"ABŞ belə davam etsə, III Dünya Müharibəsi qaçınılmazdır" — Hərbi ekspert

18:08
17.03.2017
122
Siyasət
A
ABŞ xarici işlər naziri Tillerson Şimali Koreyanı müharibə ilə hədələyib.

Şimali Koreya yeni nüvə bombasını sınaqdan keçirəcəyini bəyan edib. Buna cavab olaraq isə ABŞ rəhbərliyi bildirib ki, əgər Şimali Koreya fikirindən daşınmasa, hərbi müdaxilə edəcəyik.

Ekspertlər ABŞ-ın Şimali Koreyaya hərbi müdaxiləsinin III Dünya Müharibəsi ilə nəticələnəcəyini deyir. Ümumiyyətlə ABŞ-ın son zamanlar İran, Çin və Şimali Koreyanı hədəf alan bəyanatları ekspertləri narahat edir.

ABŞ-ın Şimali Koreyanı hədələməsi və III Dünya Müharibəsi təhlükəsi barədə hərbi ekspert Üzeyir Cəfərov Ölkə.Az-a danışıb:

"Son zamanlar ABŞ ətrafında baş verən hadisələr çox narahatlıq yaradır. ABŞ-ın hazırki administrasiyası çox böyük yanlışlıqlara yol verir. Xüsusən Trampın miqrasiya ilə bağlı qərarları, İranla bağlı vəziyəti gərginləşdirməyə yönəlmiş bəyanatları, indi də Şimali Koreya ilə bağlı səsləndirdiyi fikirləri narahatçılıq doğurur. Mənə elə gəlir ki, ABŞ administrasiyası çox uğursuz bir komanda toplayıb, dünyanın taleyi ilə oynamağa başlayıb. Bu gedişlə III Dünya Müharibəsinin baş verməsi qaçılmazdır. Söz savaşı bir gün silahların dili ilə danışacaq. ABŞ rəsmiləri danışanda ehtiyatlı olmalıdırlar. Dünyada hər şey ABŞ-dan asılı deyil. ABŞ super gücdür, ancaq super güc super ağıl nümayiş etdirməlidir.

ABŞ-ın xarici işlər naziri Tillersonun bəyanatı müəyyən mənada düzgün səsləndirilmiş ola bilər. Ancaq ehtiyatlı olmaq lazımdır. Son zamanlar ABŞ administrasiyasının səsləndirdiyi müəmmalı bəyanatlar, fikirlər onu deməyə əsas verir ki, Azərbaycanla bağlı da sərsəm bir bəyanat verə bilərlər. Qarabağla bağlı da ABŞ administrasiyasının tələsik, yerində olmayan bəyanatı ola bilər.

BMT, NATO ilə bağlı uğurlu addımlarla yanaşı yerində olmayan bəzi fikirlər də var ki, onların istifadəsi ABŞ-ın imicinə çox böyük ziyan gətirir. ABŞ belə davam etsə, III Dünya Müharibəsi qaçılmaz olacaq".

Səxavət Məmməd
Ölkə.Az

ŞƏRH YAZ
0

Azərbaycan və Fransa arasında bir sıra sahələr üzrə komissiya yaradılacaq

Azərbaycan və Fransa arasında bir sıra sahələr üzrə komissiya yaradılacaq
14:45
Bu gün
461
Siyasət
A
Azərbaycan və Fransa arasında bir sıra sahələr üzrə komissiya yaradılacaq.

“Report” xəbər verir ki, bunu Bakıda azərbaycanlı həmkarı Elmar Məmmədyarovla görüşdən sonra jurnalistlər üçün keçirilən mətbuat konfransında Fransanın xarici işlər naziri Jan-İv Lö Drian deyib.

"Azərbaycan və Fransa arasında bir sıra sahələr üzrə komissiya yaradılacaq. Komissiya nəqliyyat, ekologiya, kənd təsərrüfatı və digər sahələri əhatə edəcək", - deyə nazir bildirib.

Ölkə.Az

ŞƏRH YAZ
0

Fransanın XİN rəhbəri: "Dağlıq Qarabağ münaqişəsində status-kvo həll variantı deyil"

Fransanın XİN rəhbəri:
14:38
Bu gün
465
Siyasət
A
"Ermənistan-Azərbaycan, Dağlıq Qarabağ münaqişəsi zonasında status-kvonun saxlanması problemin həll variantı deyil".

"Ölkə.Az" Report-a istinadən xəbər verir ki, bunu Bakıda azərbaycanlı həmkarı Elmar Məmmədyarovla görüşdən sonra jurnalistlər üçün keçirilən mətbuat konfransında Fransanın xarici işlər naziri Jan-İv Lö Drian deyib.

O, Fransanın ATƏT-in Minsk qrupunun həmsədri kimi münaqişənin həlli ilə bağlı öhdəliklərinin olduğunu bildirib:

"Fransanın bu barədə böyük öhdəlikləri var. Biz də Azərbaycan kimi münaqişənin sülh yolu ilə həllini dəstəkləyirik".

Ölkə.Az

ŞƏRH YAZ
0
BAĞLA