ABŞ bombardmançıları Şimali Koreya səmasında

“Ölkə.Az” xəbər verir ki, sentyabrın 23-də ABŞ Hərbi-Hava Qüvvələrinə məxsus bombardmançı təyyarələr Şimali Koreya sahillərinin şərqində uçuşlar həyata keçiriblər. Bu barədə Pentaqonun bəyanatında bildirilir. Məlumata görə, uçuşlar ABŞ-ın hərbi potensialının nümayiş etdirilməsi məqsədilə keçirilib.

 “Uçuşlar Yaponiyadakı beynəlxalq hava məkanında həyata keçirilib. Bu uçuşlar ərazidə təhlükəsizliyi qorumaq məqsədi daşıyır”, - deyə məlumatda bildirilib.

Bildirilib ki, bu Amerikanın Şimali Koreyaya bir siqnalıdır: “Biz hərbi imkanlarımızdan tam istifadə etməyə hazırıq. Bizim hərbi imkanlarımız və hərbi gücümüz imkan verir ki, ABŞ və onun müttəfiqlərinin təhlükəsizliyini tam qoruya bilək. Bu missiya üzərində istənilən addımı atmağa hazırıq”, - deyə Pentaqonun bəyanatında bildirilir.

Ziya Səccad
Ölkə.Az