AİBA BOK-a yeni hesabat təqdim edəcək

AİBA BOK-a yeni hesabat təqdim edəcək
19:40
04.02.2018
582
İdman
A
Beynəlxalq Boks Federasiyası (AİBA) təşkilatda islahatları davam etdirir və aprelin 30-a qədər Beynəlxalq Olimpiya Komitəsinə (BOK) yeni hesabat təqdim edəcək.

APA-nın TASS agentliyinə istinadən verdiyi məlumata görə, bu, AIBA mətbuat xidmətinin bu gün yaydığı məlumatda əksini tapıb.

Qeyd edək ki, keçən ilin dekabrında BOK Assosiasiyanın idarəetməsinin dəyişməsi ilə bağlı AİBA-nın maliyyələşdirilməsini dayandırıb. AİBA-nın bu gün yaydığı məlumatda isə bildirilir ki, AİBA BOK İcraiyyə Komitəsinin son dövrlər Assosiasiyada aparılan islahatları qiymətləndirəcək, islahat prosesi vaxt tələb edir: "Yaxın 6 ay ərzində AİBA-da tam təşkilat nəzarəti həyata keçiriləcək,  AİBA üçün "yeni fond planı" hazırlanacaq. Bu plan və hazırlanmış tövsiyələr AİBA İcraiyyə Komitəsinin iyunda keçirilən toplantısında müzakirə olunacaq. Aprelin 30-ə qədər BOK-a yeni hesabat da təqdim olunacaq. Bununla bərabər, AİBa BOK-u keçmiş səhvlərin bir daha təkrarlanmayacağına inandırmağa səy göstərəcək".

Qeyd edək ki, bu gün BOK prezidenti Tomas Bax bəyan edib ki, BOK AİBA-dakı vəziyyətdən narahatdır, boksun 2020-ci ildə Tokioda keçiriləcək Yay Olimpiya Oyunlarının proqramına daxil edilməsi məsələsinə yenidən baxmaq hüququnu özünə saxlayır

Ölkə.Az

ŞƏRH YAZ
0

“Neftçi” klubunda yeni təyinat

“Neftçi” klubunda yeni təyinat
14:48
22.02.2018
210
İdman
A
“Neftçi” futbol klubunda yeni təyinat olub.

"Ölkə.Az" kluba istinadla xəbər verir ki, Ceyhun Sultanov “Neftçi”nin idman direktoru vəzifəsinə təyin edilib. 1997/1998-ci il mövsümündə “Neftçi”nin şərəfini qorumuş və 23 oyunda 6 qola imza atmış Ceyhun Sultanov “Fərid” (1996-1997-ci il), “Dinamo” (1998-2001-ci il), “Maşinsazi” (Təbriz, 2003-2004-cü il), “Bakı” (2004-2007-ci il), “Xəzər-Lənkəran” (2007-2010-cu il), “Kəpəz” (2010-2012-ci il), “Sumqayıt” (2012-ci il), “Qəbələ” (2013-cü il) klublarında da çıxış edib.

O, Azərbaycan çempionatının və kubokunun qalibidir. U-21 yığmamızın kapitanı olmuş Ceyhun Sultanov 1998-2007-ci illərdə Azərbaycan milli komandasının heyətində 16 oyun keçirib, 1 qol vurub. Otuz səkkiz yaşlı mütəxəssis “Bakı”da seleksiyaçı məşqçi, “Sumqayıt”da baş menecer vəzifələrində çalışıb.

ŞƏRH YAZ
0

Daha bir idmançımıza dopinqə görə sanksiya tətbiq edildi — FOTO

Daha bir idmançımıza dopinqə görə sanksiya tətbiq edildi
15:55
21.02.2018
352
İdman
A
Azərbaycanın daha bir idmançısına dopinqdən istifadəyə görə sanksiya tətbiq edilib.

“Ölkə.Az” Azərbaycan Milli Antidopinq Agentliyinin (AMADA) rəsmi saytına istinadən xəbər verir ki, bu, Yekaterina Sarıyevadır. 

Yüngül atletika üzrə Azərbaycan millisinin üzvü 12 ay müddətinə bütün yarışlardan kənarlaşdırılıb. Cəza 2017-ci il sentyabrın 23-dən qüvvəyə minib.

23 yaşlı idmançıdan alınmış nümunələrdə qadağan edilmiş maddə və ya onun metabolit, yaxud markerlərinin mövcudluğu təsbit olunub. Onun orqanizmində furosemid aşkarlanıb.

Qeyd edək ki, Yekaterina Sarıyeva üçtəkanla tullanmada III İslam Həmrəyliyi Oyunlarında qızıl, IV İslam Həmrəyliyi Oyunlarında isə bürünc medal qazanıb.

Xatırladaq ki, daha əvvəl Azərbaycanın daha 5 idmançısı dopinq-testdən keçə bilmədiyi üçün AMADA tərəfindən cəzalandırılıb.

Ölkə.Az

ŞƏRH YAZ
0
BAĞLA