ABŞ Əfqanıstanda hərbi nüfuzunu artırır — Rəsmi Vaşinqtonun Uzaq Şərq planı dəyişir?

ABŞ Əfqanıstanda hərbi nüfuzunu artırır
10:20
22.08.2017
56
Dünya
A
ABŞ prezidenti Donald Tramp yeni bəyanatla çıxış edib.

"Ölkə.Az" xəbər verir ki, Trampın bəyanatına əsasən Əfqanıstanda terrora qarşı mübarizənin effektivliyini artırmaq üçün amerikalı əsgərlərin səlahiyyətlərini genişləndirmək lazımdır.

Tramp deyib: "Biz bütün Əfqanıstanda xaos və zorakılıq əsdirən terror və kriminal şəbəkələrə zərbələr endirmək üçün ABŞ silahlı qüvvələrinin səlahiyyətlərini genişləndirəcəyik. Əfqanıstandan ABŞ ordusunun çıxarılması vakkum yaradacaq, terrorçular isə bundan istifadə edəcək".

ABŞ-ın dövlət katibi Reks Tillerson da rəsmi Vaşinqtonun Əfqanıstan hökuməti və Taliban arasında danışıqları dəstəklədiyini bəyan edib: "Əfqanıstan hökuməti və Taliban arasında sülh danışıqlarını dəstəkləməyə hazırıq".

Tillerson əlavə edib ki, ABŞ taliblərə döyüş meydanında qələbə qazana bilməyəcəklərini anlamağa imkan verəcək. 

Tramp isə Tvitter hesabında Pakistanın terrorçulara sığınacaq verdiyini yazıb: "Pakistan münətəzəm olaraq zorakılıq, terror və xaos agentlərinə sığınacaq verir".

Hikmət Həsənov
Ölkə.Az

ŞƏRH YAZ
0

Suriya-Türkiyə sərhədində şiddətli atışma — 4 türk hərbçi şəhid oldu

Suriya-Türkiyə sərhədində şiddətli atışma
01:20
Bu gün
507
Dünya
A
Suriya-Türkiyə sərhədi yaxınlığında şiddətli döyüşlər başlayıb.

“Ölkə.Az” xəbər verir ki, bu barədə “Əl-Mayadin” telekanalı məlumat yayıb. Bildirilir ki, kürd terrorçuları ilə Türkiyə hərbçiləri arasında şiddətli atışma olub. Silahlı insident zamanı 4 türk əsgəri şəhid olub.

Hadisə Türkiyə hərbçilərinin bölgəyə daxil olmaq istədikləri vaxt baş verib. Suriyanın Afrin bölgəsində yaranmış gərginlik zamanı hələlik üçüncü dövlətin hərbçiləri müdaxilə etməyiblər. Lakin əraziyə Suriya qoşunlarının da gətirildiyi barədə məlumatlar daxil olub.

Ölkə.Az

ŞƏRH YAZ
0

Ukraynada atışma — 3 ölü

Ukraynada atışma
00:50
Bu gün
737
Dünya
A
Ukraynanın Odessa şəhərində polislərlə silahlı şəxs arasında baş verən atışma nəticəsində 3 nəfər ölüb.

“Ölkə.Az” xəbər verir ki, bu barədə Odessa vilayəti polis idarəsinin nümayəndəsi Ruslan Forostyak özünün “Facebook” səhifəsində yazıb. Onun sözlərinə görə, ölənlərdən biri polis əməkdaşı olub.

“Ağır vəziyyətdə xəstəxanaya çatdırılan 30 yaşlı polis əməkdaşı dünyasını dəyişdi. Bundan başqa, silahlı şəxs və onun yaxını da öldürülüb. Hadisə zamanı daha iki polis xəsarət alıb”, - deyə Ruslan Forostyak yazıb.

Zərərsizləşdirilən silahlının cibindən 4 qranat tapılıb. Həmin şəxs silahdan bir neçə dəfə istifadəyə görə axtarışda olub.

Ölkə.Az

ŞƏRH YAZ
0
BAĞLA