ABŞ-dan Şimali Koreya üçün müharibə mesajı

"Ölkə.Az" xəbər verir ki, M.Pens Şimali Koreyaya qarşı "strateji səbr erası artıq başa çatıb", - deyib. O bunu əsas gətirərək bildirib ki, Şimali Koreya barəsində lazımı tədbirlər görüləcək.

"Söhbət Şimali Koreyadan gedirsə, bu administrasiya üçün strateji səbr erası başa çatıb. Dözülməz Şimali Koreya rejimi Asiya-Sakit okeanı regionunda təhlükəsizlik üçün əsas təhlükə mənbəyidir. Artıq onlar barəsində vacib və əsaslı tədbirlər görüləcək", - deyə M.Pens bildirib.

M.Pens qeyd edib ki, Donald Trampın rəhbərliyilə regiondakı müttəfiqlər Şimali Koreyaya qarşı iqtisadi və diplomatik təzyiqləri gücləndirəcəklər:

"Şimali Koreya öz nüvə və ballistik proqramlarından birdəfəlik əl çəkməyincəyə qədər biz bunu davam etdirəcəyik”.

Qeyd edək ki, iyun ayının 21-də Amerika mətbuatında məlumatlar yayılmışdı ki, Şimali Koreya yeni nüvə sınağına hazırlaşır. Birləşmiş Ştatların xüsusi xidmət orqanlarının ehtimalına əsasən, rəsmi Pxenyan sınaqları ABŞ və Çinlə keçiriləcək növbəti danışıqlar ərəfəsində müəyyən məqsədlə edir. Bundan sonra D.Tramp çıxış edərək bildirmişdi ki, artıq Şimali Koreyaya qarşı təzyiqləri gücləndirmək lazımdır.

Ziya Səccad
Ölkə.Az