ABŞ-da hücuma məruz qalan hakim hücumçunu vurdu

ABŞ-da hücuma məruz qalan hakim hücumçunu vurdu
16:19
22.08.2017
8
Dünya
A
ABŞ-da məhkəmə binası qarşısında hakimə silahla hücum ediblər.

"Ölkə.Az" xəbər verir ki, özünü itirməyən hakim silahını çəkərək hücumçunu vurub.

Hadisə Ohayo ştatında baş verib. Polis məmuru Fred Abdalla jurnalistlərə bildirib ki, hakim Cozef Brazzesə Steubenvill şəhərindəki məhkəmə binası qarşısında atəş açılıb.

Hakim və hücumçu arasında baş verən silahlı insident nəticəsində Brazzes ağır yaralanıb. Hücumçu isə ölüb. Polisin xəbərinə əsasən, hücumçu bir neçə saat hakimin binaya gəlməsini gözləyib.

Hücumçunu məhkəmə binasının qarşısına gətirən avtomobilin sürücüsü də saxlanılıb. Sürücünün vəziyyətdən xəbərdar olmadığı iddia edilsə də, həm hücumçu, həm də sürücü keçmiş məhkumdur.

Hikmət Həsənov
Ölkə.Az

ŞƏRH YAZ
0

Muqabe istefa verdi

Muqabe istefa verdi
20:44
Bu gün
260
Dünya
A
Zimbabve prezidenti Robert Muqabe istefaya gedib.

Ölkə.Az Trend-ə istinadən bildirir ki, bu barədə ölkə parlamentinin spikeri məlumat verib.

O, deyib ki, Muqabe parlamentin impiçment qərarından sonra bu addımı atıb.

Qeyd edək ki, bir qədər əvvəl Zimbabve parlamenti prezident Robert Muqabeyə impiçment elan edib.

Prezidentə səlahiyyətlərini təhvil vermək üçün bir sutka vaxt verilib.

Xatırladaq ki, noyabrın 14-də axşam saatlarında hərbçilər ölkədə əsas obyektləri nəzarət altına alıblar. Növbəti gün Muqabe və onun xanımı Qreys saxlanılıb.

ŞƏRH YAZ
0

Çin əhalisinin sayı 1.399 milyarda çatdı

Çin əhalisinin sayı 1.399 milyarda çatdı
19:31
Bu gün
200
Dünya
A
Çində əhalinin sayı açıqlanıb.

 "Ölkə.Az" xəbər verir ki, sayım nəticəsində məlum olub ki, Çin Xalq Respublikasında əhalinin sayı 1.399 milyarda çatıb.

"Sinxua" agentliyi bildirir ki, əhalinin ümummilli bazasının məlumatına əsasən ölkədə hazırda 1.399 milyard vətəndaş qeydiyyatdan keçib. Bazada ölkənin bütün vətəndaşlarına aid məlumat toplanıb. Bazada qeydiyyat ancaq şəxsiyyət vəsiqəsinin nömrəsinə əsasən aparılır.

Hikmət Həsənov
Ölkə.Az

ŞƏRH YAZ
0
BAĞLA