AAAF Park-da güclü yanğın — 9 nəfər tüstüdən zəhərləndi - YENİLƏNİB - VİDEO

AAAF Park-da güclü yanğın
13:21
07.12.2017
13309
Hadisə
A
Abşeron rayonu, Xırdalan şəhərində çoxmənzilli yaşayış binasının 1-ci mərtəbəsindən 14-cü mərtəbəsinə kimi şaxtadan keçən elektrik naqilləri 45 p.m, 64 ədəd işıq və 8 ədəd su sayğacı yanıb.

"Ölkə.Az"ın FHN-in saytına istinadən verdiyi xəbərə görə, yüksək temperaturdan binanın çardağı qismən qarsalanıb. Dövlət Yanğından Mühafizə Xidmətinin və Xüsusi Riskli Xilasetmə Xidmətinin müvafiq xilasetmə qüvvələri 36 nəfər bina sakinini təhlükəsiz əraziyə təxliyə edib. Yanğın zamanı 9 nəfər tüstüdən zəhərlənmiş halda Bakı şəhər Təcili Təxirəsalınmaz Tibbi Yardım Stansiyasının əməkdaşları tərəfindən Respublika Toksikologiya Mərkəzinə aparılıb. Binanın çardağı və mənzillər yanğından mühafizə olunub. Yanğın yanğın bölmələri tərəfindən söndürülüb.

***

Xırdalanda yaşayış binasında yanğın olub.

"Ölkə.Az" xəbər verir ki, hadisə şəhərin Mehdi Hüseynzadə küçəsi, 26-cı məhəllə ərazisində qeydə alınıb. FHN-dən verilən məlumata görə, elektrik naqillərində baş verən qısaqapanma yanğına səbəb olub. Çoxmərtəbəli yaşayış binasının 14-cü mərtəbəsində şaxtada baş verən yanğının qarşısını almaq üçün əraziyə FHN briqadası cəlb edilib. Abşeron polisi FHN briqadası ilə çiyin-çiyinə işləyib. 

İnsanları xilas etmək üçün zəhərli tüstünün içinə girən polislər bir çox uşağın və sakinin həyatını xilas ediblər. Polis əməkdaşları əleyhiqazdan istifadə etmədikləri üçün bir neçəsi zəhərlənib. 30 nəfər bina sakinini təxliyyə edib.

Həyata keçirilən tədbirlər nəticəsində yanğın söndürülüb.

Hikmət Həsənov
Ölkə.Az

ŞƏRH YAZ
1

Azərbaycanda ağır qəza — İki hərbiçimiz həlak oldu

Azərbaycanda ağır qəza
14:59
Bu gün
195
Hadisə
A
Bakıdan Beyləqana gedən “Mercedes” markalı avtomobil qəzaya düşüb.

"Ölkə.Az" “Bizimyol.info”ya istinadən xəbər verir ki “Mercedes” markalı 42-CA -252 dövlət nömrə nişanlı avtomobil Daşburuna çatarkən, Gödəklər və Qaradağlı kəndi ərazisində aöır qəza keçirib. Nəticədə İki hərbiçi zabitimiz qəza nəticəsində dünyasını dəyişib, bir qadın isə ağır yaralanıb.

Dünyasını dəyişən zabitlərdən birinin Murad Muradov olduğu bəllidir və digərinin isə onun zabit yoldaşı olduğu bildirirlir. Bir qadın isə ağır yaralanıb.

ŞƏRH YAZ
0

Dələduzluqda ittiham olunan əməkdar müəllim həbsdə qaldı

Dələduzluqda ittiham olunan əməkdar müəllim həbsdə qaldı
14:43
Bu gün
174
Hadisə
A
Bakı Apellyasiya Məhkəməsində dələduzluqda təqsirləndirilən 1955-ci il təvəllüdlü Nuriyyə Fərhad qızı Ağayeva barəsində olan hökmdən verilən apellyasiya şikayəti üzrə məhkəmə prosesi başa çatıb.

“Ölkə.Az”ın xəbərinə görə, hakim Həsən Əhmədovun sədrliyi ilə keçirilən sonuncu prosesdə qərar elan olunub.

Qərara əsasən, N.Ağayevanın apellyasiya şikayəti təmin edilməyib, birinci instansiya məhkəməsinin çıxardığı hökm dəyişdirilmədən qüvvədə saxlanılıb.
Qeyd edək ki, ittihama aktına əsasən, N.Ağayeva 5 nəfərə qarşı dələduzluq edib. O, vətəndaşların etibarından sui-istifadə edərək onların pullarını ələ keçirib.

Belə ki, N.Ağayeva zərərçəkmiş Rövşən Həsənovdan 4 min manat pul alıb. Bunun qarşılığında R.Həsənovun oğlunu Azərbaycan Dövlət Mədəniyyət və İncəsənət Universitetinə qəbul etdirəcəyi vədini verib. Lakin N.Ağayeva qeyd edilən məbləği alsa da, vədinə əməl etməyib.

Bundan başqa, N.Ağayeva Mənsurə Əliyevadan nəvəsini universitetə qəbul etdirmək adı ilə 7 min manat, Zenfira İmanovadan oğlunu ali məktəbə qəbul etdirəcəyi adı ilə 30 min manat, Məhərrəm Quliyevdən isə oğlunu işə düzəltmək adı ilə 3 min manat pul alıb.

N.Ağayeva daha bir vətəndaşdan övladını ali məktəbə qəbul etdirmək adı ilə 25 min manat alıb.  

O, Cinayət Məcəlləsinin 178.3.2-ci (dələduzluq; külli miqdarda törədildikə) maddəsi ilə ittiham edilir. Onun barəsində həbs qətimkan tədbiri seçilmişdi.

Bakı Ağır Cinayətlər Məhkəməsinin hökmü ilə N.Ağayevanın əməli qanunda edilən dəyişikliyə görə 178.2.2-ci (xeyli miqdarda dələduzluq) maddəsinə tövsif edilib və N.Ağayeva 3 il 6 ay müddətinə azadlıqdan məhrum olunub. Hökmdən narazı qalan məhkum qadın və zərərçəkmişlər apellyasiya şikayəti veriblər.

Xatırladaq ki, filologiya elmləri namizədi olan N.Ağayeva 2000-ci il martın 18-də  "Əməkdar müəllim" adına layiq görülüb. O, həbs edilməmişdən bir müddət əvvəl işlədiyi təhsil müəssisəsindən ayrılıb.

ŞƏRH YAZ
0
BAĞLA