərqi Asiya bölgəsində təhlükəsizlik nöqteyi-nəzərdən də vacibdir:
"Şimali-Şərqi Asiya bölgəsində təhlükəsizliyi dəstəkləmək üçün Rusiya ilə münasibətləri normallaşdırmaq çox vacibdir. Amma İkinci dünya müharibəsindən 70 il ötsə də, dövlətlərimiz arasında sülh müqaviləsi imzalanmayıb. Bu normal vəziyyət deyil".
Hikmət
Ölkə.Az
