ABŞ-da kater faciəsində ölənlərin sayı 17-yə çatıb
ABŞ-ın Missuri ştatındakı Teybl Rok gölündə gəzinti katerinin aşması nəticəsində ölənlərin sayı 17 nəfərə çatıb.
"Ölkə.Az"ın məlumatına görə, bu barədə "NBC" telekanalı xəbər yayıb.
Dairənin şerifi Staoun bildirib ki, ölənlərin sayı daha 4 nəfərin cəsədinin tapılmasından sonra artıb. Onlar itkin düşmüş sayılırdı.
Hadisə zamanı katerdə olan daha 7 nəfər xəstəxanaya yerləşdirilib. Onlardan biri ağır vəziyyətdədir.
Qəzaya uğrayan katerin içində 31 nəfər olub. Hadisəyə güclü küləyin səbəb olduğu ehtimal edilir.
Qeyd edək ki, daha əvvəl hadisə zamanı 13 nəfərin həlak olduğu qeyd edilirdi.
Ölkə.Az
