"Aİ ilə əməkdaşlıq Bakı-Moskva münasibətlərinə təsir etməyəcək" — Elmar Məmmədyarov

13:23
14.02.2018
712
Siyasət
A
Azərbaycanın xarici işlər naziri Elmar Məmmədyarov "RİA Novosti" agentliyinə müsahibə verib.

"Ölkə.Az" xəbər verir ki, azərbaycanlı nazir rusiyalı jurnalist ilə söhbətində Bakı ilə Avropa İttifaqı arasında anlaşma, Rusiya ilə münasibətlərə və başqa məsələlərə toxunub.

Jurnalistin "cənab nazir, Azərbaycan və Avropa İttidaqı arasında strateji əməkdaşlıq barədə yeni müqaviləni necə qiymətləndirirsiniz? Hansı əngəllər var, danışıqlar prosesində hansı çətin məqamlar var?"-sualına

"Avropa İttifaqı və Azərbaycan arasında partnyorluq layihəsi haqqında danışıqlar konstruktiv məcrada davam edir. Sənədin hazırlanma prosesinə heç bir əngəl yoxdur. Ticarət məsələsində bəzi fikir ayrılıqları var. Azərbaycan Ümumdünya Ticarət Təşkilatının üzvü olmadığı üçün tarif və subsidiya məsələlərində fikir ayrılıqları var. Amma müzakirələr prosesində biz ümumi məxrəcə gələcəyik"-cavabını verib.

- Danışıqların növbəti raundu nə vaxta planlaşdırılıb? Hansı müddətə nəticə əldə edilə bilər? Müqavilə nə vaxt imzalanıb qüvvəyə minəcək?


- Danışıqların növbəti raundu birinci rübünün sonuna, ya da 2018-ci ilin ikinci rübünün əvvəlinə planlaşdırılıb.

- Müqavilənin ən vacib elementləri hansılardır? 

-Müqavilənin bütünü elementləri vacibdir. Biz düşünürük ki, sənəd Azərbaycanla Avropa İttifaqı arasında qarşılıqlı münasibətlərin inkişafında mühüm rol oynayacaq. Sənəd siyasi, iqtisadi, ticarət, energetika, nəqliyyat və humanitar sahələrdə əməkdaşlıq perspektivlərinə aiddir.

- Avropa İttifaqı ilə yeni saziş Bakı və Moskvanın münasibətlərinə təsir edə bilərmi?

- Azərbaycan qonşuları ilə, xüsusən də Rusiya ilə strateji partnyorluğun inkişafına böyük önəm verir. Ümumi olaraq biz Rusiya ilə siyasi, iqtisadi, ticarət, humanitar və digər sahələrdə olan əməkdaşlığın inkişafından razıyıq.

Azərbaycanla Avropa İttifaqı arasında əməkdaşlıq qarşılıqlı hörmət və mənfəət əsasında inkişaf edir. Avropa İttifaqı ilə münasibətlərin inkişafına böyük diqqət ayrılır. Azərbaycanla Rusiya, Azərbaycanla Avropa İttifaqı arasında münasibətlər müxtəlif müstəvilərdə inkişaf etsə də, ilk növbədə xalqlarımızın rifahına xidmət edir.

Hikmət Həsənov

Ölkə.Az

ŞƏRH YAZ
0

Əhəd Abıyev Binəqədiyə rəhbər gətirilir?-İcra başçısının AÇIQLAMASI

Əhəd Abıyev Binəqədiyə rəhbər gətirilir?-İcra başçısının AÇIQLAMASI
12:46
Bu gün
17
Siyasət
A
Əhəd Abıyevin Bakı şəhərinin Binəqədi rayonuna İcra hakimiyyətinin başçısı təyin olunacağı barədə yayılan xəbərlərə rəsmi reaksiya gəlib.

"Ölkə.Az" Femida.az-a istinadən xəbər verir ki, yayılan informasiya yalandır.

"Əhəd Abıyev bildirdi ki, mənim Bakı şəhərinin Binəqədi rayonuna İcra hakimiyyətinin başçısı təyin olunacağımla bağlı müxtəlif saytlarda və mətbuatda gedən məlumatlar həqiqətə uyğun deyil, yalandır, şayiədən ibarətdir.

Bu şayiələr Daşkəsən rayonunun yaylaq ərazilərinə kənar yerlərdən uzun müddət qeyri-qanuni yolla öz qoyun sürülərini gətirən çobanlara himayədarlıq edən şadlıq sarayları və restoran sahiblərinin şəxsi maraqlarına uyğun uydurmalarıdır. 

Belə şayiələrlə onlar yaylaqlarda öz qanunazidd əməllərinə çatmaq istəyirlər. Bu da yolverilməzdir.

Bir daha da mənim barəmdə yeni təyinatla bağlı yazılan xəbərlərin tamamilə yalan olduğunu bildirirəm.", deyə məlumatda qeyd olunur.

ŞƏRH YAZ
0

Milli Məclisin komitəsi 2017-ci ilin dövlət büdcəsini müzakirə edib

Milli Məclisin komitəsi 2017-ci ilin dövlət büdcəsini müzakirə edib
12:11
Bu gün
471
Siyasət
A
Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında 2017-ci ilin dövlət büdcəsinin icrası müzakirə olunub.

"Ölkə.Az"ın məlumatına görə, komitə sədri Ziyad Səmədzadə bildirib ki, ötən ilin büdcəsinin icra vəziyyəti iqtisadiyyatda müsbət meyllərin gücləndiyini göstərir.

"Dövlət büdcəsinin əsas parametrlərinin icrası təmin edilib. Heç bir sosial proqramın icrasında maliyyə sıxıntısı olmayıb. Bu da 2018-ci ilin dövlət büdcəsini daha yüksək göstəricilərlə təmin olunmasına şərait yaradıb", - o qeyd edib.

Müzakirələrdə iştirak edən maliyyə nazirinin müavini Azər Bayramov isə bildirib ki, həyata keçirilən iqtisadi islahatlar nəticəsində ölkədə makroiqtisadi sabitlik təmin edilib, iqtisadi artım qeydə alınıb.

"Ötən il ölkə iqtisadiyyatına əlavə xarici valyuta daxil olub. Borc öhdəliklərinin maliyyə təminatı formalaşdırılıb. Azərbaycanın xarici ticarəti 12,3%, əmtəə ixracı 18,1%, o cümlədən qeyri-neft əmtəə ixracı 24,4% artıb. Ölkənin strateji valyuta ehtiyatları 4 mlrd. dollar artaraq ilin sonuna 41 mlrd. dollarl keçib", - o bildirib. 

Qeyd edək ki, 2017-ci ildə icmal büdcənin gəlirləri 24 mlrd. manat və yaxud 104,8%, xərcləri isə 25 mlrd. manat və yaxud 82,4% səviyyəsində icra olunub. İcmal büdcənin kəsiri 1,1 mlrd. manat təşkil edib ki, bu da ölkənin ümumi daxili məhsulunun 1,6%-i deməkdir və proqnozdan 9,5% bəndi azdır.

Ötən il dövlət büdcəsinin mədaxili 16,517 mlrd. manat və yaxud 98,5% icra olunub. Dövlət büdcəsinin transfert nəzərə alınmadan gəlirləri 10,417 mlrd. təşkil edib. Bu da 2016-cı illə müqayisədə 526 mln. manat və yaxud 5,3% çoxdur. Büdcə daxilolmalarının 8,633 mlrd. manatı qeyri-neft sektorunun hesabına təmin olunub. Bu da 2016-cı ilə nisbətən 352 mln. manat və yaxud 4,3% çoxdur.

2017-ci ildə qeyri-neft sektorundan büdcə daxilolmalarının xüsusi çəkisi 2016-cı illə müqayisədə 5% bəndi artaraq 52,3% təşkil edib.

ŞƏRH YAZ
0
BAĞLA