"ABŞ əvvəlki nüfuzunu bərpa etmək üçün Şimali Koreyaya müdaxilə etmək istəyir" — Politoloq rəyi

14:02
19.04.2017
180
Siyasət
A
Şimali Koreya ilə ABŞ hər gün verdiyi bəyanatlarla bir-birilərini hədələyirlər.

ABŞ Şimali Koreya yaxınlığına 2 ədəd təyyarədaşıyan gəmi göndərib. Şimali Koreya isə rəsmən bildirib ki, ABŞ Şimali Koreyaya hərbi müdaxilə etsə, bu nüvə müharibəsinin başlamasına səbəb olacaq.

Çin tərəfi nüvə silahına görə narahat olduğunu dilə gətirir. Rusiya isə Şimali Koreya məsələsində susub. Ekspertlər isə bildirir ki, Rusiya əslində susmayıb, Şimali Koreyanı silahlandırır. Şimali Koreyanın keçirdiyi hərbi paradda rus silahlarının nümayişi əslində Rusiyanın hansı mövqedə olduğunu göstərir.

Şimali Koreya ətrafında baş verənlərlə bağlı politoloq Adıgözəl Məmmədov "Ölkə.Az"-a danışıb:

"Əslində Şimali Koreya ətrafında çox maraqları vəziyyət yaranıb. Bu proses analitik çevrələri müəyyən bir dilemma qarşısında qoyur. Faktiki olaraq görünən odur ki, ABŞ-ın yeni strategiyası ümumiyyətlə regionda və dünyada geopolitik rəqiblərini neytrallaşdırmağa yönəlib. ABŞ administrasiyası bir müddət Rusiyaya yaxınlıq göstərərək rəsmi Moskvanı Çinə qarşı müəyyən kampaniyalara cəlb etməyə cəhd etdi. Ancaq Rusiya ilə Çin iqtisadi cəhətdən o qədər iç-içə girib ki, "Şanxay Əməkdaşlıq Təşkilat"ı, alternativ karbohidrat ixracatının Çin üzərindən həyata keçirilməsi, Orta Asiyada, Hind-Çin yarımadasında maraqların bir-birini nəzərə almaq şəklində həyata keçirilməsi buna misaldır.

Pekinin Moskvaya təsiri günü-gündən artır. Bunun canlı şahidi olmuşam. "Şanxay Əməkdaşlıq Təşkilatın"ın ekspertlərinin tədbirində Çin tərəfinin nümayəndəsi hökmlə, amiranə tərzdə danışırdı. Tədbirdən sonra rus ekspertlərlə danışanda onlar özləri də dedi ki, etiraf etməliyik ki, "Şanxay Əməkdaşlıq Təşkilatı" Çinin layihəsidir. Bu təşkilatı Rusiyaya bağlayırlar, əslində isə təşkilat Çinin maraqlarına xidmət edir.

Şimali Koreya Çinlə birgə Rusiyaya bağlıdır. Şimali Koreyaya müdaxilənin səbəbi ABŞ-ın əvvəlki nüfuzunu itirməsi və dünyaya təsir gücünün zəifləməsidir. Orta Şərqdə faktiki olaraq yeni oyunçu Rusiyadır. Faktiki olaraq ABŞ Yaxın və Orta Şərqdə, dünyanın digər bölgələrində öz əvvəlki nüfuzunu itirir. Bu nüfuzun tam itməməsi üçün ABŞ Rusiya və Çinin "qol-qanad"larını sıradan çıxarmaq istəyir.

Şimali Koreyanın keçirdiyi son hərbi paradda bütün silah növləri Rusiya istehsalı idi. Hər bir geopolitik gücün əlində müxtəlif vasitələr var. Faktiki olaraq Şimali Koreya məsələsində Rusiyanın səssizliyinə rəğmən, hərbi paraddakı silahlara baxdıqda deyə bilərik ki, Rusiya meydandadır. Şimali Koreya üzərində sanki Moskva ilə Pekinin bir rəqabəti də var".

Səxavət Məmməd
Ölkə.Az

ŞƏRH YAZ
0

Kolinda Qrabar-Kitaroviçdən İlham Əliyevə təbrik

Kolinda Qrabar-Kitaroviçdən İlham Əliyevə təbrik
20:39
Bu gün
643
Siyasət
A
Xorvatiya Respublikasının Prezidenti Kolinda Qrabar-Kitaroviç Prezident İlham Əliyevi təbrik edib.

"Ölkə.Az" xəbər verir ki, təbrik məktubunda deyilir:

Hörmətli cənab Prezident.

Yenidən Azərbaycan Respublikasının Prezidenti seçilməyiniz münasibətilə Sizi Xorvatiya Respublikasının vətəndaşları adından və şəxsən öz adımdan ürəkdən təbrik edirəm.

Xorvatiya Respublikası ölkələrimiz arasında xalqlarımızın getdikcə daha çox müxtəlif sahələrdəki ortaq maraqlarına xidmət edən tərəfdaşlığı və dost münasibətlərini yüksək qiymətləndirir. İnanıram ki, prezidentliyinizin yeni dönəmində də ölkələrimiz üçün xüsusilə böyük əməkdaşlıq potensialına malik olan və hər iki dövlət üçün mühüm əhəmiyyət kəsb edən iqtisadi və enerji sahələrində sıx münasibətlərimiz davam edəcək. Əminəm ki, Xorvatiya və Azərbaycan şirkətləri arasında əməkdaşlığı genişləndirmək üçün hər iki tərəfdə sərmayə qoyuluşuna maraq oyatmaq xüsusilə çox əhəmiyyətlidir.

Xorvatiya Respublikasına planlaşdırdığınız səfəriniz zamanı Sizinlə görüşməyi səbirsizliklə gözləyirəm və inanıram ki, bu görüşümüz həm ölkələrimiz, həm də vətəndaşlarımız arasında mövcud olan dostluq və konstruktiv əməkdaşlıq münasibətlərinin bundan sonra da inkişaf etməsinə təkan verəcək.

Cənab Prezident, Sizə ən səmimi salamlarımı və ən yüksək ehramımı çatdırıram.

Ölkə.Az

 

ŞƏRH YAZ
0

Misirin dövlət başçısı və Mərakeşin Kralı İlham Əliyevi təbrik etdi

Misirin dövlət başçısı və Mərakeşin Kralı İlham Əliyevi təbrik etdi
20:26
Bu gün
430
Siyasət
A
Misir Ərəb Respublikasının Prezidenti Əbdülfəttah əs-Sisi Azərbaycan Respublikasının Prezidenti İlham Əliyevə təbrik məktubu ünvanlayıb.

"Ölkə.Az"ın xəbərinə görə, təbrik mətnində deyilir:

"Zati-aliləri.

Prezident seçkilərində qələbəniz və dövlət başçısı səlahiyyətlərini yenidən icra etməyiniz münasibətilə Sizə ən səmimi təbriklərimi çatdırmaqdan böyük sevinc hissi duyur, dost xalqınızın ümid və istəklərini yerinə yetirmək istiqamətində şərəfli yolunuzun davamında uğurlar arzulayıram.

Sözsüz ki, seçkilərdə yüksək səs çoxluğu ilə qələbəniz xalqınızın Sizin müdrik rəhbərliyinizlə əldə etdiyi uğurları davam etdirmək əzminin əyani sübutudur.

Cənab Prezident, bu xoş fürsətdən istifadə edərək, dost ölkələrimiz və xalqlarımız üçün firavanlıq və rifaha yeni üfüqlər açan bütün sahələrdə qarşılıqlı əməkdaşlıq yollarının inkişafının əhəmiyyətini vurğulamaq istərdim.

Sizə möhkəm cansağlığı və xoşbəxtlik diləyir, Azərbaycan xalqına isə davamlı tərəqqi və rifah arzulayıram".

Bundan başqa, Mərakeşin Kralı Əlahəzrət VI Məhəmməd də Azərbaycan Respublikasının Prezidenti İlham Əliyevə təbrik məktubu ünvanlayıb. Məktubda deyilir:

"Hörmətli Prezident, Əziz Qardaşım.

Yenidən Azərbaycan Respublikasının Prezidenti seçilməyiniz münasibətilə Sizə ən səmimi təbriklərimi çatdırmaqdan böyük məmnunluq hissi duyuram. Ali dövləti vəzifənizdə uğurlarınızın davamlı olmasını, qardaş Azərbaycan xalqının maraqları naminə və ölkənizi bundan sonra da tərəqqiyə doğru aparmaq fəaliyyətinizdə Sizə yeni-yeni nailiyyətlər arzulayıram.

Azərbaycan xalqı Sizə yenidən etimad göstərərək Zati-alinizin müdrik dövlət xadimi kimi keyfiyyətlərini, eləcə də Azərbaycanın hərtərəfli və davamlı inkişafı istiqamətində apardığınız əzmkar və yorulmaz fəaliyyətinizi çox yüksək qiymətləndirdiyini nümayiş etdirdi.

Ölkələrimiz arasında səmərəli və dinamik inkişaf edən əməkdaşlıq münasibətlərinin indiki səviyyəsindən məmnunluq duyuram.

Zati-aliləri, ölkələrimiz arasında bütün sahələrdə əməkdaşlığı möhkəmləndirmək istiqamətində Sizinlə işləməyə davam etmək istərdim. Bu isə xalqlarımızın maraqlarına xidmət etməyin və onların arasındakı qardaşlıq əlaqələrinin təcəssümüdür".

Ölkə.Az

ŞƏRH YAZ
0
BAĞLA