Abbas Ələsgərovla vida mərasimi keçirilir — FOTO / YENİLƏNİB

Abbas Ələsgərovla vida mərasimi keçirilir
11:49
19.02.2018
4209
Hadisə
A
Təzəpir məscidində Dövlət Şəhərsalma və Arxitektura Komitəsinin ötən gün vəfat etmiş sədri Abbas Ələsgərovla vida mərasimi keçirilir.

"Ölkə.Az" Report-a istinadən xəbər verir ki, mərasimdə mərhumun qohumları, iş yoldaşları iştirak edir.

A.Ələsgərov saat 14:00-da “Qurd qapısı” qəbirstanlığında dəfn olunacaq. 

***

Dövlət Şəhərsalma və Arxitektura Komitəsinin sədri Abbas Ələsgərov vəfat edib.

"Ölkə.Az" APA-ya istinadən xəbər verir ki, A.Ələsgərov dünən axşam saatlarında dünyasını dəyişib.

Qeyd edək ki, A.Ələsgərov 1937-ci ilin dekabrın 13-də Bakıda anadan olub. A.Ələsgərov əmək fəaliyyətinə Azərbaycan SSR Xalq Təsərrüfatı Şurasının "Təchizat və satışı" Respublika Kontoru "Sovnarxozmaşsnabsbıt"nın mühəndisi kimi başlayıb.

Daha sonra o, Azərbaycan SSR Xalq Təsərrüfatı Şurasının İxtisaslaşdırılmış "Tikinti mexanizasiyası sənayesi" trestində mühəndis, Azərbaycan SSR Kommunal Təsərrüfatı Nazirliyinin Əsaslı tikinti şöbəsinin mühəndisi, Azərbaycan SSR Sənaye Tikinti Nazirliyinin Tikintidə yeni texnikanı tətbiq edən trest "Orqtexstroy", layihənin baş mühəndisi, şöbə müdiri, trestin baş mühəndisi, Azərbaycan SSR Sənaye Tikinti Nazirliyinin 4 №-li Trestinin 42 №-li Tikinti İdarəsinin baş mühəndisi, SSRİ Dövlət Tikinti Komitəsinin "Azərdövlətsənayelayihə" İnstitutunun baş mühəndisinin müavini, "Bakıbaştikinti"nin Layihə - Konstruktor Texnoloji Bürosunun direktoru, Bakı Şəhər İcra Hakimiyyətinin Bakı Dövlət Layihə İnstitutunun direktoru vəzifəsində çalışıb.

A.Ələsgərov 2007-ci ildən Azərbaycan Respublikası Dövlət Şəhərsalma və Arxitektura Komitəsinin sədri idi.

Xatırladaq ki, O, Azərbaycan Memarlar İttifaqının sədri olub, "Şərəf Nişanı" ordeni, “Xalqlar Dostluğu” ordeni, "Şöhrət" ordeni ilə təltif olunub, 1987-ci ildə "Azərbaycanın əməkdar mühəndisi və 2007-ci ildə "Azərbaycanın əməkdar memarı" fəxri adları verilib.

Abbas Ələsgərovla vida mərasimi bir qədər sonra Təzəpir məscidində keçiriləcək.

Saat 14:00-da mərhum “Qurd qapısı” qəbirstanlığında, qohumlarının yanında dəfn ediləcək. 

Allah rəhmət eləsin!

ŞƏRH YAZ
0

Sumqayıtda avtomobillə vurulan piyada hadisə yerində keçinib

Sumqayıtda avtomobillə vurulan piyada hadisə yerində keçinib
00:18
Bu gün
1111
Hadisə
A
Sumqayıt şəhərinin Z.Hacıyev küçəsində “Audi” markalı avtomobillə şəhər sakini vurulub.

"Ölkə.Az" bildirir ki, DİN-dən trend-ə verilən məlumata görə, dekabrın 14-də saat 9 radələrində Sumqayıt şəhərinin Z.Hacıyev küçəsində şəhər sakini Elməddin Kərimov idarə etdiyi “Audi” markalı avtomobillə yolu keçən şəhər sakini Füzuli Yusifovu vurub və nəticədə piyada hadisə yerində ölüb.

Sumqayıt ŞPİ tərəfindən araşdırma aparılır.

Ölkə.Az

ŞƏRH YAZ
0

Bakıda qadının boyunbağısı oğurlandı — Oğru görün kim çıxdı

Bakıda qadının boyunbağısı oğurlandı
00:03
Bu gün
772
Hadisə
A
Bakının Qaradağ rayonunda oğurluq hadisəsi baş verib.

"Ölkə.Az" teleqraf.com-a istinadən bildirir ki, hadisə rayonun Qobustan qəsəbəsində qeydə alınıb.

Qəsəbədə yaşayan bir qadının 2 min manat dəyərində olan boyunbağısı oğurlanıb.

Baş verən oğurluq hadisəsi ilə bağlı Qaradağ rayon Polis İdarəsinin 11-ci polis bölməsinə məlumat verilib.

Polis əməkdaşlarının keçirdikləri əməliyyat tədbirləri nəticəsində oğurluğu törətməkdə şübhəli bilinən ev sahibinin oğlu Qiyas Balayev saxlanılıb.

Faktla bağlı cinayət işi başlanıb.

ŞƏRH YAZ
0
BAĞLA