“ABŞ-da bundan sonra da terror aktları davam edəcək” — Politoloq rəyi

“ABŞ-da bundan sonra da terror aktları davam edəcək”
21:57
02.10.2017
563
Analitika
A
ABŞ-ın Las-Veqas şəhərində baş verən qanlı hadisələr əslində Amerikanın daxili problemlərindən qaynaqlanır.

Bu barədə politoloq Fikrət Sadıqov “Ölkə.Az”a açıqlamasında bildirib. Onun sözlərinə görə, belə hadisələr Amerikada çoxdan müzakirə olunan silahın açıq şəkildə satılması məsələsinin birbaşa nəticəsidir.

“Bir çox mütəxəssislər hesab edirlər ki, ABŞ-da silah satışını qadağan etmək lazımdır. Cəmiyyətdə psixi, əqli xəstələrin sayı çoxdur. Ayrıca qeyri-adekvat addım atan insanların da sayı getdikcə çoxalır. Ən dəhşətlisi isə həmin insanların müəyyən dairələrdə, xüsusi qüvvələr tərəfindən idarə edilməsidir. Vaxtı ilə Amerika cəmiyyətində silahın açıq şəkildə satılması normal bir hal idisə, indi çox təhlükəlidir. Çünki hazırda dünyada bir sıra proseslər gedir. Beynəlxalq münasibətlər sistemi mürəkkəbləşib. Terror təşkilatları yaranıb. Bu səbəbdən də, Amerikada silah satışı dayandırılmasa, bundan sonra da terror aktları davam edəcək. Düzdür Amerikada silah satışını qadağan edəndən sonra belə hadisələrin qarşısını tam almaq da mümkün olmayacaq. Lakin bir sıra cinayətlər azalacaq”, - deyə F.Sadıqov bildirib.

Amerikada son vaxtlar baş verən terror aktları, yerli vətəndaşların törətdiyi qatı cinayətləri ölkə başçısı Donald Trampın nataraz siyasətilə də bağlayanlar az deyil. F.Sadıqov da istisna etmir ki, ABŞ-da baş verənlərin arxasında Tramp amili dayana bilər.

“Donald Trampın hakimiyyətə gəlməsindən sonra Amerikada vəziyyət xeyli mürəkkəbləşib. Ona qarşı bir sıra siyasi qüvvələr çıxış edir və qarşıdurma yaradır. Ola bilər ki, kimsə bundan peşəkarlıqla istifadə edir”.

Ziya Səccad
Ölkə.Az

ŞƏRH YAZ
0

Sabah dollar neçəyə olacaq?

Sabah dollar neçəyə  olacaq?
17:14
10.09.2018
329
Analitika
A
Sentyabrın 11-nə manatın məzənnəsi açıqlanıb.

Mərkəzi Bankdan "Ölkə.Az"a verilən məlumata görə, 11.09.2018-ci il tarixindən etibarən rəsmi məzənnə 1 ABŞ dollarına nisbətdə 1,7000 manat səviyyəsində müəyyən olunub.

Qeyd edək ki, 2018-ci il sentyabrın 10-da da USD/AZN rəsmi məzənnəsi 1,7000 manat təşkil edib.

ŞƏRH YAZ
0

Ötən gecə cəbhə

Ötən gecə cəbhə
09:38
07.09.2018
343
Analitika
A
Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 91 dəfə pozub.

Bu barədə "Ölkə.Az"a Azərbaycan Müdafiə Nazirliyinin mətbuat xidmətindən məlumat verilib.

Ermənistan Respublikası Noyemberyan rayonunun Şavarşavan kəndində, İcevan rayonunun Ayqeovit kəndində və adsız yüksəkliklərdə yerləşən mövqelərdən Qazax rayonunun Quşçu Ayrım, Cəfərli, Bala Cəfərli kəndlərində, Berd rayonunun Çinari kəndində yerləşən mövqelərdən Tovuz rayonunun Koxanəbi, Əsrik Cırdaxan kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Göyarx, Çiləbürt, Ağdam rayonunun Nəmirli, Qaraqaşlı, Seyidli, Sarıcalı, Yusifcanlı, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qaraxanbəyli, Qorqan, Kürdlər, Horadiz, Cəbrayıl rayonunun Nüzgar kəndləri yaxınlığında, həmçinin Goranboy, Tərtər, Xocavənd və Cəbrayıl rayonları ərazisindəki adsız yüksəkliklərdə yerləşən mövqelərdən də Azərbaycan ordusunun mövqeləri atəşə tutulub.

ŞƏRH YAZ
0
BAĞLA