ABŞ-dan Şimali Koreyaya daha bir ağır zərbə
“Ölkə.Az” xəbər verir ki, Amerikanın Maliyyə Nazirliyi Şimali Koreyanın 8 bankı və onları xarici ölkələrdə təmsil edən 26 KXDR vətəndaşına qarşı sanksiyalar tətbiq edib. Bu barədə nazirliyin məlumatında bildirilib.
“Sanksiyalar “Agricultural Development Bank”, “Cheil Credit Bank”, “Hana Banking Corporation Ltd”, “İnternational İndustrial Development Bank”, “Jinmyong Joint Bank”, “Jinsong Joint Bank”, “Koryo Commercial Bank Ltd” və “Ryugyong Commercial Bank”larına qarşı tətbiq edilib. Bundan başqa, sanksiyalar Şimali Koreyanın Rusiyadakı “Foreign Trade Bank” və Suriyadakı banklarına .amil olunur. Eləcə də, Şimali Koreyanın Suriya, Liviya və Birləşmiş Ərəb Əmirliklərindəki ticarət şəbəkələrinə sanksiyalar şamil edilib”, - deyə məlumatda bildirilib.
Qeyd edək ki, sanksiyalar KXDR-in raket və nüvə proqramlarını reallaşdırması ilə bağlı tətbiq edilib.
Ziya Səccad
Ölkə.Az
