ABŞ-da polislərə silahlı hücum
ABŞ-da polis zabitlərinə silahlı hücum olub.
“Ölkə.Az” xəbər verir ki, hadisə Konnektikut ştatında, Nyu-Haven şəhərində baş verib. Bu barədə şəhərin polis zabiti Mike Finkelsteyin “Twitter” sosial şəbəkəsindəki hesabında yazıb. Onun sözlərinə görə, naməlum şəxs polislərə atəş açıb.
Nəticədə iki polis zabiti yaralanıb. Polislrədən biri qolundan, digəri isə qarın nahiyyəsindən güllə yarası alıb. Yaralılar dərhal xəstəxanaya çatdırılıblar. Onların həyatı üçün təhlükə yoxdur.
Hadisə səhər, Amerika vaxtı ilə saat 10:30-da qeydə alınıb. Polisin keçirdiyi əməliyyat nəticəsində silahlı şəxs zərərsizləşdirilib.
Ziya Səccad
Ölkə.Az
