ABŞ Əfqanıstandakı hərbçilərinin sayını azaldır
ABŞ Əfqanıstandakı hərbi kontingetini 1000 nəfərə qədər azaltmağı düşünür.
“Ölkə.Az” “Reuters”ə istinadən xəbər verir ki, bu barədə ABŞ Mərkəzi Komandanlığının rəhbəri general Cozef Votel bildirib.
Generalın sözlərinə görə, hərbçilərin sayının azaldılması Əfqanıstandakı NATO missiyasının rəhbəri general Ostin Skott Millerin planı əsasında baş tutacaq.
Daha əvvəl “Military.com” portalı general Ostin Skott Millerin yaxın 8-12 ay ərzində Əfqanıstandan 7 min hərbçini çıxaracağını yazıb.
Qeyd edək ki, yanvarın sonunda ABŞ prezidenti Donald Tramp Əfqanıstanda sülhə nail olunacağı təqdirdə amerikalı hərbçiləri ölkədən çıxaracağını bildirmişdi.
Hazırda Əfqanıstanda 14 mindən çox ABŞ hərbi qulluqçusu var.
Ölkə.Az
